[1] बाकि यीसु जैतून के पहाड़ पर गेलथी।
[2] भोरे ऊ फिन मनि्दल आयलथी, सभ लोग उनखा भीरू अयलन आउर ऊ बइठके ओखनी के उपदेस देवे लगलथी।
[3] तब सास्न्नी आउर फरीसी एगो अउरत के लयलन जे बेभिचार में पकड़ल गेलइ हल, आउर ओकरा बीच में खड़ा करके यीसु से कहलन,
[4] “हे गुरू, ई अउरत बेभिचार करइत पकड़ल गेलइ हे।
[5] बेबस्था में मूसा हमनी के आग्यां देलन हे कि अइसन अउरतिय न पर पथाराव करऽ। ईसे तूँ ई अउरत के बारे में का कहऽ हे?”
[6] ओखनी उनखा जाँचे ला ई बात कहलन जेसे उनखा पर दोष लगावे लागी कोइ बात पावे। बाकि यीसु निहुरके अंगूरी से भूइयाँ पर लिखे लगलथी।
[7] जब ओ उनखा से पूछइते रहलन, त ऊ सोझ होके ओखनी से कहलथी, “तोहनी में जे कहियो पाप नञ कयले हो, उहे पहिले ओकरा पत्थाल मारय।”
[8] आउर फिन निहुरके भूइयाँ पर अंगूरी से लिखे लगलथी।
[9] बाकि ओ ई सुनके बड़ से छोट ले, एक एक करके निकस गेलन, आउर यीसु अकेले रह गेलथी, आउर अउरत हुए बीच में खड़ा रह गेली।
[10] यीसु सोझा होके ओकरा से कहलथी, “हे आउरत, ओ काहाँ गेलन? का कोइ तोरा पर सजा के आग्यां नञ देलन?”
[11] ऊ कहलकय, “हे परभु, कोइ नञ।” यीसु कहलथी, “हम्हुं तोरा पर सजा के आग्यां नञ देबो, जा फिन पाप नञ करिहें।”]
[12] यीसु फिन लोग सभ से कहलथी, “दुनिया के जोति हम हि; जे हमरा पीछे हो ज य तइ ऊ अन्धार में नञ चलतई, बाकि जि नगी के जोति पय तइ।”
[13] फरीसियन उनखा से कहलन, “तूँ अप्पन गवाही अपने दे हे, तोर गवाही ठीक नञ।”
[14] यीसु ओखनी के ज बाव देलथी, भल्ले हम अप्पन गवाही अपनही दे हि, तइयो हमर गवाही ठीक हे, काहेकि हम जानऽ हिअई कि हम काहाँ से आयल हि आउर काहाँ जा हि? बाकि तूँ नञ जानऽ कि हम काहाँ से आवऽ हि चाहे काहाँ जा हि।
[15] तोहनी देह के मोताबिक नेयाय करऽ हू, हम केकरो नेयाय नञ करऽ हि।
[16] आउर जे नेयायो करिअई, त हमर नेयाय स च्चा हे, काहेकि हम अकेले नञ, बाकि हम हिअइ, आउर पिता हथ जे हमरा भेज लन।
[17] तोहनी के बेबस्था में लिखल हे कि दू आमदी के गवाही मिलके ठीक होवऽ हे,
[18] एगो तो हम अपनही अप्पन गवाही दे हि, आउर दोसर पिता हमर गवाही दे हथ जे हमरा भेज लन।”
[19] ओखनी उनखा से कहलन, “तोहर पिता काहाँ हे?” यीसु ज बाव देलथी, “नञ तोहनी हमरा जानऽ हू, नञ हमर पिता के, जे हमरा जानतहू तो हमर पि तो के जानतहू।”
[20] ई बात ऊ मनि्दल में उपदेस देइत भण्डार घर में कहलथी, आउर कोइ उनखा नञ पकडलकय, काहेकि उनखर बखत अबले नञ आयल हल।
[21] ऊ फिन ओखनी से कहलथी, “हम जाइत हियो, आउर तोहनी हमरा खोज बऽ आउर अप्पन पाप में मरज य बऽ, ज हँ हम जाइत हियो, हुआँ तोहनी नञ आ सकऽ।”
[22] एकरा पर यहूदियन कहलकय, “का ऊ अपनही अपना के मार देतइ, जे कहऽ हे, ‘ज हँ हम जा हि हुआँ तोहनी नञ आ स कऽ’?”
[23] यीसु ओखनी से कहलथी, “तोहनी नीचे के हऽ, हम ऊपर के हिअई, तोहनी दुनिया के हऽ, हम दुनिया के नञ।
[24] एहिसे हम तोहनी से कहलियो कि तोहनी अप्पन पाप में मरबऽ, काहेकि जे तोहनी बिसवास नञ करबऽ कि हम उहे हिअई तो अप्पन पाप में मरबऽ।”
[25] ओखनी उनखा से कहलन, “तूँ के हे?” यीसु ओखनी से कहलथी, “उहे हिअई जे सुरू से तोहनी से कहइत आयल हियो।
[26] तोहनी के बारे में हमरा ढ़ेरेक कहे आउर नेयाय करेके हइ; बाकि हमरा भेजेवाला स च्चा हइ, आउर जे हम उनखा से सुनली हे उहे दुनिया से कहऽ हिअई।”
[27] ओ ई नञ स मझलन कि हमरा से पिता के बारे में कहऽ हे।
[28] तब यीसु कहलथी, “जब तोहनी आमदी के बेटा के ऊँचा पर चढ़ाय बहु, तो जानबहु कि हम उहे हियो, हम अपनही अपने से कुछ नञ करऽ हिअई बाकि जयस न हमर पिता हमरा सि खय लन ओय स ने ई बात कहऽ हियो।
[29] हमरा भेजेवाला हमरा जोरे हथ, ऊ हमरा अकेला नञ छोड़लन काहेकि हम हरमेसा उहे काम करऽ हिअइ जेकरा से ऊ खुस होवऽ हथ।”
[30] ऊ ई बात कहिये रहलथी हल कि ढ़ेरेक लोग उनखा पर बिसवास कयलन।
[31] तब यीसु ऊ यहूदियन से जे उनखा पर बिसवास कयलन हल, कहलथी, “जे तोहनी हमर बचन में बनल रहबऽ, तो स च्चो में हमर चेला कहय बऽ।
[32] तोहनी सच के जानबऽ, आउर सच तोहनी के आजाद करतई।”
[33] ओखनी उनखा ज बाव देलन, “हमनी त इबराहिम के खानदान से हिअ इ, आउर कहियो केकरो नाउकर नञ होलि अ इ। तहयो तूँ कइसे कहऽ हे कि तूँ आजाद हो जयबऽ?”
[34] यीसु उनकरा ज बाव देलथी, “हम तोहनी से सच स च कहऽ हियो कि जे कोइ पाप करऽ हे ऊ पाप के नउकर हे।
[35] नउकर हरमेसा घर में नञ रहऽ, बेटा हरमेसा रहऽ हे।
[36] एहिसे जे बेटा तोहनी के आजाद करतई, त स च्चो तोहनी आजाद हो ज य बऽ।
[37] हम जानऽ हियो कि तोहनी इबारहिम के खानदान से हऽ, तइयो हमर बचन तोहनी के हिया में जगह नञ पावऽ हे, एहिसे तोहनी हमरा मार देवे चाहऽ हू।
[38] हम उहे कहऽ हियो, जे अप्पन पिता के हीयाँ देखली हे आउर तोहनी उहे करइत रहऽ हू जे तोहनी अप्पन पिता से सुनलऽ हे।”
[39] ओखनी उनखा ज बाव देलथी, “हमनी के पिता त इबराहिम हथ।” यीसु उनकरा से कहलथी, “जे तोहनी इबराहिम के औलाद होवऽ, त इबराहिम के निय न काम करबऽ।
[40] बाकि अब तोहनी हमरा जयस न आमदी के मार देवे चाहऽ हू, जे तोहनी के ऊ सच बचन बतय लक जे परमेसर से सुनलक; अयसन त इबराहिम नञ कयलन हल।
[41] तोहनी अप्पन पिता नियन काम करऽ हू।” ओखनी उनखा से कहलन, “हमनी बेभिचार से नञ ज लमली, हमनी के एगो पिता हथ माने परमेसर।”
[42] यीसु उनकरा से कहलथी, “जे परमेसर तोहनी के पिता होतन, त तोहनी हमरा से परेम रखतहु, काहेकि हम परमेसर दन्न से आयल हिअई। हम अपने से नञ अय ली, बाकि उहे हमरा भेज लन।
[43] तोहनी हमर बात काहे नञ स मझऽ? एहिसे कि तोहनी हमर बचन सुन नञ सकऽ।
[44] तोहनी अप्पन पिता सैतान से हू आउर अप्पन पिता के लालसा के पूरा करे चाहऽ हू। ऊ त सुरू से हतियारा हे आउर सच पर अस थिार नञ रहलहू, काहेकि सच ओकरा में हइये नञ हे। जब ऊ झूठ बोलऽ, तो अप्पन सोभावे से बोलऽ हे काहेकि ऊ झूठा हे बाकि भूठ के बाप हे।
[45] बाकि हम जे सच बोलऽ हियो, एहिसे तोहनी हमर बिसवास नञ करऽ।
[46] तोहनी में से के हमरा पापी बतावऽ हे? जे हम सच बोलऽ हि, तो तोहनी हमर बिसवास काहे नञ करऽ?
[47] जे परमेसर से होवऽ हइ, ऊ परमेसर के बात सुनऽ हइ, आउर तोहनी एहिसे नञ सुनऽ कि परमेसर दन्ने से नञ हऽ।”
[48] ई सुनके यहूदियन उनखा से कहलन, “का हम ठीक नञ कहऽ हियो कि तूँ सामरी हे, आउर तोरा में दुष्ट आतमा हे?”
[49] यीसु ज बाव देलथी, “हमरा में दुष्ट आतमा नञ, बाकि हम अप्पन पिता के आदर करऽ हिअई, आउर तोहनी हमर अप मान कर हऽ।
[50] बाकि हम अप्पन इज्ज त नञ चाहऽ हिअई हाँ, एगो हथ जे चाहऽ हथ आउर नेयाय करऽ हथ।
[51] हम तोरा से सच स च कहऽ हियो कि जे कोइ आमदी हमर बचन पर चलतई, त ऊ हरमेसा ले मउत के नञ देखतइ।”
[52] यहूदियन उनखा के कहलन, “अब हमनी जान लेलियो कि तोरा में सैतान हे। इबराहिम मर गेलथी, आउर भबिस वक्तो मर गेलन, आउर तूँ कहऽ हे, ‘जे कोइ हमर बचन पर चलतइ त ऊ हरमेसा ले मउत के सुआद नञ चक्खतई।’
[53] हमनी के पिता इबराहिम त मर गेलथी। का तूँ उनकरा से बड़ हे?”
[54] यीसु ज बाव देलथी, “जे हम अपने अप्पन महिमा करिअई, त हमर महिमा कुछ नञ, बाहि हमर महिमा करेवाला हमर पिता हथ, जिनका तोहनी कहइत हऽ कि ऊ तोहनी के परमेसर हथ।
[55] तोहनी तो उनखा नञ जानलऽ: बाकि हम उनखा जानऽ हिअई। जे हम कहिअई कि हम उनखा नञ जानऽ हि, तो हम तोहनी नियर झूठा बनबई बाकि हम उनखा जानऽ हि आउर उनखर बचन पर चलऽ हि।
[56] तोहनी के पिता इबराहिम हमर दिन देथे के आस रा में ढ़ेर खुस हलन, आउर ऊ देखलन आउर खुस होलन।”
[57] यहूदियन उनखा से कहलन, “अबले तूँ पचास बरिस के नञ, तइयो तूँ इबराहिम के देखली हे?”
[58] यीसु उनकरा से कहलथी, “हम तोहनी से सच स च कहऽ हियो, कि पहिले एकरा कि इबराहिम पइदा होलन, हम हिअई।”
[59] तब ओखनी उनखा मारे ला पत्थाल उठय लन, बाकि यीसु लुका के मनि्दल से निकस गेलथी।