[1] ເຫດສະນັ້ນ ຂ້າພະເຈົ້າໃນຖານະທີ່ເປັນເຖົ້າແກ່ຄົນໜຶ່ງ ຜູ້ເປັນພະຍານເຖິງຄວາມ^ທົນທຸກຂອງ^ພຣະຄຣິດ ແລະມີສ່ວນໃນສະຫງ່າຣາສີ ທີ່ຈະມາປາກົດພາຍຫຼັງ ຈຶ່ງຂໍເຕືອນພວກເຖົ້າແກ່ໃນທ່າມກາງພວກເຈົ້າວ່າ,
[2] “ຈົ່ງລ້ຽງຝູງແກະ ທີ່ພຣະເຈົ້າໄດ້ຝາກໄວ້ກັບພວກເຈົ້າ ຈົ່ງລ້ຽງຮັກສາດ້ວຍຄວາມ^ເຕັມໃຈ ຕາມນໍ້າພຣະໄທຂອງ^ພຣະເຈົ້າ ບໍ່ແມ່ນດ້ວຍໃຈຂົມຂື່ນ, ຈົ່ງເຮັດວຽກຂອງ^ພວກເຈົ້າດ້ວຍຄວາມ^ເສຍ^ສະຫລະ ບໍ່ແມ່ນເພື່ອເຫັນແກ່ຄ່າຈ້າງລາງວັນ ແຕ່ດ້ວຍໃຈເຫຼື້ອມໃສ.”
[3] ບໍ່ແມ່ນເໝືອນເປັນເຈົ້ານາຍ ເໜືອພວກທີ່ຊົງຝາກໄວ້ກັບພວກເຈົ້າ ແຕ່ໃຫ້ເປັນແບບຢ່າງອັນດີແກ່ຝູງແກະນັ້ນ.
[4] ແລະເມື່ອພຣະຜູ້ລ້ຽງອົງຍິ່ງໃຫຍ່ຈະສະເດັດມາປາກົດ ພວກເຈົ້າຈະໄດ້ຮັບມົງກຸດອັນຊົງສະຫງ່າຣາສີທີ່ບໍ່ມີວັນເສົ້າໝອງ.
[5] ໃນທຳນອງ^ດຽວກັນ ພວກເຈົ້າຜູ້ມີອາຍຸອ່ອນກວ່າ ຈົ່ງນ້ອມຟັງຕໍ່ພວກອາວຸໂສ. ພວກເຈົ້າທຸກຄົນ ຈົ່ງສວມຄວາມ^ຖ່ອມໃຈ ເພື່ອຮັບໃຊ້ຊຶ່ງກັນແລະກັນ ຕາມທີ່ມີຄຳຂຽນໄວ້ໃນພຣະຄຳພີວ່າ, “ພຣະເຈົ້າຊົງຕໍ່ສູ້ຄົນທີ່ຈອງຫອງ ແຕ່ຊົງປະທານພຣະຄຸນແກ່ຜູ້ທີ່ຖ່ອມໃຈລົງ.”
[6] ດ້ວຍເຫດນັ້ນ ພວກເຈົ້າຈົ່ງຖ່ອມໃຈລົງ ຢູ່ໃຕ້ພຣະຫັດອັນຊົງຣິດຂອງ^ພຣະເຈົ້າ ເພື່ອພຣະອົງຈະຊົງຍົກພວກເຈົ້າຂຶ້ນ ເມື່ອເຖິງເວລາອັນຄວນ.
[7] ຈົ່ງປະຄວາມ^ກະວົນ^ກະວາຍຂອງ^ພວກເຈົ້າໄວ້ກັບພຣະອົງ ເພາະວ່າພຣະອົງຊົງຫ່ວງໃຍພວກເຈົ້າຢູ່.
[8] ເຈົ້າ^ທັງຫລາຍຈົ່ງຄອຍລະວັງຕົວແລະເຝົ້າຢູ່. ດ້ວຍວ່າ, ສັດຕູຂອງ^ພວກເຈົ້າຄືມານທຽວວົນວຽນໄປມາເໝືອນໂຕສິງ ທີ່ແຜດສຽງຊອກຫາຄົນທີ່ມັນຈະກັດກິນໄດ້.
[9] ຈົ່ງຕໍ່ສູ້ກັບສັດຕູນັ້ນດ້ວຍໃຈໝັ້ນຄົງໃນຄວາມເຊື່ອ ໂດຍຮູ້ແລ້ວວ່າພີ່ນ້ອງຂອງ^ພວກເຈົ້າທົ່ວໂລກ ກໍປະສົບກັບຄວາມ^ທຸກລຳບາກຢ່າງດຽວກັນນີ້.
[10] ແລະເມື່ອເຈົ້າ^ທັງຫລາຍໄດ້ທົນທຸກຢູ່ຊົ່ວຂະນະໜຶ່ງແລ້ວ ພຣະເຈົ້າຜູ້ຊົງພຣະຄຸນທັງໝົດ ຜູ້ໄດ້ຊົງເອີ້ນພວກເຈົ້າໃຫ້ເຂົ້າໃນສະຫງ່າຣາສີອັນຕະຫລອດໄປໃນພຣະຄຣິດ ພຣະອົງເອງຈະຊົງໂຜດແປງໃຈພວກເຈົ້າ ໃຫ້ຕັ້ງຂຶ້ນໃໝ່ແລະຕັ້ງໝັ້ນຄົງຢູ່ ໃຫ້ມີກຳລັງຂຶ້ນແລະຊົງບັນດານໃຫ້ມີຮາກອັນແໜ້ນໜາ.
[11] ຣິດທານຸພາບ ຈົ່ງເປັນຂອງ^ພຣະອົງຕະຫລອດໄປ^ເປັນນິດເທີ້ນ ອາແມນ.
[12] ເຮົາໄດ້ຂຽນຈົດໝາຍສັ້ນໆສະບັບນີ້ ດ້ວຍຄວາມ^ຊ່ວຍເຫລືອຂອງ^ຊີລາວານ ຜູ້ທີ່ເຮົາຖືວ່າເປັນພີ່ນ້ອງຜູ້ສັດຊື່ຄົນໜຶ່ງ ເຮົາຢາກໜູນ^ນໍ້າໃຈພວກເຈົ້າ ແລະເປັນພະຍານແກ່ພວກເຈົ້າວ່າ ພຣະຄຸນນີ້ເປັນພຣະຄຸນອັນແທ້ຈິງຂອງ^ພຣະເຈົ້າ, ຈົ່ງຕັ້ງໝັ້ນຄົງຢູ່ໃນພຣະຄຸນນັ້ນ.
[13] ນາງ ທີ່ຢູ່ເມືອງບາບີໂລນ ຊຶ່ງຊົງເລືອກໄວ້ຢ່າງດຽວກັບພວກເຈົ້າ ແລະ ມາຣະໂກ ລູກຂອງເຮົາກໍຝາກຄວາມ^ຄິດເຖິງມາເໝືອນກັນ.
[14] ຈົ່ງທັກທາຍກັນດ້ວຍການຈູບທີ່ສະແດງເຖິງຄວາມຮັກ. ຂໍສັນຕິສຸກ ຈົ່ງມີແກ່ເຈົ້າ^ທັງຫລາຍທີ່ຢູ່ໃນພຣະຄຣິດເທີ້ນ. 22-Jul-2009@18:43, Backup Description=19-Aug-2009@11:28, Le Khac Tam - 01-Sep-2009@13:06, Backup Description=31-Jul-2009@08:50, Bounthanh - 20-ต.ค.-2552@10:41, Backup Description=15-Sep-2009@14:35, Bounveun - 19-พ.ย.-2552@09:28, Backup Description=17-พ.ย.-2552@09:49, BOUNTHANH - 01-ม.ค.-2547@06:01, Backup Description=23-Mar-2010@15:39, Le Khac Tam - 01-ม.ค.-2547@00:19, Backup Description=16-Sep-2010@15:11, Le Khac Tam -