[1] ຈາກ ເປໂຕ ອັກຄະສາວົກຂອງ^ພຣະເຢຊູ^ຄຣິດເຈົ້າ ເຖິງ ໄພ່ພົນທີ່ພຣະເຈົ້າໄດ້ຊົງເລືອກໄວ້ ຊຶ່ງອາໄສຢູ່ໃນຕ່າງຖິ່ນ ກະຈັດ^ກະຈາຍຢູ່ຕາມແຂວງຕ່າງໆເຊັ່ນ: ປົນໂຕ, ຄາລາເຕຍ, ກາປາໂດເກຍ, ເອເຊຍ ແລະ ບີທີເນຍ.
[2] ຄືຜູ້ທີ່ພຣະເຈົ້າ ພຣະບິດາເຈົ້າໄດ້ຊົງເລືອກໄວ້ແລ້ວ ຕາມທີ່ພຣະອົງໄດ້ຊົງຮູ້ລ່ວງໜ້າໄວ້ກ່ອນ ເພື່ອພຣະວິນຍານຈະຊົງຊຳລະໃຫ້ບໍຣິສຸດ ຈະໃຫ້ນົບນ້ອມເຊື່ອຟັງພຣະເຢຊູ^ຄຣິດເຈົ້າ ແລະຈະໃຫ້ຮັບການຊຳລະດ້ວຍພຣະ^ໂລຫິດຂອງ^ພຣະອົງ. ຂໍພຣະຄຸນ ແລະສັນຕິສຸກຈົ່ງບັງເກີດທະວີຄູນແກ່ເຈົ້າ^ທັງຫລາຍເທີ້ນ.
[3] ສາທຸການແດ່ພຣະເຈົ້າ ພຣະບິດາແຫ່ງອົງພຣະເຢຊູ^ຄຣິດເຈົ້າຂອງ^ເຮົາ^ທັງຫລາຍ ຜູ້ໄດ້ຊົງພຣະມະຫາກະຣຸນາແກ່ພວກເຮົາ ຊົງໂຜດໃຫ້ພວກເຮົາບັງເກີດ^ໃໝ່ ເຂົ້າສູ່ຄວາມຫວັງໃຈອັນມີຊີວິດຢູ່ໂດຍການຄືນພຣະຊົນຂອງ^ພຣະເຢຊູ^ຄຣິດເຈົ້າ,
[4] ເພື່ອຮັບມໍຣະດົກອັນຄົບ^ບໍຣິບູນ ຊຶ່ງພຣະເຈົ້າໄດ້ຮັກສາໄວ້ສຳລັບໄພ່ພົນຂອງ^ພຣະອົງໃນສະຫວັນ ຊຶ່ງເປັນບ່ອນທີ່ບໍ່ເປື່ອຍເນົ່າ ບໍ່ຊົ່ວ^ມົວໝອງແລະບໍ່ຫ່ຽວແຫ້ງຈັກເທື່ອ.
[5] ຊຶ່ງເປັນຜູ້ທີ່ຣິດອຳນາດຂອງ^ພຣະເຈົ້າ ຊົງເຝົ້າຮັກສາໄວ້ດ້ວຍຄວາມເຊື່ອ ຈົນໄດ້ເຖິງຄວາມ^ພົ້ນ ຊຶ່ງພ້ອມແລ້ວທີ່ຈະປາກົດໃນວັນສຸດທ້າຍ.
[6] ໃນສິ່ງນີ້ແຫລະ ຈຶ່ງຊົມຊື່ນ^ຍິນດີຫລາຍ ເຖິງແມ່ນວ່າດຽວນີ້ ຈຳເປັນທີ່ພວກເຈົ້າຈະຕ້ອງທົນຄວາມ^ທຸກໂສກ ດ້ວຍການຖືກທົດລອງຕ່າງໆໃນໄລຍະເວລາໜຶ່ງ.
[7] ເຖິງແມ່ນວ່າ ຄຳກໍຍັງຖືກລອງເບິ່ງດ້ວຍໄຟ ແຕ່ຄວາມເຊື່ອທີ່ຖືກລອງກໍປະເສີດກວ່າຄຳ ທີ່ຍ່ອມຮູ້ສູນຫາຍໄປ. ດັ່ງນັ້ນ ການທົດລອງຕ່າງໆເກີດຂຶ້ນ ເພື່ອໃຫ້ຄວາມເຊື່ອທີ່ລອງແລ້ວນັ້ນ ປາກົດວ່າ ຄວນໄດ້ຮັບຄຳສັນລະເສີນ ສະຫງ່າຣາສີ ແລະກຽດຕິຍົດ ໃນເວລາທີ່ພຣະເຢຊູ^ຄຣິດເຈົ້າຈະສະເດັດມາປາກົດ.
[8] ພຣະອົງຜູ້ທີ່ພວກເຈົ້າຍັງບໍ່ໄດ້ເຫັນ ແຕ່ພວກເຈົ້າກໍຍັງຮັກພຣະອົງຢູ່ ເຖິງແມ່ນວ່າຂະນະນີ້ ພວກເຈົ້າບໍ່ເຫັນພຣະອົງ ແຕ່ຍັງເຊື່ອແລະຊື່ນຊົມຍິນດີ ດ້ວຍຄວາມ^ຍິນດີອັນຮຸ່ງເຮືອງ ຊຶ່ງເຫລືອທີ່ຈະອະທິບາຍໄດ້.
[9] ແລ້ວເຈົ້າ^ທັງຫລາຍຈຶ່ງໄດ້ຮັບ ຕາມຈຸດປະສົງແຫ່ງຄວາມເຊື່ອຂອງ^ພວກເຈົ້າ ຄືວິນຍານຈິດຂອງ^ພວກເຈົ້າຈະໄດ້ລອດພົ້ນ.
[10] ບັນດາຜູ້ທຳນວາຍທີ່ໄດ້ທຳນວາຍເຖິງພຣະຄຸນ ຊຶ່ງຈະບັງເກີດແກ່ເຈົ້າ^ທັງຫລາຍ ກໍໄດ້ຄົ້ນຄວ້າແລະສືບຖາມຫາຢ່າງຖ້ວນຖີ່ ກ່ຽວກັບເລື່ອງຄວາມ^ພົ້ນນີ້.
[11] ພວກເພິ່ນໄດ້ສຶບຄົ້ນຫາວ່າ ພຣະວິນຍານຂອງ^ພຣະຄຣິດ ຜູ້ຊົງສະຖິດຢູ່ໃນພວກເພິ່ນ ໄດ້ຖືກບົ່ງໄວ້ ເຖິງຄາວໃດແລະເວລາໃດ ເມື່ອພຣະອົງຊົງທຳນວາຍໄວ້ ເຖິງຄວາມ^ທຸກ^ທໍລະມານຂອງ^ພຣະຄຣິດ ແລະເຖິງສະຫງ່າຣາສີ ທີ່ຈະມາພາຍຫລັງຄວາມ^ທົນທຸກທໍລະມານນັ້ນ.
[12] ກໍຊົງສຳແດງໃຫ້ພວກຜູ້ທຳນວາຍນັ້ນຮູ້ວ່າ ທີ່ທ່ານເຫລົ່ານັ້ນໄດ້ປະຕິບັດໃນເຫດການທັງປວງນັ້ນ ບໍ່ແມ່ນສຳລັບພວກເພິ່ນເອງ ແຕ່ສຳລັບເຈົ້າ^ທັງຫລາຍ. ບັດນີ້ ຄົນເຫລົ່ານັ້ນທີ່ປະກາດຂ່າວປະເສີດແກ່ເຈົ້າ^ທັງຫລາຍ ໄດ້ກ່າວສິ່ງເຫລົ່ານັ້ນແກ່ພວກເຈົ້າແລ້ວ ໂດຍພຣະວິນຍານບໍຣິສຸດເຈົ້າ ຜູ້ຊົງຮັບໃຊ້ມາຈາກສະຫວັນ. ເຫດການເຫລົ່ານີ້ ເປັນສິ່ງຊຶ່ງພວກເທວະດາປາຖະໜາຈະພິຈາລະນາເບິ່ງ.
[13] ດ້ວຍເຫດນັ້ນ ຈົ່ງຕຽມຕົວຕຽມ^ໃຈໃຫ້ພ້ອມ ຈົ່ງມີສະຕິລະວັງຕົວ ແລະຈົ່ງຕັ້ງຄວາມຫວັງໃຫ້ເຕັມບໍຣິບູນໃນພຣະຄຸນ ທີ່ຈະໂຜດປະທານໃຫ້ພວກເຈົ້າ ເມື່ອພຣະເຢຊູເຈົ້າສະເດັດມາປາກົດ.
[14] ຈົ່ງເປັນລູກທີ່ເຊື່ອຟັງ ແລະຢ່າດຳເນີນຊີວິດຕາມຕັນຫາແບບເກົ່າ ທີ່ພວກເຈົ້າເຄີຍມີໃນຄາວຍັງໂງ່ຢູ່ນັ້ນ.
[15] ແຕ່ເພາະພຣະອົງ ຜູ້ຊົງເອີ້ນເຈົ້າ^ທັງຫລາຍນັ້ນບໍຣິສຸດ ຝ່າຍພວກເຈົ້າຈົ່ງກາຍເປັນຜູ້ບໍຣິສຸດ ໃນທາງກິຣິຍາວາຈາທຸກປະການເໝືອນກັນ.
[16] ເພາະມີຄຳຂຽນໄວ້ແລ້ວວ່າ, “ເຈົ້າ^ທັງຫລາຍຈົ່ງເປັນບໍຣິສຸດ ເພາະຝ່າຍເຮົາບໍຣິສຸດ.”
[17] ແລະຖ້າພວກເຈົ້າພາວັນນາ^ອະທິຖານທູນຂໍຕໍ່ພຣະອົງ ຜູ້ຊົງພິພາກສາທຸກຄົນ ຕາມກິດຈະການຂອງ^ເຂົາ ໂດຍບໍ່ເລືອກໜ້າຜູ້ໃດ ເຖິງແມ່ນວ່າພວກເຈົ້າເອີ້ນພຣະອົງວ່າ, “ພຣະບິດາເຈົ້າ” ກໍຕາມ ຈົ່ງປະຕິບັດໄປດ້ວຍຄວາມ^ຢຳເກງ ຕະຫລອດເວລາທີ່ພວກເຈົ້າອາໄສຢູ່ໃນໂລກນີ້.
[18] ເພາະພວກເຈົ້າກໍຮູ້ຢູ່ແລ້ວວ່າ ພວກເຈົ້າຖືກໄຖ່ໃຫ້ເປັນອິດສະຫລະ ຈາກການດຳເນີນຊີວິດອັນບໍ່ມີປະໂຫຍດ ທີ່ສືບທອດມາຈາກບັນພະບຸລຸດຂອງ^ພວກເຈົ້າ ບໍ່ແມ່ນໄຖ່ດ້ວຍສິ່ງຂອງທີ່ເສື່ອມສູນໄປ ເໝືອນດັ່ງເງິນ ຫລືຄຳ
[19] ແຕ່ຊົງໄຖ່ດ້ວຍພຣະ^ໂລຫິດ ອັນຊົງມີຄ່າຂອງ^ພຣະຄຣິດ ເໝືອນດັ່ງເລືອດລູກແກະ ທີ່ບໍ່ມີຕຳໜິຫລືຮອຍດ່າງ.
[20] ພຣະອົງໄດ້ຖືກຊົງເລືອກໄວ້ ໂດຍພຣະເຈົ້າກ່ອນວາງຮາກສ້າງໂລກ ແຕ່ເພື່ອເຫັນແກ່ພວກເຈົ້າ ພຣະອົງຈຶ່ງໄດ້ໃຫ້ພຣະຄຣິດສະເດັດມາປາກົດໃນເວລາສຸດທ້າຍ.
[21] ໂດຍທາງພຣະອົງນັ້ນ ພວກເຈົ້າຈຶ່ງໄດ້ໄວ້ວາງໃຈໃນພຣະເຈົ້າ ຜູ້ຊົງບັນດານໃຫ້ພຣະອົງເປັນຄືນມາຈາກຕາຍ ແລະຊົງປະທານສະຫງ່າຣາສີໃຫ້ແກ່ພຣະອົງ ເພື່ອຄວາມເຊື່ອແລະຄວາມຫວັງຂອງ^ພວກເຈົ້າຈະຕັ້ງຢູ່ໃນພຣະເຈົ້າ.
[22] ທີ່ເຈົ້າ^ທັງຫລາຍໄດ້ຊຳລະຈິດໃຈຂອງຕົນ ໃຫ້ບໍຣິສຸດດ້ວຍຄວາມ^ເຊື່ອຟັງຄວາມຈິງ ຈົນມີຄວາມຮັກພວກພີ່ນ້ອງຢ່າງຈິງໃຈ ພວກເຈົ້າຈົ່ງຮັກຊຶ່ງກັນແລະກັນດ້ວຍເຕັມໃຈ.
[23] ດ້ວຍວ່າ, ເຈົ້າ^ທັງຫລາຍໄດ້ເກີດໃໝ່ແລ້ວ ບໍ່ແມ່ນເກີດຈາກແນວປູກທີ່ອາດເປື່ອຍເນົ່າ ແຕ່ເກີດຈາກແນວປູກທີ່ບໍ່ອາດເປືອຍເນົ່າ ຄືເກີດຈາກພຣະທຳຂອງ^ພຣະເຈົ້າ ອັນຊົງຊີວິດແລະຕັ້ງໝັ້ນຄົງ.
[24] ຕາມທີ່ມີຄຳຂຽນໄວ້ໃນພຣະຄຳພີວ່າ, “ມະນຸດທຸກຄົນ ເປັນດັ່ງຕົ້ນຫຍ້າ ແລະສະຫງ່າຣາສີຂອງ^ພວກເຂົາ ກໍເປັນດັ່ງດອກ^ຫຍ້າ ຕົ້ນຫຍ້າຫ່ຽວແຫ້ງໄປ ແລະດອກມັນກໍລ່ວງຫລົ່ນໄປ
[25] ແຕ່ພຣະຄຳຂອງ^ອົງພຣະ^ຜູ້^ເປັນເຈົ້າ ຕັ້ງໝັ້ນຄົງຢູ່ຕະຫລອດຊົ່ວ^ນິຣັນດອນ.” ພຣະຄຳນັ້ນ ຄືຂ່າວປະເສີດ ທີ່ໄດ້ປະກາດໃຫ້ພວກເຈົ້າຮູ້ແລ້ວ.