<Мәсәлә 14

[1] К'ӧлфәта сәрwахт мала хwә ава дькә, ле йа ахмах пе дәсте хwә һьлдьшинә.

[2] Йе р'ийа р'астда дьчә әw жь Хӧдан дьтьрсә, ле к'и р'ийа харо-марода дьчә, әw Wи беһӧрмәт дькә.

[3] Дәве ахмах шьва сәр пьшта wи йә, ле дәве сәрwахта хwә зәфт дькьн.

[4] К'идәре га т'ӧнә, афьр' вала йә, ле пьшти га гәләк дәрәмәт те сәр һәв.

[5] Шә'де амьн дәрәwа накә, ле шә'де дәрәw, дәрәw жь дев дьwарьн.

[6] Пек'әни сәрwахтийе дьгәр'ә, ле набинә, ле бона билана заньсти р'ьһ'әт ә.

[7] Жь мәрьве ахмах дур к'әвә, тӧ занәбуне дәве wида набини.

[8] Сәрwахтийа мәрьве аqьл әв ә, кӧ р'ийа хwә занә, ле ахмахтийа ахмах хальфандьнә.

[9] Ахмах сәр гӧнәкьрьне дьк'әньн, ле нава р'астада бәрбьһери һәйә.

[10] Һәр дьл дәрд у кӧлед хwә занә у кәсәк т'әви шабуна wи набә.

[11] Малед нәп'ака wе wеран бьн, ле һ'олькед р'аста wе гӧл дьн.

[12] Р'е һәйә кӧ мерьвр'а р'аст хӧйа дькә, ле хьлазийа wе р'ийа мьрьне йә.

[13] Щар-щара дәви к'ән ә, дьли кӧл ә, щар-щара жи ахьрийа шабуне шин у гьри йә.

[14] Мәрьве дьлхьраб жь бәред р'ийа хwә т'ер дьбә, ле мәрьве qәнщ жь бәре кьред хwә.

[15] Мәрьве сахьке дьле хwә һәр готьне баwәр дькә, ле йе аqьл дина хwә дьдә гавед хwә.

[16] Йе сәрwахт дьтьрсә у жь хьрабийе дур дьк'әвә, ле йе ахмах дьqьлqьлә у щӧлә'т дьбә.

[17] Йе зу һерс дьк'әвә беһ'ьшийе дькә, ле мәрьве сәрwахт сәбьр дькә.

[18] Йе беһ'ьш wе ахмахтийе qазьнщ кьн, ле йе аqьл заньстийева тен к'офикьрьн.

[19] Хьрабе ль бәр qәнща дәвәр'уйа бен, нәп'аке жи ль бәр дәре р'аста.

[20] К'әсиб һ'әта ль бәр ч'ә'ве һәвале хwә жи р'әш ә, ле достед дәwләти гәләк ьн.

[21] К'и qәдьре йәки нагьрә, әw гӧнә дькә, ле йе дәст давежә к'әсиб, хwәзьли йә.

[22] Гәло йед хьраб дьфькьрьн нахальфьн? Ле йед qәнщ дьфькьрьн, qәнщи у р'астийе дьбиньн.

[23] Һәр шьхӧлида к'ар һәйә, ле п'уч'хәбәрдан дьбә т'ӧнәбуне.

[24] Һәбука сәрwахта т'аще wан ә, ле к'офийа ахмаха ахмахтийа wан ә.

[25] Шә'де амьн мерьв хьлаз дькә, ле йе qәлп мьхәнәтийе дьдә дәр.

[26] Хофа Хӧдан гӧманәкә qәwин ә у бона зар'ед хофк'еш һеwаргәһ ә.

[27] Хофа Хӧдан канийа жийине йә, кӧ мерьв жь т'ор'а мьрьне дур бьгьрә.

[28] Мьхӧлqәта зә'ф qәдьре п'адше йә, ле мьхӧлqәта кем к'әтьна мир-бәга йә.

[29] Мәрьве хwәйисәбьр, йәки гәләки билан ә, ле йе зу qӧлоз дьбә, беһ'ьшийа хwә дьдә к'ьфше.

[30] Дьле р'ьһ'әт жийина бәдәне йә, ле һ'әвсуди кӧрме һәстуйа йә.

[31] Әwе кӧ к'әсиб дешинә, әw qәдьре Хӧльqдаре wи дьк'әвә, ле йе алийе дәсттәнга дькә, әw qәдьре Хwәде дьгьрә.

[32] Жь дәст хьрабийа хwә нәп'ак дәвәр'уйа те, ле һ'әта бәр мьрьне жи гӧмана йе р'аст һәйә.

[33] Дьле мәрьве аqьлда сәрwахти дьминә, ахмах жи заньн әw йәк чийә.

[34] Р'асти мьләт бьльнд дькә, ле гӧнә мьләт р'ур'әш дькә.

[35] П'адша ль хӧламе аqьл хwәш ә, ле һерса wи ль сәр йе кӧ р'ур'әшийе тинә.