<Мәсәлә 11

[1] Мезина qәлп ль бәр Хӧдан һ'әрами йә, ле мезина р'аст ль Wи хwәш те.

[2] Гава к'ӧбари те, беһӧрмәти жи те, ле сәрwахти т'әви шкәстийа йә.

[3] Һ'әлалийа р'аста wе р'ебәрийа wан бькә, ле һ'ьләк'арийа фелбаза wе к'ока wан бинә.

[4] Р'ожа хәзәбе һәбук к'аре надә, ле р'асти жь мьрьне хьлаз дькә.

[5] Р'астийа к'амьла р'ийа wан р'аст дькә, ле нәһәq пе нәһәqийед хwә дьк'әвьн.

[6] Р'астийа р'аста wе wан хьлаз кә, ле хайин пе хайинтийа хwә те гьртьне.

[7] Гава мәрьве нәп'ак дьмьрә, гӧмана wан жи ӧнда дьбә у мәрәме нәһәqа найе сери.

[8] Йе р'аст wе жь тәнгасийе хьлаз бә у дәwса wи йе нәһәq дьк'әве.

[9] Мәрьве бехwәде пе дәве хwә һәвал-һогьра ӧнда дькә, ле йед р'аст бь заньстийе хьлаз дьбьн.

[10] Ль сәр ачьхийа р'аста бажар ша дьбә у сәр к'әтьна хьраба дәнге шайе те.

[11] Бь дӧайе р'аста бажар гӧл дьдә, ле бь дәве нәп'ака хьраб дьбә.

[12] Кемаqьл щинаре хwә беһӧрмәт дькә, ле мәрьве аqьл хwә кәр' дькә.

[13] Гьлигәр'о сӧр'е ә'йан дькә, ле ширһ'әлал wе йәке вәдьшерә.

[14] Жь бесә'витийе щьмә'т ӧнда дьбә, ле бь к'ома шеwьркьра хьлаз дьбә.

[15] Йе дьбә wәк'иле дәйндарийа йәки нәнас, әw хьрабийе ль хwә дькә, ле йе кӧ хwә жь wәк'илтийа дәйндарийе дур дьгьрә, әw бехоф ә.

[16] Жьна ә'сьл qәдьр дьстинә, ле мәрьве зордар т'әне һәбуке.

[17] Мәрьве р'ә'м qәнщийе ль хwә дькә, ле мәрьве бер'ә'м хьрабийе ль хwә дькә.

[18] Мәрьве нәп'ак кьре п'уч' дькә, ле йе р'астийе дьр'әшинә хwәйе маше хwә йә.

[19] Чаwа йе р'астийеда майи дьчә бәрбь жийине, ӧса жи йе хwә ль хьрабийе гьрти бәрбь мьрьне.

[20] Хwәйе дьле хьраб ль бәр Хӧдан һ'әрам ьн, ле йе кӧ р'ийа беqӧсурда дьчьн ширьне Wи нә.

[21] Т'ӧ щар нәһәq бе бәла наминә ле зӧр'әта р'аста wе хьлаз бә.

[22] К'ӧлфәта бәдәwә бефә'м, чаwа хәлаqа зер'ин фьнща бәразда.

[23] Хwәстьна р'аста т'әне qәнщи йә, ле мәрәме нәп'ака хәзәбә.

[24] Һьнәк бь мәр'данийе зедә дькьн, һьнәк жи бь тьмайе кем дькьн.

[25] Нандаре сьһ'әт у qәwат бә, авдарр'а жи аве бе дайине.

[26] К'и гәньм вәдьшерә ньфьр'а хәлqе сәр ә, ле йе кӧ дьфьрошә дӧа ль сәр ә.

[27] Йе дәмана qәнщийеда йә хатьр дьстинә, ле йе хьрабийе дьгәр'ә әw жи те сәре wи.

[28] Йе гӧмана хwә данийә ль сәр һәбука хwә wе бьк'әвә, ле р'асте мина ч'ьqьле шин гӧлдьн.

[29] Йе зьраре дьдә мала хwә, байе бьбә мьлк'е wи у йе ахмах дьбә хӧламе йе сәрwахт.

[30] Бәре р'аста дара жийине йә у йе сәрwахт дәлалийе хәлqе йә.

[31] Һәгәр сәр дьне р'аст һәqе хwә дьстиньн, нәп'ак у хьрабе һе бьстиньн.