[1] أَوُو تْࢽْ بَدِدُرَمْࢽِࢽْ دْغَࢽَ، أَوُو ࢻَࢽِّیٜࢽَ، أَوُو سِمْࢽْدٜࢽْ رُیْیٜࢽَ، أَوُو لَوَرْࢽِیٜ مُکُّوࢽْدٜ لٜجْࢽَ، وُوتّٜ لَوَرْ کْلَ کَلْمَ رُویٜدَ ࢽَیِرُو وُلْࢽْجَغَیْیٜ؞
[2] رُودْ ࢻْلٜیَادَ، کُورُو تِیَ رُیْیٜࢽَ، کُورُو تِیَ شٜدَࢽِیٜ ࢽَیِرُو رُو سَوِسُویٜ بَوَا رُوکُّو دَسَاࢽَ یٜ، أَࢽْدِرُو ࢻْلٜدْغْࢽَ یٜدَ وُلْࢽْجَغَیْیٜ؞
[3] أَوُو رُیْیٜ ࢻَࢽِّیٜࢽَدَ ࢽَیِ یٜرُو وُلْࢽْجَغَیْیٜ، ࢽغَیْࢽِࢽْ ࢽَیِ یٜ أَࢽْدِیَ رُوکُّو ࢽَࢻْتُ ࢽَࢽْیَاࢽَیٜ دِیٜ؞ أَیْ، ࢽَࢻْتُࢽْدٜ ࢽَࢽْیَاࢽَیٜدْࢽْ بَوَا تَدَࢽْجُ عِیسَى أَلْمَسِیوُوَ رُوکُّو کْرْغَیْیٜ؞
[4] أَوُو أَࢽِیَ کَرْوُکْجِࢽْدٜدْ کَلْکَلُّو وَلْجُورُو رُوُࢽِیٜ؞
[5] أَوُو ࢽَ عِیسَیٜࢽْ ࢻَࢽِّیٜࢽَ ࢽَیِرُو وُلْࢽْجَغَیْیٜدْ، تِمَ اللَّهدْ ࢽُرْ، کُورُو تِلَࢽْ دُوُ تْمَّرُو بَوُو؞
[6] أَࢽْدِ تِیَ رُوکُّو ࢽَࢻْتُ ࢽَࢽْیَاࢽَیٜ دِیٜ ࢽِیٜ دُوُوࢽْ دُوُلَࢽْ دْغَیْیٜیَ، کَتُّوُ کَمِّیٜࢽَ، جِرٜ دِیٜوَوُو؞
[7] أَمَّ ࢽُرْلَࢽْ دْغَیْیٜیَ، تِ کْلَࢽْجُ ࢽُرْلَࢽْ دْغَࢽَدْ غَیْ، کَتّٜࢽْدٜࢽْ ࢽَࢻْتُ ࢽَࢽْیَاࢽَیٜ دِیٜ، کُورُو بُ تَدَࢽْجُ عِیسَیٜدْ أَࢽْدِیَ بِوُ سَمَّلَࢽْ تَیِرُّو کَلَࢽْسَیْ؞
[8] بِوُࢽْدٜ بَوُو ࢽِیٜیَ، کْلَࢽْدٜ جَمْبَࢽِیٜࢽَ، کُورُو جِرٜدْ أَࢽْدِلَࢽْ بَوُو؞
[9] أَمَّ بِوُوَࢽْدٜ وُلِّیٜیَ، تِدْ أَمَࢽْمَ یٜ، جِرٜمَ یٜ، أَࢽْدِرُو بِوُوَࢽْدٜ غَوُرْسَغَࢽٜ جِرٜࢽَمْبُ سَمَّلَࢽْ تَیِرُّو کَلَࢽْسَیْ؞
[10] أَمَّ بِوُ دِیٜࢽْدٜ ࢽِیٜیَ، تِیَ کَتُّوُمَرُو کَلَࢽْغِیٜࢽَ، کُورُو مَࢽَࢽْجُ أَࢽْدِلَࢽْ بَوُو؞