[1] أَکُّو کْرَوُو کُرَ بَوَدْ أَࢽْدِرُو ࢻْلٜسَاࢽَدَ رُیْوُو، حَرْ أَࢽْدِیَ تَدَوَ اللَّهیٜلَࢽْ بُواْسَیْ، کُورُو أَࢽْدِ تَدَوَࢽْجُدْمَ! دَلِلْ دُࢽِیَ أَࢽْدِیَ ࢽُوسَࢽِّدْ تِیَ ࢽُوجْࢽِّ ࢽَࢽْغَرُو؞
[2] کْرَوُووُࢽِ، کْرْمَ أَࢽْدِ تَدَوَ اللَّهیٜ، کُورُو أَوِرُو وَلِّیٜدَ کُورُومَ ࢻْلٜدْغْࢽِّ؞ سَ ࢻْلٜدِییَ، أَࢽْدِ تِ غَیْرُو وَلِّیٜرُو ࢽُوࢽِیٜࢽَ، تِیَ ࢽَࢻْتُࢽْجُࢽْ رُیْیٜ ࢽَࢽْغَرُو؞
[3] وُࢽْدُ دُوُوࢽْ تْمَ أَدَ تِرُو ثَکّْࢽَدْ کْلَࢽْجُوَ تَیِرُّو کَلَکْثِ، تِ تَیِرْدْ غَیْ؞
[4] وُࢽْدُ دُوُوࢽْ بِوُ ثْدِمَدْ وَدَ غَࢽَمْبُمَ، بِوُدْ وَدَ غَࢽَمْبُ؞
[5] أَمَّ بِوُ ࢽغُوجُورُو ࢻْلٜدْغْࢽَرُو ࢽُوࢽُوَّ، کُورُو تِلَࢽْ بِوُ بَوُو؞
[6] وُࢽْدُ دُوُوࢽْ تِلَࢽْ دْغَࢽَدْ بِوُ ثْدِوَوُو؞ وُࢽْدُ دُوُوࢽْ بِوُ ثْدِمَدْ تِیَ ثُرُࢽِّ یٜ، تِیَ ࢽُوجْࢽِّ یٜ؞
[7] ࢽجُرِیَ، بَرٜ وُࢽْدُمَ ࢽَیِیَ جَمْبَࢽْجَࢽٜ ࢽجَوَتْکْࢽِّ؞ کَمْ جِرٜ ثْدِمَدْ جِرٜمَ، تِ کْلَࢽْجُ جِرٜمَدْ غَیْ؞
[8] کَمْ بِوُ ثْدِمَدْ إِوُلِیسّٜ، إِوُلِیسْدْ تْࢽْ بَدِدُرَمْࢽِࢽْ بِوُ ثْدِ؞ دَلِلْ تَدَ اللَّهیٜ ࢻْلٜدْغْࢽَدْ، تِمَ کْࢽْدُو إِوُلِیسّٜدَ سِدُوُرُو؞
[9] وُࢽْدُ دُوُوࢽْ اللَّهیٜࢽْ تَمْبْࢽَدْ بِوُ ثْدِوَوُو، حَلْ اللَّهیٜ تِلَࢽْ کْرْغَ ࢽَࢽْغَرُو؞ أَیْ، رَکْثٜ بِوُ ثْدِوَوُو، اللَّهیٜࢽْ تَمْبْࢽَ ࢽَࢽْغَرُو؞
[10] ࢽغَیْࢽِࢽْ تَدَوَ اللَّهیٜیَ تَدَوَ إِوُلِیسّٜیَ أَسُدَیْ: وُࢽْدُ دُوُوࢽْ جِرٜ ثْدِوَوُومَدْ اللَّهیٜ غْࢽِ، کُورُو کَمْ کْرَمِࢽْجُ ثْرَاࢽِّدْ یٜ ࢽغَیْ؞
[11] کَوُرِ تْࢽْ بَدِدُرَمْࢽِࢽْ ࢻَࢽُّوَّدْ، تِمَ أَمَࢽْدٜیَ رَیِیُو!
[12] بَرٜ کَابِلَا ثَمُࢽُّو وَلِّیٜࢽْدٜ، تِدْ کْلَدُودْیٜ، کُورُو یَاࢽَࢽْجُوَ رُورُو کٜجُو؞ أَوِرُو تِیَ کٜجُو؟ کْࢽْدُو کَاࢽجُدْ دِوِ، یَاࢽَࢽْجُیٜدْ ࢽغْلَ ࢽَࢽْغَرُو؞
[13] کْرَمِیَ، دُࢽِیَ ࢽَیِیَ وَࢽْجَࢽَرُو بَرٜ أَجَمُّوِّ؞
[14] کْرَمِیَدَ رَیِیٜࢽَ ࢽَࢽْغَرُو، کَرْمُولَࢽْ رُووَرُو وَلِّیٜࢽَرُو ࢽُوࢽِیٜࢽَ؞ کَمْ دُوُوࢽْ تِلَࢽْ کْرَوُو بَوُومَدْ کَرْمُولَࢽْ دْغَیْ؞
[15] وُࢽْدُ دُوُوࢽْ کْرَمِࢽْجُوَ وَجْࢽَمَدْ کَمْثٜجِ، کُورُو کَمْثٜجِ ࢻِمَ تِلَࢽْ رُو سَوِسُویٜ دْغَࢽَمَ بَوُورُو ࢽُوࢽُوَّ؞
[16] ࢽغَیْࢽِࢽْ کْرَوُودَ ࢽُوࢽِیٜࢽَ: عِیسَى أَࢽْدِ ࢽَࢽْغَرُو رُوࢽْجُ کَیْࢽُو، أَࢽْدِ یٜ رُوࢽْدٜ کْرَمِیَ ࢽَࢽْغَرُو ࢽجُودْ وَجِمْسَاࢽَ؞
[17] کَمْ کْࢽْدَ دُࢽِیَیٜ ثْدَࢽَ دُوُوࢽْ، کْرَمِࢽْجُوَ ثُرُو جْکْتُیٜࢽْ ثُرُیْ، أَمَّ تِیَ ࢽجُࢽُوجْࢽِّمَدْ، ࢽدَیِࢽْ غْلٜ کْرَوُو اللَّهیٜدْ تِلَࢽْ دْغَیْ؟
[18] ࢽجُرِیَ، مَࢽَا تْلَمْبَلَࢽْ غْࢽِ، کْࢽْدُووَ جِرٜیَلَࢽْ رَیِیُو!
[19] ࢽغَیْࢽِࢽْ أَࢽْدِدْ جِرٜىٰرُو ࢽُوࢽِیٜࢽَ، کُورُو کَرْوُࢽْدٜ ࢻُوُࢽْجُࢽْ إِسَبُوغْیْیٜ،
[20] کَرْوُࢽْدٜ سَرِوُسَیْ یَیٜ، اللَّهدْ کَرْوُࢽْدٜرُو کُرَ وُو، کُورُو أَوِ یَیٜ ࢽُوجْࢽَ؞
[21] کْرَوُووُࢽِ، کَرْوُࢽْدٜ سَرِوُسَیْوَوُووَ، ࢻُوُ اللَّهیٜࢽْ رِدُࢽْدٜ بَوُو،
[22] کُورُو وَدَوَࢽْجُ غَیْیٜ أَوُو ࢻُوُࢽْجُࢽْ أَرْدِیَدَ دِیٜ ࢽَࢽْغَرُو، أَوِ کُورِیٜ یَیٜ ࢽَࢽْجُࢽْ ࢻَࢽْدِیٜ؞
[23] وَدَࢽْجُدْ تِمَ ثُ تَدَࢽْجُ عِیسَى أَلْمَسِیوُیٜدَ مْرْسَࢽِیُو، کُورُو وَدَ سَدْࢽَدْ غَیْ أَمَࢽْدٜیَ رَیِیُو؞
[24] کَمْ وَدَوَࢽْجُ جْغَࢽَدْ تِلَࢽْ دْغَࢽَ، تِ یٜ تِلَࢽْ دْغَࢽَ، کُورُو رُحُࢽْجُ سَدْࢽَدْیٜمَࢽْ تِ أَࢽْدِلَࢽْ دْغَࢽَدْرُو ࢽُوࢽِیٜࢽَ؞