[1] کْرَوُووُࢽِ، ࢽَوِیَ کَتُّوُیٜ کَدَ دُࢽِیَرُو ثَلُوُࢽَ ࢽَࢽْغَرُو، بَرٜ رُحُ ࢻِ یَیٜیَ مْرْسَࢽُوِّ، أَمَّ تَیِ اللَّهیٜ وَرُو رِجَمُّواْ؞
[2] ࢽغَیْࢽِࢽْ رُحُ اللَّهیٜیَ ࢽُوࢽُوِ: رُحُ عِیسَى أَلْمَسِیوُ تِیلَࢽْ إِسْࢽَرُو کَسَثّْࢽَ سَمَّ اللَّهیٜ،
[3] کُورُو رُحُ عِیسَىٰ کَسَثّْࢽِّ سَمَّ اللَّهیٜ غْࢽِ؞ تِمَ رُحُ وَدُمَ أَلْمَسِیوُیٜ وُو، تِ دُوُوࢽْ إِسِرُو ࢻَࢽُّوَّ کُورُو کْرْمَمَ دُࢽِیَࢽْ مبٜجِدْ؞
[4] ࢽجُرِیَ، ࢽَیِدْ اللَّهیٜ، کُورُو کْلَ ࢽَوِیَ کَتُّوُیٜ أَࢽِیٜࢽْ کْࢽَّسَرْ ࢻَࢽْدُوَّ، أَوُووَ تِ ࢽَیِࢽْ دْغَࢽَدْ تِ ثُرُو دُࢽِیَیٜدَ دُࢽُوࢽْ کُوجْࢽَ؞
[5] تَیِدْ دُࢽِیَیٜ، أَدْمَرُو مَࢽَجَیْیَ، مَࢽَ دُࢽِیَیٜࢽْ مَࢽَجَیْ، کُورُو دُࢽِیَ یٜ تَیِیَ کْرْࢽْجِ؞
[6] أَࢽْدِدْ اللَّهیٜ؞ کَمْ اللَّهَ ࢽُوجْࢽَدْ أَࢽْدِیَ کْرْࢽْسَیْ، کَمْ دُوُوࢽْ اللَّهیٜ غْࢽِدْ أَࢽْدِیَ کْرْࢽْسَیْوَوُو؞ ࢽغَیْࢽِࢽْ رُحُ جِرٜىٰیَ رُحُ جَمْبَیٜیَ أَسُࢽِیٜ؞
[7] کْرَوُووُࢽِ، أَمَࢽْدٜیَ رَیِیُو! کْرَوُودْ اللَّهیٜ، کُورُو وُࢽْدُ دُوُوࢽْ کَمَࢽْجُوَ ثْرَاࢽَمَدْ اللَّهیٜࢽْ کَتَمْبُو، کُورُو اللَّهَ ࢽُوجْࢽَ؞
[8] کَمْ کَمَࢽْجُوَ ثْرَاࢽِّمَدْ اللَّهَ ࢽُوجْࢽِّ، أَوُووَ اللَّهدْ کْرَوُو؞
[9] ࢽغَیْࢽِࢽْ کْرَوُو اللَّهیٜدْ دَوُࢽْدٜࢽْ ࢻْلٜدْغْࢽَ: اللَّه تَدَࢽْجُ تِلُو لُوکّٜࢽْ رُو ࢻَࢽْدِیُورُو تِیَ دُࢽِیَرُو کِࢽُودُو؞
[10] کْرَوُودْ تِمَ أَࢽْدِ غْࢽِ اللَّهَ رَیِیٜ، أَمَّ تِدْ أَࢽْدِیَ سَرَیٜ بِوُوَࢽْدٜ ࢽَࢽْغَرُو تَدَࢽْجُ لَیَ ࢻَسْتُ غْرْغَدُࢽْجُیٜرُو وَلْدُرُو کِࢽُودُو؞
[11] کْرَوُووُ، اللَّه أَࢽْدِیَ ࢽغَیْࢽِࢽْ سَرَاࢽَدْ، أَࢽْدِ یٜ أَمَࢽْدٜیَ رَوُو وَجِمْسَاࢽَ؞
[12] وُࢽْدُمَ ࢽغَلْتٜ اللَّهَ ثُرُࢽِّ؞ أَمَࢽْدٜیَ رَیِیٜࢽَا، اللَّه أَࢽْدِلَࢽْ دْغَیْ، کُورُو کْرَوُوࢽْجُدْ أَࢽْدِلَࢽْ کَلْکَلُّو وَلْجِ؞
[13] أَدْغَیْࢽِࢽْ تِلَࢽْ کْرْغَیْیٜ، تِ یٜ أَࢽْدِلَࢽْ کْرْغَرُو ࢽُوࢽِیٜࢽَ، رُحُࢽْجُ أَࢽْدِرُو سَدْࢽَدْرُو؞
[14] أَࢽْدِدْ بَوَ تَدَࢽْجُوَ ࢽجْکَّیِمَ دُࢽِیَیٜرُو وَلْدُرُو جُوَجْغْࢽَرُو رُیْیٜࢽَ یٜ، شٜدَࢽِیٜ یٜ؞
[15] وُࢽْدُ دُوُوࢽْ عِیسَمَ تَدَ اللَّهیٜ وُورُو کَسَثّْࢽَمَدْ، اللَّه تِلَࢽْ دْغَࢽَ، تِ یٜ اللَّهلَࢽْ دْغَࢽَ؞
[16] أَࢽْدِ اللَّه سَرَاࢽَرُو ࢽُوࢽِیٜࢽَ یٜ، مْرْسَࢽِیٜࢽَ یٜ؞ اللَّهدْ کْرَوُو، کَمْ کْرَوُولَࢽْ دْغَࢽَدْ اللَّهلَࢽْ دْغَࢽَ، اللَّه یٜ تِلَࢽْ دْغَࢽَ؞
[17] أَدْغَیْࢽِࢽْ کْرَوُودْ أَࢽْدِلَࢽْ کَلْکَلُّو وَلْجْࢽَ یٜ، یِمْ شَرَیٜیَ رِࢽِیٜوَوُو یٜ، أَوُووَ أَلْمَسِیوُیٜ ࢽَࢻْتُࢽْجُدْ ࢽغَیْ، أَࢽْدِ یٜ دُࢽِیَ أَدْࢽْ ࢽغَیْ؞
[18] کْرَوُولَࢽْ رِدُ بَوُو، أَوُووَ کْرَوُو کَلْکَلْدْ رِدُ دُجِ؞ رِدُلَࢽْ وُواْمْبَ، کُورُو کَمْ رِجِمَدْ کْرَوُولَࢽْ کَلْکَلْجْࢽِّ؞
[19] اللَّه بُرْوُوࢽْ أَࢽْدِیَ سَرَاࢽَ ࢽَࢽْغَرُو، أَࢽْدِ یٜ أَمَࢽْدٜیَ رَیِیٜࢽَ؞
[20] کَمْ لَایٜ: «اللَّهَ رَاکّْࢽَ،» ثْࢽِ دُوُوࢽْ کْرَمِࢽْجُوَ وَجْࢽَا، تِ کَتُّوُمَ؞ کَمْ کْرَمِࢽْجُ ثُرُیْدَ ثْرَاࢽِّدْ رَکْثٜ اللَّه ثُرُࢽِّدَ ثْرَیِوَوُو؞
[21] أَکُّو وَدَ تِࢽْ ࢻَࢽْدِیٜࢽَدْ: کَمْ اللَّهَ ثْرَاࢽَمَدْ کْرَمِࢽْجُ یٜیَ ثْرَوُو!