[1] Chṳ-fi hí chhṳ-kâ ke vuk-è, tun chhit-kî chhû-tún,
[2] chhṳ̀ ngiù-yòng, thiàu mî-chiú, phan chok-si̍t.
[3] Kì chhâi-phai sṳ́-ńg chhut-hi chheu-ngìn, chhṳ-kâ chhai sàng-tú chui-kô ke thi-fông hêm-kóng:
[4] “Ngong-chhṳ̍t ke ngìn â, to ngài liá-vi lòi!” Kì yu tui mò chṳ-sṳt ke ngìn kóng:
[5] “Lòi â, lòi sṳ̍t ngài ke phông-phai, lòi lîm ngài thiàu-chṳ ke mî-chiú.
[6] Oi lì-khôi ngong-chhṳ̍t, hó-hó sên-fa̍t, oi hàng chhûng-mìn ke tho-lu.”
[7] Kiu-chṳn ngau-man ngìn ke, voi ngiâ-tó siû-yu̍k; chit-phi sià-ok ngìn ke, voi sông-hoi chhṳ-kâ.
[8] M̀-hó chit-phi ngau-man ngìn ke ko-chho, yîn-vi kì voi hen ngì. Ngì na-he chit-phi yû chṳ-fi ke ngìn, kì chhiu voi kin-oi ngì.
[9] Khien-va chṳ-fi ngìn, kì chhiu kien-kâ yû chṳ-fi; kau-thô chṳn-chhṳ̍t ngìn, kì chhiu voi chen-kâ ho̍k-mun.
[10] Kin-vi Song-chú he chṳ-fi ke khôi-thèu; ngin-sṳt Chṳ-sṳn-chá chhiu-he chhûng-mìn.
[11] Chṳ-fi voi chen-kâ ngì ke ngit-chṳ́, ya voi sṳ́ ngì hióng-su chhòng-su.
[12] Ngì na yû chṳ-fi, tet-tó hó-chhu ke he ngì chhṳ-kâ; ngì na chhùn ngau-man, sún-sṳt he ngì chhṳ-kâ lòi tâm-tông.
[13] Ngong-tong ke Fu-ńg chhàu-chhàu nau-nau, kì he tông-ngong, má-ke tû m̀-tî.
[14] Kì chhô chhai chhṳ-kâ vuk-hâ mùn-héu, chhô chhai sàng-tú chui-kô ke thi-fông,
[15] tui ke-têu ko-lu ke ngìn, tui tông kón-lu ke ngìn hêm-kóng:
[16] “Ngong-chhṳ̍t ke ngìn â, to ngài liá-vi lòi!” Kì yu tui mò chṳ-sṳt ke ngìn kóng:
[17] “Thêu-lòi ke súi kha-thiàm, thêu-sṳ̍t ke piáng kha-hiông.”
[18] Chúng-he ngong-ngìn m̀-tî yû yîm-fùn chhai kì ke-vi; kì ke ngìn-hak yí-kîn tiet-lo̍k yîm-kiên ke chhṳ̂m-lak.