[1] Sià-ok ngìn sûi-yèn mò-ngìn tûi ya chhai thò-miang; chúng-he chṳn-chhṳ̍t ngìn chhiong sṳ̂-é mò kiâng má-ke.
[2] Koet-kâ chhûng-mân chhui-ok, chóng-khièn-chá chhiu kín-von; koet yû hièn-mìn liâng-chhiu, chṳn-khièn chang-nèn chhòng-kiú.
[3] Thai-kôn khî-fu khiùng-khú ngìn, chhiong thai-súi tá-chéu ńg-kuk.
[4] M̀ sú fap-li̍t ke kóng fái-ngìn tông-voi; chûn-sú fap-li̍t ke lâu kì-têu tui-khong.
[5] Fái-ngìn m̀-tî má-ke he chṳn-ngi; chhìm-khiù Song-chú ke mìn-pha̍k yit-chhiet.
[6] Hàng-vì sùn-chṳn ke khiùng-khú ngìn, yàng-ko kiên-cha ke hó-ngiak ngìn.
[7] Chûn-sú fap-li̍t ke chhiu-he chhûng-mìn ke lai-é; lâu hau-sṳ̍t lân-cho ke ngìn kiet phèn-yû, voi sṳ́ kiâ-pâ kien-seu.
[8] Kho kô li-sit sàng-cho hó-ngiak ngìn, kì ke chhièn-chhòi to-mî voi lo̍k chhai lìn-mén khiùng-khú ngìn ke sú-chûng.
[9] Ngìn na-he set-ngí m̀-hén thâng kau-sṳ, lièn kì ke khì-tó Song-ti ya chhin-nâu.
[10] Yín-yu chṳn-chhṳ̍t ngìn hàng sià-ok ke lu, liá-ngìn voi tiet-lo̍k chhṳ-kâ ke ham-chiáng; chúng-he sùn-kiet ke ngìn voi tet fuk-fun.
[11] Hó-ngiak ngìn láu-tó chhṳ-kâ chhin-yû chṳ-fi; mìn-lî ke khiùng-ngìn khon-chhôn kì ke hî-ká.
[12] Chṳn-chhṳ̍t ngìn chóng-khièn, ngìn-ngìn thai fôn-hí; sià-ok ngìn hîn-hí, sà-sà chéu-hi khong.
[13] Chiông chhṳ-kâ chhui-ko châ-tén ke, m̀-voi sṳ̀n-kûng; sṳ̀n-ngin ko-sṳt lòi fí-kói ke, Song-ti voi lìn-mén kì.
[14] Sòng-sòng kin-vi Song-chú sṳ̍t-chhai yû fuk-hi; ngang-sîm ngang-hok ke ngìn voi ham-lo̍k châi-fo.
[15] Fái ke chṳp-chṳn-chá ap-pet khiùng-khú ngìn, chhiu-chhiong thai-sâng ho-ho-kún ke sṳ̂-é, ya chhiong tú tông-yâu yu tông-ok ke yùng.
[16] Mò mìn-lî ke chṳp-chṳn-chá voi sàng-cho phau-kiûn; mò thâm put-ngi ke chhièn-chhòi chang voi hióng chhòng-su.
[17] Fam chhṳ̀-ngìn chhui ke, thin-chho̍k thò-miang to-sí; mò-lun ngì he má-ngìn, m̀-hó pông-chhu kì.
[18] Hàng-vì vàn-chhiòn, tet-tó chṳ́n-kiu; cho-ngìn kiên-cha, chhin-kiak tiet-tó.
[19] Sat-mâng kâng-chung, liòng-sṳ̍t chhûng-chiuk; long-fi kông-yîm, nàn-miên khiùng-khú.
[20] Sṳ̀n-sṳ̍t ke ngìn chhûng-mân hen-fuk; sióng fat vàng-chhòi nàn-miên su-fa̍t.
[21] Cho-m̀-tet phiên-sîm lòi khon ngìn ke chhìn-mien; chúng-he yû-ngìn vi yit-te piáng hi fam-fap.
[22] Ku chhon-chhièn sióng kiak-kiak fat-chhòi ke, m̀-tî khiùng-khú thèn-tén chhiu to-lòi.
[23] Khien-va ngìn ke, to-mî voi tet-tó fôn-ngiàng, kha-yàng ke kóng-fa ô-mì fung-sṳ̀n ngìn ke.
[24] Thêu-nâ yà-ôi ke, yu kóng: “Liá m̀-he chhui”, liá-chak ngìn lâu khiòng-tho mò má-ke chhâ-phe̍t.
[25] Chhṳ-sṳ̂ ke ngìn ngiâ-hí fûn-chên; yí-kho Song-chú tit-khok fûng-sṳn.
[26] Sîm-kôn tân-tân kho chhṳ-kâ ke, liá chhiu-he ngong-ngìn; cheu chṳ-fi hàng-sṳ cho-ngìn ke, voi tet-tó chṳ́n-kiu.
[27] Kiu-chi khiùng-khú ke, m̀-voi khiet-fa̍t; cha m̀-tî ke, voi tô su chu-chú.
[28] Sià-ok ngìn chóng-khièn, sà-sà chéu-hi khong; kì-têu me̍t-mòng, chṳn-chhṳ̍t ngìn chhiu chen-kâ.