[1] Jechi “Namni toohattuu hojii waldaya kiristaanaa tahuu fedhu, hojii gaarii dha hawwa” jedhu san, jecha amanamaa dha.
[2] Toohattuun hojii waldaya kiristaanaa, waan itti baanan nama hin qabne, jaarsa niituma takkaa, nama hin babbalayne, nama if qabuu dandayu, nama sirna-qabeeysa, nama keeysummaa jaalatu, nama barsiisuu dandayu tahuu tu isa irraa eegama.
[3] Nama saalihaa fi nama nagayaa haa tahu malee, nama farshaanaa, nama birxee nama barbaadu, ammaas nama horitti shakaru tahuun isa irra hin jiru!
[4] Nama haaskaa mana isaa sirna gaariin bulchu, kan joollee isaa tiis naamusa hundumaan akka isaaf eemaramanitti gurguddisu tahuu tu isa irra jira.
[5] Namtichi, haaskuma mataa isaa tuu akka itti bulfatu hin beeyne, mee akkamitti waldaya Rabbii tajaajiluu dandaya ree?
[6] Dhaytaan afuufamee firdiin Sheeyxaana wajjiin akka isa hin mudanne, nama amantiitti haarayaa tahuun isa irra hin jiru.
[7] Maqaan isaa badee hillima Sheeyxaanaa keeysatti kufee, sablinni akka isa hin mudanneef, warra alaa birattiis nama maqaa gaarii qabu tahuu tu isa irra jira.
[8] Gargaartoonni waldaya kiristaanaa [diyaaqonoonni] akkasumatti namoota duratti warra kabajaa qaban, arrab-lamii warra hin tahin, warra dhugaatitti if gadi hin dhiisin, warra gunaaf bolola hin qabne tahuu tu isaan irra jira!
[9] Isaan warra hiccitii amantii dhaa xalalii xaliilaan qabatu tahuu dha qaban.
[10] Dura dursoo isaan xiinxalamuu dha qaban; eegas wanni isaan itti baanaman yoo hin arkamin, akka gargaartuu waldayatti ramadamanii haa kaadamanii.
[11] Dubartoonni gargaartoonni niis haaluma kanatti warra hin babbalayne kabajamoo, nassaboota, warra waa hundumattuu amanaman, warra hamachuun maqaa namaa hin balleeysine tahuu tu isaan irraa eegama.
[12] Dhiirti gargaartuun waldaya tokko, jaarsa niituma takkaa, ammaas nama joollee isaa tii fi haaskaa isaa naamusa gaaritti bulchu tahuu dha qaba.
[13] Gargaartoonni waldaya [diyaaqonoonni], warri akka gaaritti kaadaman darajaa guddaa dhaani if gahu, amantii Yesuus Kiristoos keeysatti qaban laalchisuun ija-jabina guddaa dha arkatu.
[14] Ani dafee gara kee akkaan dhufu abdii godhaa tiin gorsa kanneen siif kataba.
[15] Akii namaa dhufa yoon dhibaaweef jechaan, namoonni mana Rabbii keeysatti haala akkam qabaachuun akka isaan irraa eegamu, si hubachiisuu fi, ammaas manni kuniis waldaya kiristaanaa Rabbii jiraataa, tan utubaa fi bu'ura dhugaa taate.
[16] Hiccitiin amantii teenyaa tiis, hedduu dha gadi fagoo dha, gaaffii hunduma irraa oli; wanni jedhameef, “Inni jasada uffatee ti argame, Ruuhaa dhaani dhugoomfame maleeykoota Rabbitti mullate, saba biyya addunyaa keeysatti lallabame, guutummaa biyya addunyaa keeysatti itti amanamee ulfinaan ol fudhatamee ti jira” kana.