[1] ᑭ ᒫᒋ ᐊᐧᐃᐧᑕᒪᐁᐧᐤ ᒫᑲ ᒥᓇ ᐋᐁᐧᒋᑲᓇ. ᐯᔭᐠ ᐊᔨᓯᔨᓂᐤ ᑭ ᑭᐢᑎᑳᑕᑦ ᓱᒥᓈᑎᑯᐃᐧ ᑭᐢᑎᑳᓂᔨᐤ, ᒥᓇ ᐁ ᑭ ᐋᐧᐢᑳᐢᑭᓇᕽ, ᐁᑯᓯ ᐁ ᑭ ᒧᓈᑎᑳᑕᕽ ᐃᑕ ᑭᑕ ᐅᒋᑲᐃᐧᑖᐟ ᓱᒥᓈᐳ, ᒥᓇ ᑭ ᐅᓯᑖᐤ ᐊᓴᐋᐧᐱᐃᐧᑲᒥᐠ, ᑭ ᐸᑭᑎᓇᒪᐁᐧᐤ ᒫᑲ ᑭᐢᑎᑫᐃᐧᔨᓂᐊᐧ, ᐁᑯᓯ ᑯᑕᐠ ᐊᐢᑭᕽ ᐁ ᑭ ᐃᑐᐦᑌᐟ.
[2] ᐃᐢᐱ ᒫᑲ ᐁᐧᑎᒋᐸᔨᐠ ᑭ ᐃᓯᑎᓴᐦᐊᒪᐁᐧᐤ ᐊᑐᐢᑫᔮᑲᓇ ᐊᓂᐦᐃ ᑭᐢᑎᑫᐃᐧᔨᓂᐊᐧ, ᑭᑕ ᒥᔨᑯᐟ ᐊᓂᐦᐃ ᑭᐢᑎᑫᐃᐧᔨᓂᐊᐧ ᐁ ᐃᓯ ᒥᓂᓯᐊᐧᕽ ᐊᓂᒪ ᓱᒥᓈᑎᑯᐃᐧ ᑭᐢᑎᑳᐣ.
[3] ᒫᑲ ᐃᐧᔭᐋᐧᐤ ᑭ ᐅᑎᐦᑎᓀᐊᐧᐠ, ᒥᓇ ᐁ ᑭ ᐸᐸᑲᒪᐋᐧᒋᐠ, ᐱᓯᓯᐠ ᒫᑲ ᐁ ᑭ ᓯᐯᐧᑎᓴᐋᐧᒋᐠ.
[4] ᒥᓇ ᒫᑲ ᑯᑕᑲ ᐊᑐᐢᑫᔮᑲᓇ ᑭ ᐃᓯᑎᓴᐦᐊᒪᐁᐧᐤ; ᐁᐊᐧᑲᐧᓂ ᒫᑲ ᑭ ᒥᓵᐧᑲᓂᑳᑌᐊᐧᐠ ᐅᐢᑎᑲᐧᓂᔨᕽ, ᒥᓇ ᐁ ᓇᓀᐯᐊᐧᑫᔨᑖᑲᐧᓂᔨᐠ ᑭ ᐊᔨᑐᑕᐁᐧᐊᐧᐠ.
[5] ᒥᓇ ᒫᑲ ᑯᑕᑲ ᑭ ᐃᓯᑎᓴᐁᐧᐤ: ᐁᐊᐧᑲᐧᓂ ᒫᑲ ᑭ ᓂᐸᐁᐊᐧᐠ; ᒥᓇ ᒫᑲ ᒥᐦᒉᐟ ᑯᑕᑲ; ᐋᑎᐦᐟ ᐁ ᐸᐸᑲᒪᐋᐧᒋᐠ; ᒥᓇ ᐋᑎᐦᐟ ᐁ ᓂᐸᐦᐋᒋᐠ.
[6] ᑫᔮᐱᐨ ᒫᑲ ᐁ ᐊᔮᐋᐧᐟ ᐯᔭᐠ, ᐁ ᓵᑭᐋᐟ ᐅᑯᓯᓴ: ᐃᐢᑳᐧᔮᐨ ᑭ ᐃᑎᓴᐊᒪᐁᐧᐤ ᐁᐊᐧᑲᐧᓂ, ᐁ ᐃᑌᐧᐟ, ᑭᑕ ᑯᓯᑫᐧᔨᒣᐊᐧᐠ ᓂ ᑯᓯᓴ.
[7] ᒫᑲ ᐅᑯ ᑭᐢᑎᑫᐃᐧᔨᓂᐊᐧᐠ ᑭ ᐊᔨᑎᑐᐊᐧᐠ, ᐁᐊᐧᑯ ᐊᐊᐧ ᐅᑖᓂᐢᑫᐢᑲᒫᑫᐤ; ᐋᐤ, ᒫᐦᑎ ᓂᐸᐦᐋᑖᐠ, ᐊᓂᒪ ᒫᑲ ᐅ ᑲ ᑭ ᐋᓂᐢᑫ ᐊᔮ ᑭᔮᓇᐤ ᑭ ᑲ ᐊᔮᓈᓇᐤ.
[8] ᐁᑯᓯ ᒫᑲ ᑭ ᐅᑎᓀᐊᐧᐠ, ᒥᓇ ᐁ ᑭ ᓂᐸᐦᐋᒋᐠ, ᐁ ᑭ ᐊᐧᔭᐃᐧ ᐁᐧᐱᓈᒋᐠ ᒫᑲ ᓱᒥᓈᑎᑯᐃᐧ ᑭᐢᑎᑳᓂᕽ ᐅᐦᒋ.
[9] ᑫᑲᐧᐩ ᒫᑲ ᑫ ᐃᑐᑕᕽ ᑳ ᑎᐯᔨᑕᕽ ᓱᒥᓈᑎᑯᐃᐧ ᑭᐢᑎᑳᓂᔨᐤ? ᑭᑕ ᐯ ᓇᑕᐃᐧ ᓂᓯᐊᐧᓈᒋᐁᐤ ᐊᓂᐦᐃ ᑭᐢᑎᑫᐃᐧᔨᓂᐊᐧ, ᐁᑯᓯ ᒫᑲ ᑭᑕ ᒥᔮᐟ ᓱᒥᓈᑎᑯᐃᐧ ᑭᐢᑎᑳᓂᔨᐤ ᑯᑕᑲ.
[10] ᓇᒪ ᒋ ᒥᓇ ᑯᐦ ᐊᔭᒥᑖᓈᐋᐧᐤ ᐊᐦᐳ ᐅᒪ ᒪᓯᓇᐦᐃᑫᐃᐧᐣ; ᐊᓂᐦᐃ ᐊᓯᓂᔭ ᐅᐋᐧᐢᑳᐃᑲᓂᑫᐊᐧᐠ ᑳ ᑭ ᐋᑕᐁᐧᔨᒫᒋᐠ, ᐁᐊᐧᑯ ᑭᐢᑕᔮᐤ ᐁ ᓀᑕᑳᔨᐠ:
[11] ᐅᒪ ᑳ ᑎᐯᔨᐦᒋᑫᐟ ᐅᒋᒪᑲᐣ, ᐁᑯᓯ ᑭ ᒫᒪᐢᑳᓵᐱᓯᓂᓈᓇᐤ.
[12] ᑭ ᓇᓈᑐᓇᒪᐧᐠ ᒫᑲ ᑭᑕ ᐅᑎᑎᓈᒋᐠ; ᒫᑲ ᑭ ᑯᐢᑌᐊᐧᐠ ᐊᔨᓯᔨᓂᐊᐧ; ᒋᑫᒫ ᓂᓯᑕᐃᐧᓇᒪᐧᐠ ᐃᐧᔭᐋᐧᐤ ᐁ ᐃᑎᑯᒋᐠ ᐊᓂᒪ ᐋᐁᐧᒋᑲᐣ: ᑭ ᓇᑲᑌᐊᐧᐠ ᒫᑲ, ᐁ ᑭ ᐊᑎ ᓯᐯᐧᑌᒋᐠ.
[13] ᑭ ᐃᑎᓴᐊᒪᐁᐧᐊᐧᐠ ᒫᑲ ᐋᑎᐦᐟ ᐹᕒᐊᓯᔭ ᒥᓇ ᐁᕒᐅᑎᔭᓇ, ᑭᑕ ᑳᒋᑎᓈᔨᐟ ᐅᐟ ᐊᔭᒥᐃᐧᓂᔨᕽ.
[14] ᐃᐢᐱ ᒫᑲ ᑌᑯᓯᑭᐠ, ᐅᒥᓯ ᐃᑌᐊᐧᐠ, ᑫᐢᑭᓄᐦᐊᒫᑫᔭᐣ, ᓂ ᑭᐢᑫᔨᑌᓈᐣ ᐁ ᑖᐯᐧᔭᐣ, ᐁᑳ ᒫᑲ ᐊᐃᐧᔭᐠ ᐊᔨᓯᔨᓂᐤ ᐁ ᐸᐹᒣᔨᒪᐟ; ᒋᑫᒫ ᓇᒪᐃᐧᔭ ᑭ ᐸᐱᓯᐢᑫᔨᒫᐊᐧᐠ ᐁᑕᑭᒋᑳᓱᒋᐠ ᐊᔨᓯᔨᓂᐊᐧᐠ, ᒫᑲ ᑖᐯᐧᐃᐧᓂᕽ ᐁ ᑭᐢᑭᓄᐦᐊᒫᑫᔭᐣ ᑭᓭᒪᓂᑐ ᐅᐟ ᐃᓯ ᓇᑕᐁᐧᔨᑖᒧᐃᐧᐣ; ᐃᑕᐢᑌᐤ ᒋ ᑭᑕ ᒥᔨᐦᐟ ᓯᓴᕒ ᑎᐸᐦᐃᑫᐃᐧ ᓱᓂᔮᐊᐧ, ᐊᐦᐳ ᐁᑳ?
[15] ᓂ ᑲ ᒣᑭᓈᐣ ᒋ ᐊᐦᐳ ᒋ ᓇᒪᐃᐧᔭ? ᒫᑲ ᐃᐧᔭ ᐁ ᑭᐢᑫᔨᑕᒫᐧᐟ ᐅ ᑲᑲᔦᔨᓯᐃᐧᓂᔨᐤ, ᐅᒥᓯ ᑭ ᐃᑌᐤ, ᑖᓀᑭ ᑳ ᑲᑫᐧᒋᐃᔦᐠ? ᐯᑕᒪᐃᐧᐠ ᓱᓂᔮᐢ ᑭᑕ ᐋᐧᐸᒪᐠ.
[16] ᐁᑯᓯ ᑭ ᐯᓯᐁᐧᐊᐧᐠ. ᐅᒥᓯ ᒫᑲ ᐃᑌᐤ, ᐊᐁᐧᓇ ᐅᒪ ᐅ ᒪᓯᓂᐃᐧᐃᐧᐣ ᒥᓇ ᐅ ᒪᓯᓇᐃᑳᓱᐃᐧᐣ? ᐅᒥᓯ ᒫᑲ ᑭ ᐃᑌᐊᐧᐠ, ᓯᓴᕒ.
[17] ᒋᓴᐢ ᒫᑲ ᑭ ᐃᑌᐤ, ᒥᔨᕽ ᓯᓴᕒ ᑳ ᐅᐟ ᐊᔮᓂᐟ ᓯᓴᕒ, ᒥᓇ ᑭᓭᒪᓂᑐ ᑳ ᐅᐟ ᐊᔮᓂᐟ ᑭᓭᒪᓂᑐ. ᒥᐢᑕᐦᐃ ᒫᑲ ᒫᒪᐢᑳᑌᐊᐠ.
[18] ᑭ ᐯ ᓈᑎᐠ ᒫᑲ ᓵᐟᔪᓯᔭ, ᐊᓂᑭ ᓇᒪᐃᐧᔭ ᐃᐦᑕᑲᐧᐣ ᐋᐱᓯᓯᓄᐃᐧᐣ ᑳ ᐃᑌᐧᒋᐠ; ᑭ ᑲᑫᐧᒋᒥᐠ ᒫᑲ, ᐁ ᐃᑌᐧᔨᐟ,
[19] ᑫᐢᑭᓄᐦᐊᒫᑫᔭᐣ, ᒧᓯᐢ ᓂ ᑭ ᐃᑕᓯᓇᐊᒫᑯᓈᐣ, ᑭᐢᐱᐣ ᐊᔨᓯᔨᓂᐤ ᐅᒋᐋᐧᒪ ᓂᐱᔨᒋ, ᓇᑲᑖᔨᒋ ᒫᑲ ᐃᐧᐃᐧᔨᐊᐧ, ᒫᑲ ᐁᑳ ᐊᐋᐧᓯᓴ ᐊᓯᒋ ᓇᑲᑖᔨᒋ, ᑭᑕ ᐅᑎᓈᐟ ᐅᒋᐋᐧᒪ ᐃᐧᐃᐧᔨᐊᐧ, ᐁᑯᓯ ᑭᑕ ᓂᐦᑖᐃᐧᑭᑕᒪᐋᐧᐟ ᐊᐋᐧᓯᓴ ᐅᒋᐋᐧᒪ.
[20] ᑌᐸᑯᑊ ᑭ ᐃᑕᓯᐊᐧᐠ ᐁ ᐅᒋᐋᐧᒥᑐᒋᐠ: ᐊᓇ ᓂᐢᑕᑦ ᒫᑲ ᑭ ᐃᐧᐃᐧᐤ, ᐁᑯᓯ ᐁ ᓂᐱᐟ ᓇᒪᐃᐧᔭ ᓇᑲᑌᐤ ᐊᐋᐧᓯᓴ;
[21] ᐊᓇ ᒫᑲ ᐁ ᐊᐢᑯᐋᐧᐟ ᑭ ᐅᑎᓀᐤ, ᐁᑯᓯ ᑭ ᓂᐱᐤ, ᐁᑳ ᐊᐊᐧᓯᓴ ᐁ ᓇᑲᑖᐟ; ᐁᑲᐧ ᒥᓇ ᑫᔮᐱᐨ ᐊᓂᐦᐃ ᐁ ᐊᐢᑳᐧᑯᐟ.
[22] ᑌᐸᑯᑊ ᒫᑲ ᐁ ᐃᐦᑕᓯᒋᐠ ᓇᒪᐃᐧᔭ ᐊᐋᐧᓯᓴ ᓇᑲᑌᐊᐧᐠ. ᐃᐢᑳᐧᔭᓂᕽ ᐃᐢᑫᐧᐤ ᐃᐧᐢᑕ ᑭ ᓂᐱᐤ.
[23] ᐁᑯᓯ ᒫᑲ ᐃᐢᐱ ᐋᐱᓯᓯᓂᑭ ᐊᐁᐧᓇ ᐁᐊᐧᑲᐧᓂ ᑫ ᐃᐧᐃᐧᐟ? ᒋᑫᒫ ᑌᐸᑯᑊ ᑭ ᐊᔮᐁᐧᐊᐧᐠ ᐁ ᐃᐧᐃᐧᒋᐠ?
[24] ᒋᓴᐢ ᐃᑌᐤ, ᓇᒪ ᒋ ᐁᐊᐧᑯᒪ ᑯᐦ ᐊᐧᓂᓯᓂᔦᐠ, ᐁᑳ ᐁ ᑭᐢᑫᔨᑕᒣᐠ ᑭᐦᒋ ᒪᓯᓇᐦᐃᑫᐃᐧᓇ, ᐊᐦᐳ ᑭᓭᒪᓂᑐ ᐅ ᑲᐢᑭᐦᐁᐃᐧᓯᐃᐧᐣ?
[25] ᒋᑫᒫ ᐃᐢᐱ ᓂᐳᐃᐧᓂᕽ ᐅᐦᒋ ᐊᐧᓂᐢᑳᑖᐧᐃᐧ, ᓇᒪᐃᐧᔭ ᐃᐧᑭᑐᐊᐧᐠ, ᓇᒪᐃᐧᔭ ᒥᓇ ᐃᐧᑭᑐᐃᐁᐧᐊᐧᐠ; ᒫᑲ ᐃᓯ ᐊᔮᐊᐧᐠ ᑖᐱᐢᑯᐨ ᐅᑭᓯᑯᐊᐧᐠ ᑭᐦᒋ ᑭᓯᑯᕽ.
[26] ᒫᑲ ᐅᒪ ᐅᓂᐱᐊᐧᐠ ᐅᐦᒋ, ᐁ ᐊᐧᓂᐢᑳᓂᒋᐠ; ᓇᒪ ᒋ ᑭ ᑭ ᐊᔭᒥᑖᓈᐋᐧᐤ ᒧᓯᐢ ᐅ ᒪᓯᓇᐦᐃᑲᓂᕽ, ᐃᑕ ᑳ ᐋᑐᑕᒥᕽ ᐱᐢᑯᑯᐹᐤ, ᑭᓭᒪᓂᑐᐊᐧ ᑳ ᑭ ᐃᓯ ᑭᑐᑌᑯᐟ, ᐁ ᐃᑌᐧᔨᐟ, ᓂᔭ ᐅ ᑭᓭᒪᓂᑐᒪ ᐁᑊᕒᐁᐋᑦ, ᒥᓇ ᐅ ᑭᓭᒪᓂᑐᒪ ᐊᐃᓴᐠ, ᒥᓇ ᐅ ᑭᓭᒪᓂᑐᒪ ᒉᑲᑊ?
[27] ᓇᒪᔦᐤ ᐅ ᑭᓭᒪᓂᑐᒥᐋᐧᐊᐧ ᐅᓂᐱᐊᐧᐠ ᒫᑲ ᐅᐱᒫᑎᓯᐊᐧᐠ; ᒥᐢᑕᐦᐃ ᒫᑲ ᑭ ᐊᐧᓂᓯᓂᓈᐋᐧᐤ.
[28] ᐯᔭᐠ ᒫᑲ ᐊᓂᑭ ᒪᓯᓇᐦᐃᑫᐃᐧᔨᓂᐊᐧᐠ ᑭ ᐯ ᐃᑐᐦᑌᐤ, ᐁᑯᓯ ᐯᑕᐁᐧᐤ ᐁ ᑲᑫᐧᒋᑐᔨᐟ, ᐁ ᑭᐢᑫᔨᑕᕽ ᒫᑲ ᑲᐧᔭᐢᐠ ᐁ ᑭ ᓇᐢᑫᐧᐊᐧᓯᒫᔨᐟ, ᑭ ᑲᑫᐧᒋᒣᐤ, ᑖᓈᓂᒪ ᐁ ᓂᐢᑕᑦ ᐊᐢᑌᐠ ᐅᔭᓱᐁᐧᐃᐧᐣ?
[29] ᒋᓴᐢ ᓇᐢᑫᐧᐊᐧᓯᒣᐤ, ᐊᓂᒪ ᓂᐢᑕᑦ ᐁᐊᐧᑯ, ᓇᑐᐦᑕ, ᐋ ᐃᐢᕒᐁᐃᓬ; ᑳ ᑎᐱᔨᒋᑫᐟ ᑭ ᑭᓭᒪᓂᑐᒥᓇᐤ, ᑳ ᑎᐯᔨᐦᒋᑫᐟ ᐯᔭᑯ:
[30] ᐁᑯᓯ ᑭ ᑲ ᓵᑭᐦᐋᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᑦ ᒥᓯᐁᐧ ᑭ ᑌᐃᕽ, ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ, ᒥᓇ ᒥᓯᐁᐧ ᑭ ᒥᑐᓀᔨᒋᑲᓂᕽ, ᒥᓇ ᒥᓯᐁᐧ ᐁ ᐃᐢᐱᓯᔭᐣ.
[31] ᐊᓂᒪ ᐁ ᐊᐢᑯᑕᐊᐧᐢᑌᐠ ᐁᐊᐧᑯ ᐅᒪ, ᑭ ᑲ ᓵᑭᐦᐋᐤ ᑭᒋ ᐊᔨᓯᔨᓂᐤ ᑖᐱᐢᑯᐨ ᑳ ᐃᓯ ᓵᑭᐃᓱᔭᐣ. ᓇᒪᐃᐧᔭ ᐃᐦᑕᑲᐧᐣ ᑯᑕᐠ ᐅᔭᓱᐁᐧᐃᐧᐣ ᐊᐊᐧᓯᒣ ᐁ ᑭᐢᑕᑭᑌᐠ ᐃᔨᑯᕽ ᐅᐦᐃ
[32] ᐁᑯᓯ ᒫᑲ ᒪᓯᓇᐦᐃᑫᐃᐧᔨᓂᐤ ᐅᒥᓯ ᑭ ᐃᑌᐤ, ᑖᐯᐧ, ᑫᐢᑭᓄᐦᐊᒫᑫᔭᐣ, ᑲᐧᔭᐢᐠ ᑭᐟ ᐃᑖᐧᐣ ᐁ ᐯᔭᑯᐟ; ᒥᓇ ᓇᒪᐃᐧᔭ ᑯᑕᐠ ᐊᔮᐤ ᐱᑯ ᐁᐊᐧᑯ:
[33] ᐁᑯᓯ ᑭᑕ ᓵᑭᐃᐦᐟ ᒥᓯᐁᐧ ᒥᑌᐃᕽ, ᒥᓇ ᒥᓯᐁᐧ ᓂᓯᑐᐦᑕᒧᐃᐧᓂᕽ, ᒥᓇ ᒥᓯᐁᐧ ᐁ ᐃᐢᐱᓯᕽ, ᒥᓇ ᑭᑕ ᓵᑭᐋᐟ ᐃᐧᒋ ᐊᔨᓯᔨᓂᐊᐧ ᑖᐱᐢᑯᐨ ᑳ ᐃᓯ ᓵᑭᐃᓱᐟ, ᐊᐊᐧᓯᒣ ᐃᑌᔨᑖᑲᐧᐣ ᐃᔨᑯᕽ ᑲᐦᑭᔭᐤ ᐁ ᒥᓯᐁᐧᔮᑭ ᒪᒍᐢᑌᐊᒫᑫᐃᐧᓇ ᒥᓇ ᐸᑭᑎᓈᓱᐃᐧᓇ.
[34] ᐃᐢᐱ ᒫᑲ ᒋᓴᐢ ᐃᐧᔮᐸᐦᑕᕽ ᐁ ᑭ ᐃᔨᓂᓯᐃᐧ ᓇᐢᑫᐧᐊᐧᓯᐃᐁᐧᔨᐟ, ᑭ ᐃᑌᐤ, ᓇᒪᐃᐧᔭ ᑭ ᔮᐋᐧᐸᑕᒫᐧᐣ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ. ᓇᒪᐃᐧᔭ ᒫᑲ ᐊᐃᐧᔭ ᐊᔨᓯᔨᓂᐊᐧ ᐁᑯᐢᐱ ᐅᐦᒋ ᓈᐣᑕᐤ ᑭ ᐃᓯ ᑲᑫᐧᒋᒥᐠ.
[35] ᒋᓴᐢ ᒫᑲ ᑭ ᓇᐢᑫᐧᐊᐧᓯᒧ ᒥᓇ ᐅᒥᓯ ᑭ ᐃᑌᐧᐤ ᐁ ᑭᐢᑭᓄᐦᐊᒫᑫᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᑖᓂᓯ ᐁᓯ ᐃᑌᐧᒋᐠ ᒪᓯᓇᐦᐃᑫᐃᐧᔨᓂᐊᐧᐠ ᙭ ᐁᐊᐧᑯ ᑌᐱᐟ ᐅᑯᓯᓴ?
[36] ᑌᐱᐟ ᐃᐧᔭ ᑫᐦᒋᐋᐧᐠ ᑭ ᐃᑌᐧᐃᐠ ᑳ ᑲᓈᑎᓯᔨᐟ ᐊᐦᒑᐦᑲᐧ, ᑳ ᑎᐯᔨᐦᒋᑫᐟ ᑭ ᐃᑌᐤ ᓄ ᑎᐯᔨᐦᒋᑫᒪ, ᐊᐱ ᐅᑕ ᓂ ᑭᐦᒋᓂᐢᑭᕽ, ᐃᔨᑯᕽ ᑭ ᐃᓯᐊᑲᐧᐁᐧ ᑭ ᓄᑎᓈᑲᓇᐠ ᑭᑕ ᐅᐟ ᐊᐢᐱᓯᑌᓯᒧᓂᔭᐣ.
[37] ᑌᐱᐟ ᒫᑲ ᓄ ᑎᐯᔨᐦᒋᑫᒼ ᐃᓯᔨᐦᑳᑌᐤ; ᑖᓂᑌ ᒫᑲ ᐁᐧᒋ ᐅᑯᓯᓯᐟ? ᒥᑐᓂ ᒫᑲ ᑭ ᒥᔦᐧᔨᑕᒥᔨᐊᐧ ᐁ ᐯᑖᑯᐟ, ᐊᐧᓂᔭᐤ ᐊᔨᓯᔨᓂᐊᐧ.
[38] ᐅᒥᓯ ᒫᑲ ᑭ ᐃᑌᐧᐤ ᐁ ᑭᐢᑭᓄᐦᐊᒫᑫᐟ, ᐊᓭᐧᔨᒥᑯᐠ ᒪᓯᓇᐦᐃᑫᐃᐧᔨᓂᐊᐧᐠ, ᑳ ᒥᔦᐧᔨᑕᐦᑭᐠ ᑭᑕ ᐸᐸᒧᑌᒋᐠ ᐁ ᑭᓈᐧᐯᑲᓵᑫᒋᐠ, ᒥᓇ ᑭᑕ ᐊᔭᑕᒥᐢᑳᒋᐠ ᐊᑕᐦᑐᐃᐧᓂᕽ,
[39] ᒥᓇ ᑭᐦᒋ ᐊᐱᐃᐧᓇ ᐊᔭᒥᐦᐁᐃᐧᑲᒥᑯᕽ, ᒥᓇ ᐃᑕ ᐁ ᑭᐢᑕᑭᑌᐠ ᐃᐧᐦᑯᐦᑐᐃᐧᓂᕽ:
[40] ᐊᓂᑭ ᑳ ᑭᑖᐋᐧᒋᐠ ᓯᑳᐊᐧ ᐅ ᐋᐧᐢᑳᐦᐃᑲᓂᔨᐊᐧ, ᒥᓇ ᐱᑯ ᐊᔨᑖᐧᓱᐃᐧᓂᕽ ᑭᓀᐧᐢ ᑳ ᐊᔭᒥᐦᐋᒋᐠ; ᐁᐊᐧᑲᐧᓂᐠ ᐅᑯ ᑫ ᐊᔮᒋᐠ ᐊᐊᐧᓯᒣ ᑭᐦᒋ ᓇᓂᐳᒥᑯᐃᐧᐣ.
[41] ᑭ ᐊᐱᐤ ᒫᑲ ᑎᐱᐢᑯᐨ ᐸᑭᑎᓈᓱᐃᐧᐊᐧᑎᕽ, ᒥᓇ ᑲᓇᐋᐧᐸᒣᐤ ᐊᔨᓯᔨᓂᐊᐧ ᐁ ᐃᓯ ᐱᒋᐁᐧᐱᓈᔨᐟ ᓱᓂᔮᐊᐧ ᐸᑭᑎᓈᓱᐃᐧᐊᐧᑎᕽ: ᒥᐦᒉᐟ ᒫᑲ ᑳ ᐁᐧᔪᑎᓯᒋᐠ ᒥᐢᑕᐦᐃ ᐱᒋᐁᐧᐱᓀᐊᐧᐠ.
[42] ᐁᑯᑕ ᒫᑲ ᐯ ᐃᑐᐦᑌᐤ ᐯᔭᐠ ᑭᑎᒫᑭ ᓯᑳᐤ ᐃᐢᑫᐧᐤ, ᑭ ᐱᒋᐁᐧᐱᓀᐤ ᒫᑲ ᓂᓱ ᐊᐱᐢᒋ ᐱᐋᐧᐱᐢᑯᓴ, ᐯᔭᐠ ᐅᓵᐋᐧᐱᐢᑯᐢ ᐁ ᐃᑕᑭᒋᑳᓱᒋᐠ.
[43] ᑭ ᓇᑐᒣᐤ ᒫᑲ ᐅ ᑭᐢᑭᓄᐦᐊᒪᐋᐧᑲᓇ, ᐁᑯᓯ ᑭ ᐃᑌᐤ, ᑖᐯᐧ ᑭᐟ ᐃᑎᓈᐋᐧᐤ, ᐊᐊᐧ ᑭᑎᒫᑭ ᓯᑳᐤ ᐃᐢᑫᐧᐤ ᐊᐊᐧᓯᒣ ᒥᐢᑕᐦᐃ ᑭ ᐱᒋᐁᐧᐱᓇᑦ ᐃᔨᑯᕽ ᑲᐦᑭᔭᐤ ᐊᓂᑭ ᑳ ᑭ ᐱᒋᐁᐧᐱᓂᑫᒋᐠ ᐸᑭᑎᓈᓱᐃᐧᐊᐧᑎᕽ:
[44] ᒋᑫᒫ ᐃᐧᔭᐋᐧᐤ ᑭ ᐱᒋᐁᐧᐱᓇᒪᐧᐠ ᐁ ᐋᔨᐋᐧᑭᐸᔨᐃᑯᒋᐠ; ᒫᑲ ᐃᐧᔭ ᐅ ᑭᐧᑕᒫᐃᐧᓂᕽ ᑭ ᐱᒋᐁᐧᐱᓇᑦ ᑲᐦᑭᔭᐤ ᐁ ᐊᔮᐟ, ᑲᐦᑭᔭᐤ ᐃᓴ ᐱᑯ ᐁ ᐅᐦᒋ ᐱᒫᑎᓯᐟ.