[1] ᑭ ᐊᔮᐤ ᒫᑲ ᐸᕒᐊᓯ ᓂᑯᑎᒪᐢ ᐁ ᐃᓯᔨᐦᑳᓱᐟ, ᐅᔭᓱᐁᐧᐃᐧᔨᓂᒥᐋᐧᐊᐧ ᒍᐊᐧᐠ:
[2] ᐁᐊᐧᑯ ᐊᐊᐧ ᑭ ᐯ ᓈᑌᐤ ᒋᓴᓴ ᓂᐹᑎᐱᐢᐠ, ᐅᒥᓯ ᐁ ᐃᑖᐟ, ᕒᐊᐸᐩ, ᑭ ᑭᐢᑫᔨᒥᑎᓈᐣ ᐁ ᐅᑭᐢᑭᓄᐦᐊᒫᑫᐃᐧᔭᐣ ᑭᓭᒪᓂᑐᕽ ᐁ ᐯ ᐅᐦᒋᔭᐣ; ᒋᑫᒪ ᓇᒪ ᐊᐃᐧᔭᐠ ᐊᔨᓯᔨᓂᐤ ᑭᑕ ᑭ ᑐᑕᑦ ᐅᐦᐃ ᒪᒫᑖᐃᐧ ᐃᓯᐦᒋᑫᐃᐧᓇ ᑭᔭ ᑳ ᑐᑕᒪᐣ, ᐱᑯ ᑭᓭᒪᓂᑐᐊᐧ ᐃᐧᒉᐃᐧᑯᒋ.
[3] ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑖᐯᐧ, ᑖᐯᐧ, ᑭᐟ ᐃᑎᐣ, ᑭᐢᐱᐣ ᐁᑳ ᐊᔨᓯᔨᓂᐤ ᑭᐦᑕᐧᑦ ᓂᐦᑖᐃᐧᑭᒋ, ᓇᒪᐃᐧᔭ ᑭᑕ ᐋᐧᐸᐦᑕᑦ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ.
[4] ᓂᑯᑎᒪᐢ ᐃᑌᐤ, ᑖᓂᓯ ᑫ ᑭ ᐃᓯ ᓂᐦᑖᐃᐧᑭᐟ ᐊᔨᓯᔨᓂᐤ ᐁ ᐊᑎ ᑭᓭᔨᓂᐃᐧᐟ? ᑭᑖᐧᑦ ᒋ ᑭᑕ ᑭ ᑭᑭᐢᑳᐠ ᐅᑳᐃᐧᔭ, ᒥᓇ ᑭᑕ ᓂᐦᑖᐃᐧᑭᐟ?
[5] ᒋᓴᐢ ᑭ ᓇᐢᑫᐧᐊᐧᓯᒣᐤ, ᑖᐯᐧ, ᑖᐯᐧ, ᑭᐟ ᐃᑎᐣ, ᑭᐢᐱᐣ ᐁᑳ ᐊᔨᓯᔨᓂᐤ ᓂᐱ ᒥᓇ ᐊᐦᒑᐦᑲᐧ ᐅᐦᒋ ᓂᐦᑖᐃᐧᑭᒋ, ᓇᒪᐃᐧᔭ ᑭᑕ ᐱᐦᑐᑫᐤ ᑭᓭᒪᓂᑐᐊᐧ ᐅᐟ ᐅᑌᓇᐃᐧᐃᐧᓂᔨᕽ.
[6] ᐊᓂᒪ ᐃᐧᔮᓯᕽ ᑳ ᐅᐦᒋ ᓂᐦᑖᐃᐧᑭᕽ ᐃᐧᔮᓯᐊᐧᐣ ᐁᐊᐧᑯ; ᒥᓇ ᐊᓂᒪ ᐊᐦᒑᐦᑯᕽ ᑳ ᐅᐦᒋ ᓂᐦᑖᐃᐧᑭᕽ ᐊᐦᒑᐦᑯᐊᐧᐣ ᐁᐊᐧᑯ.
[7] ᐁᑳᐃᐧᔭ ᒫᒪᐢᑲᑌᔨᑕ ᐁ ᑭ ᐃᑎᑖᐣ, ᐱᑯ ᑭᑕ ᑭᐦᑕᐧᑦ ᓂᐦᑖᐃᐧᑭᔦᐠ.
[8] ᐊᐧ ᐊᔨᓯᔪᐁᐧᑭ ᔪᑎᐣ ᐊᔨᓯᔪᐁᐧᐤ, ᑭ ᐯᑌᐣ ᒫᑲ ᐁ ᒪᑌᐧᔪᐁᐧᐠ, ᒫᑲ ᓇᒪᐃᐧᔭ ᑭ ᑳ ᑭ ᐃᐧᐦᑌᐣ ᑖᓂᑌ ᐁᐧᒋᐸᔨᐠ, ᒥᓇ ᑖᓂᑌ ᐁᐢᐸᔨᐠ; ᐁᑯᓯ ᐃᓯ ᐊᔮᐤ ᑲᐦᑭᔭᐤ ᐊᐃᐧᔭᐠ ᐊᐦᒑᐦᑯᕽ ᑳ ᐅᐦᒋ ᓂᐦᑖᐃᐧᑭᐟ.
[9] ᓂᑯᑎᒪᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑖᓂᓯ ᐃᐧᔭ ᐅᐦᐃ ᑫ ᑭ ᐃᓯ ᐃᑭᑭ?
[10] ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑭ ᑭᐢᑭᓄᐦᐊᒪᐋᐧᐊᐧᐠ ᒋ ᐃᐢᕒᐁᐃᓬ, ᐁᑳ ᒫᑲ ᐁ ᑭᐢᑫᔨᑕᒪᐣ ᐅᐦᐃ?
[11] ᑖᐯᐧ, ᑖᐯᐧ, ᑭᐟ ᐃᑎᐣ, ᓂ ᑕᓯᑌᓈᐣ ᐊᓂᒪ ᑳ ᑭᐢᑫᔨᑕᒫᕽ, ᒥᓇ ᓂᐟ ᐋᑐᑌᓈᐣ ᐊᓂᒪ ᑳ ᑭ ᐋᐧᐸᐦᑕᒫᕽ; ᒫᑲ ᓇᒪᐃᐧᔭ ᑯᑎᓇᒪᐃᐧᓈᐣ ᓂᐟ ᐋᒋᒧᐃᐧᓂᓈᐣ.
[12] ᑭᐢᐱᐣ ᐃᐧᐦᑕᒫᑕᑯᐠ ᐊᐢᑭᐃᐧ ᑫᑲᐧᔭ, ᐁᑯᓯ ᓇᒪᐃᐧᔭ ᑭ ᑖᐯᐧᑌᓈᐋᐧᐤ, ᑖᓂᓯ ᑫ ᑭ ᐃᓯ ᑖᐯᐧᑕᒣᐠ, ᑭᐢᐱᐣ ᐃᐧᑖᒫᑕᑲᐧᐃ ᑭᐦᒋ ᑭᓯᑯᐃᐧ ᑫᑲᐧᔭ?
[13] ᓇᒪ ᐊᐃᐧᔭᐠ ᐊᔨᓯᔨᓂᐤ ᑭᐦᒋ ᑭᓯᑯᕽ ᑭ ᐃᓯ ᐅᐱᐢᑳᐤ, ᐱᑯ ᐊᓇ ᑭᐦᒋ ᑭᓯᑯᕽ ᑳ ᑭ ᐯ ᐅᐦᒋ ᔮᓯᐟ, ᐁᐊᐧᑯ ᐊᓇ ᐃᔨᓂᐃᐧᑯᓯᓵᐣ ᑭᐦᒋ ᑭᓯᑯᕽ ᑳ ᐊᔭᐟ.
[14] ᑳ ᑭ ᐃᓯ ᐅᐦᐹᐢᑲᐧᐋᐧᐟ ᒧᓯᐢ ᑭᓀᐱᑲᐧ ᐱᑲᐧᑕᐢᑭᕽ, ᐁᑯᓯ ᒣᐧᐦᒋ ᑫ ᐃᓯ ᐅᐦᐹᐢᑲᐧᐅᐦᐟ ᐃᔨᓂᐃᐧᑯᓯᓵᐣ:
[15] ᐱᑯ ᐊᐃᐧᔭᐠ ᐁ ᑖᐯᐧᔦᔨᒪᐟ ᐁᑳ ᑭᑕ ᓂᓯᐊᐧᓈᑎᓯᐟ, ᒫᑲ ᑭᑕ ᐊᔮᐟ ᑳᑭᑫ ᐱᒫᑎᓯᐃᐧᐣ.
[16] ᐃᐧᔭ ᑭᓭᒪᓂᑐ ᐁᐢᐱᒋ ᓴᑭᑕᐟ ᐊᐢᑭ, ᑭ ᒣᑭᐤ ᐅ ᐯᔭᑯ ᑯᓯᓵᓇ, ᐱᑯ ᐊᐃᐧᔭᐠ ᐁ ᑖᐯᐧᔦᔨᒫᐟ ᐁᑳ ᑭᑕ ᓂᓯᐊᐧᓈᑎᓯᐟ, ᒫᑲ ᑭᑕ ᐊᔮᐟ ᑳᑭᑫ ᐱᒫᑎᓯᐃᐧᐣ.
[17] ᐃᐧᔭ ᑭᓭᒪᓂᑐ ᑭ ᐯ ᐃᓯᑎᓴᐁᐧᐤ ᐅᑯᓯᓴ ᐅᑕ ᐊᐢᑭᕽ ᓇᒪᐃᐧᔭ ᑭᑕ ᐅᔭᓱᐋᐧᑕᒥᔨᐟ; ᒫᑲ ᐃᐧᔭ ᑭᑕ ᐅᐦᒋ ᐱᒫᑕᓂᔨᐠ ᐊᐢᑭ.
[18] ᐊᓇ ᑳ ᑖᐯᐧᔦᔨᒫᐟ ᓇᒪᐃᐧᔭ ᐅᔭᓱᐋᐧᑖᐤ: ᒫᑲ ᐊᓇ ᐁᑳ ᑳ ᑖᐯᐧᔦᔨᒫᐟ ᐁᐊᐧᑯ ᓵᓴᐩ ᐅᔭᓱᐋᐧᑖᐤ, ᒋᑫᒪ ᐁᑳ ᐁ ᑖᐯᐧᑕᕽ ᐅ ᐃᐧᔪᐃᐧᓂᔨᐤ ᑳ ᐅ ᐯᔭᑯ ᑯᓯᓵᓂᒥᑯᔨᐟ ᑭᓭᒪᓂᑐᐊᐧ.
[19] ᐁᐊᐧᑯ ᐅᒪ ᐅᔭᓱᐋᐧᑎᑯᐃᐧᐣ, ᐋᐧᐢᑌᐤ ᐁ ᑭ ᐯ ᑕᑯᓯᓄᒪᑲᕽ ᐅᑕ ᐊᐢᑭᕽ, ᐊᔨᓯᔨᓂᐊᐧᐠ ᒫᑲ ᑭ ᓴᑭᑕᐊᐧᐠ ᐊᐧᓂᑎᐱᐢᑳᐤ ᐃᐢᐱᐨ ᐋᐧᐢᑌᐤ, ᒋᑫᒪ ᐅᐟ ᐃᓯᐦᒋᑫᐃᐧᓂᐊᐧᐊᐧ ᐁ ᒪᒐᔨᐊᐧᓂᔨᑭ.
[20] ᒋᑫᒪ ᑕᐦᑐ ᐊᐃᐧᔭᐠ ᑳ ᒪᒋ ᑐᑕᕽ ᐸᑳᐧᑕᑦ ᐋᐧᐢᑌᐤ, ᓇᒪᐃᐧᔭ ᒥᓇ ᐯ ᓈᑕᑦ ᐋᐧᐢᑌᐤ, ᐁᑳ ᑭᑕ ᓄᑲᐧᓂᔨᑭ ᐅᐟ ᐃᓯᐦᒋᑫᐃᐧᓇ.
[21] ᒫᑲ ᐃᐧᔭ ᑲᐧᔭᐢᐠ ᑳ ᑐᑕᕽ ᐯ ᓈᑕᑦ ᐊᐧᐢᑌᐤ, ᑭᑕ ᓄᑲᐧᓂᔨᑭ ᐅᐟ ᐃᓯᐦᒋᑫᐃᐧᓇ ᑭᓭᒪᓂᑐᕽ ᐁ ᐅᐦᒋ ᑭᓯᒋᑳᑌᔨᑭ.
[22] ᐃᐢᐱ ᒫᑲ ᐅᐦᐃ ᑳ ᐳᓂᐸᔨᑭ ᒋᓴᐢ ᑭ ᐯ ᑕᑯᓯᐣ ᒥᓇ ᐅ ᑭᐢᑭᓄᐦᐊᒪᐋᐧᑲᓇ ᒍᑎᔭ ᐊᐢᑭᕽ; ᐁᑯᑕ ᒫᑲ ᑭ ᐊᔨᑕᓯ ᐊᐧᐃᐧᒉᐁᐧᐤ, ᐁ ᑭ ᐹᑊᑕᐃᓯᐃᐧᐃᐁᐧᐟ.
[23] ᒐᐣ ᒫᑲ ᐃᐧᐢᑕ ᑭ ᐸᑊᑖᓯᐃᐧᐃᐁᐧᐤ ᐃᓇᓂᕽ ᒋᑭ ᓭᓬᐊᒥᕽ, ᒋᑫᒪ ᑭ ᓂᐱᐢᑳᐤ ᐁᑯᑕ; ᑭ ᐯ ᐃᑐᐦᑌᐊᐧᐠ ᒫᑲ, ᐁ ᑭ ᐸᑊᑕᐃᓯᐃᐧᐃᒋᐠ.
[24] ᒋᑫᒪ ᓇᒣᐢᑲᐧ ᑭᐸᐋᐧᐤ ᒑᐣ.
[25] ᐁᑯᐢᐱ ᒫᑲ ᑭ ᓯᐯᐧ ᑲᑫᐧᒋᑐᐊᐧᐠ ᐊᑎᐟ ᒐᐣ ᐅ ᑭᐢᑭᓅᐦᐊᒪᐊᐧᑲᓇ ᒥᓇ ᒍᐊᐧ ᐁ ᑕᓯᑕᑭᐠ ᐯᑭᐃᓱᐃᐧᐣ.
[26] ᑭ ᐯ ᓈᑌᐊᐧᐠ ᒫᑲ ᒑᓇ, ᐅᒥᓯ ᐁ ᑭ ᐃᑖᒋᐠ, ᕒᐋᐸᐩ, ᐊᓇ ᑳ ᑭ ᐃᐧᒉᐃᐧᐢᐠ ᐊᑳᒥᕽ ᒑᕒᑕᓂᕽ, ᐊᓇ ᑳ ᐊᒋᒪᐟ, ᒋᐢᐟ, ᐁᐊᐧᑯ ᐹᑊᑕᐃᓯᐃᐧᐃᐁᐧᐤ, ᑲᐦᑭᔭᐤ ᒫᑲ ᐊᔨᓯᔨᓂᐊᐧ ᐯ ᓈᑎᐠ.
[27] ᒑᐣ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓇᒪᐃᐧᔭ ᐊᔨᓯᔨᓂᐤ ᑫᑲᐧᐩ ᑭᑕ ᑭ ᐅᑎᓇᑦ ᑭᐢᐱᐣ ᐁᑳ ᑭᐦᒋ ᑭᓯᑯᕽ ᐅᐦᒋ ᒥᔨᐦᒋ.
[28] ᑭᔭᐋᐧᐤ ᑫᐦᒋᐋᐧᐠ ᑭ ᑲ ᑭ ᐋᒋᒥᓈᐋᐧᐤ, ᒥᓇ ᐁ ᑭ ᐃᑌᐧᔮᐣ, ᓇᒪᔦᐤ ᓂᔭ ᙭, ᒫᑲ ᓂ ᐯ ᐃᓯᑌᓴᐅᑲᐃᐧᐣ ᓂᑳᐣ.
[29] ᐊᓇ ᑳ ᐊᔮᐊᐧᐟ ᐅᐢᑭᐢᑫᐧᐋᐧᓇ, ᐁᐊᐧᑯ ᐅᐢᑭᐢᑫᐧᐁᐧᐤ: ᒫᑲ ᐊᓇ ᐁᐧᑐᑌᒥᐟ ᐅᐢᑭᐢᑫᐧᐁᐧᐊᐧ ᑳ ᓂᐸᐃᐧᐟ ᒥᓇ ᑳ ᓇᑐᑕᐋᐧᐟ, ᑭᐦᒋ ᒥᔭᐋᐧᑕᑦ ᒋᑫᒪ ᐁ ᐯᑕᐋᐧᐟ ᐅᐢᑭᐢᑫᐧᐁᐧᐊᐧ; ᐁᐊᐧᑯ ᒫᑲ ᐅᒪ ᓂ ᒥᔭᐊᐧᑕᒧᐃᐧᐣ ᑎᐱᐸᔨᐤ.
[30] ᐊᔨᐊᐧᐠ ᐃᐧᔭ ᑭᑕ ᐊᑎ ᑭᐢᑌᔨᑖᑯᓯᐤ, ᓂᔭ ᒫᑲ ᓄᑕᐤ ᓂ ᑳ ᐊᑎ ᐃᑌᔨᑖᑯᓯᐣ.
[31] ᐃᐢᐱᒥᕽ ᑳ ᐅᐦᒋᐟ ᒪᒪᐁᐧᔦᐢ ᐁᐊᐧᑯ ᑭᐢᑌᔨᑖᑯᓯᐤ: ᐊᓇ ᒫᑲ ᐊᐢᑭᕽ ᐁᐧᐦᒋᐟ ᐊᐢᑭᐃᐧᐤ, ᒥᓇ ᐊᐢᑭ ᑕᓯᑕᑦ; ᐊᓇ ᒫᑲ ᑭᐦᒋ ᑭᓯᑯᕽ ᑳ ᐅᐦᒋᐟ, ᒫᒪᐁᐧᔦᐢ ᐁᐊᐧᑯ ᑭᐢᑌᔨᑖᑯᓯᐤ.
[32] ᐊᓂᒪ ᑳ ᑭ ᐋᐧᐸᐦᑕᕽ ᒥᓇ ᑳ ᑭ ᐯᐦᑕᕽ, ᐁᐊᐧᑫᐧᔨᐤ ᐃᔮᑐᑕᕽ; ᒫᑲ ᓇᒪ ᐊᐃᐧᔭ ᑭ ᐅᑎᓇᒫᐠ ᐅᐟ ᐋᒋᒧᐃᐧᐣ.
[33] ᐊᓇ ᒫᑲ ᑳ ᑭ ᐅᑎᓇᒪᐊᐧᐟ ᐅᐟ ᐋᒋᒧᐃᐧᓂᔨᐤ ᑭ ᐋᔮᑕᐢᑖᐤ ᐅᒪ ᐁ ᑖᐯᐧᐟ ᑭᓭᒪᓂᑐ.
[34] ᒋᑫᒪ ᐊᓇ ᑭᓭᒪᓂᑐᐊᐧ ᑳ ᑭ ᐯ ᐃᓯᑎᓴᐦᐅᑯᐟ ᑕᓯᑕᑦ ᑭᓭᒪᓂᑐᐊᐧ ᐅᐟ ᐊᔭᒥᐃᐧᓂᔨᐊᐧ; ᒋᑫᒫ ᑭᓭᒪᓂᑐ ᓇᒪᐃᐧᔭ ᑎᐸᐋᐧᐣ ᐃᔨᑯᕽ ᒥᔦᐤ ᐊᐦᒑᐦᑲᐧ.
[35] ᐁᐧᔪᑖᐃᐧᕽ ᓵᑭᐦᐁᐤ ᐅᑯᓯᓴ, ᑲᐦᑭᔭᐤ ᒫᑲ ᑫᑲᐧᐩ ᑭ ᒥᔦᐤ ᐅᒋᐦᒋᔨᕽ.
[36] ᐊᓇ ᑎᔭᐯᐧᔦᔨᒫᐟ ᐊᔮᐤ ᑲᑭᑫ ᐱᒫᑎᓯᐃᐧᐣ: ᐊᓇ ᒫᑲ ᐁᑳ ᑳ ᑖᐯᐧᔦᔨᒫᐟ ᐅᑯᓯᓯᒫᐊᐧ ᓇᒪᐃᐧᔭ ᑭᑕ ᐋᐧᐸᐦᑕᑦ ᐱᒫᑎᓯᐃᐧᐣ; ᒫᑲ ᑭᓭᒪᓂᑐᐊᐧ ᐅ ᑭᓯᐋᐧᓯᐃᐧᓂᔨᐤ ᐹᑕᑯᐢᑳᐠ.