[1] ᓂᔭ ᐁᐊᐧᑯ ᑖᐯᐧ ᓱᒥᓇᑎᐠ, ᒫᑲ ᓄᑖᐃᐧ ᐁᐊᐧᑯ ᑭᐢᑎᑫᐃᐧᔨᓂᐃᐧᐤ.
[2] ᑕᐦᑐ ᐁ ᐸᐢᑫᑎᐦᑲᐧᓇᑭᓯᔮᐣ ᐁᑳ ᑳ ᒥᓂᓯᐊᐧᕽ ᐅᑎᓇᑦ; ᑕᐦᑐ ᒫᑲ ᑳ ᒥᓂᓯᐊᐧᕽ, ᐯᑭᑕᐤ, ᐊᐊᐧᓯᒣ ᑭᑕ ᒥᓂᓯᐊᐧᓂᔨᐠ.
[3] ᐁᑲᐧ ᑭ ᐯᑭᓯᓈᐋᐧᐤ ᐃᑌᐧᐃᐧᐣ ᐅᐦᒋ ᑳ ᑭ ᐊᔨᑎᑕᑯᐠ.
[4] ᑭᑭᐢᑲᐃᐧᐠ ᓂᔭ ᐁᑯᓯ ᓂᔭ ᑭ ᑲ ᑭᑭᐢᑳᑎᓈᐋᐧᐤ. ᒣᐧᐦᒋ ᐁᑳ ᑫ ᑭ ᐃᓯ ᒥᓂᓯᐊᐧᕽ ᐁ ᐸᐢᑫᑎᐦᑲᐧᓇᑭᓯᐟ ᓱᒥᓈᑎᐠ, ᑭᐢᐱᐣ ᐁᑳ ᓴᑲᒧᐊᔮᑭ ᓱᒥᓈᑎᑯᕽ, ᐁᑯᓯ ᒥᓇ ᑭᔭᐋᐧᐤ ᓇᒪᐃᐧᔭ ᑭ ᑲ ᒥᓂᓯᐃᐧᓈᐋᐧᐤ, ᑭᐢᐱᐣ ᐁᑳ ᑭᑭᐢᑲᐃᐧᔦᑯ.
[5] ᓂᔭ ᓱᒥᓈᑎᐠ, ᑭᔭᐋᐧᐤ ᒫᑲ ᐁ ᐸᐢᑫᑎᐦᑲᐧᓇᑭᓯᔮᐣ. ᐊᓇ ᐃᓴ ᑳ ᑭᑭᐢᑲᐃᐧᐟ, ᒥᓇ ᓂᔭ ᑳ ᑭᑭᐢᑲᐊᐧᐠ, ᐁᐊᐧᑯ ᒥᐢᑕᐦᐃ ᒥᓂᓯᐃᐧᐤ: ᒋᑫᒪ ᐁᑳ ᐃᐧᒉᐃᐧᔦᑯ ᓇᒪ ᑫᑲᐧᐩ ᑭ ᑲ ᑭ ᑐᑌᓈᐋᐧᐤ.
[6] ᑭᐢᐱᐣ ᐁᑳ ᐊᔨᓯᔨᓂᐤ ᑭᑭᐢᑲᐃᐧᒋ, ᑭᑕ ᐁᐧᐱᓈᐤ ᑖᐱᐢᑯᐨ ᐊᐧᑎᐦᑲᐧᐣ ᑳ ᐃᓯ ᐁᐧᐱᓂᑲᑌᐠ, ᐁᑯᓯ ᐁ ᐹᐢᑌᐠ; ᐁᑯᓯ ᐊᔨᓯᔨᓂᐊᐧᐠ ᒫᐊᐧᓴᑯᓇᒪᐧᐠ, ᒥᓇ ᒪᒍᐢᑌᐁᐧᐱᓇᒪᐧᐠ, ᐁᑯᓯ ᑭᓯᑌᐊᐧ.
[7] ᑭᐢᐱᐣ ᑭᑭᐢᑲᐃᐧᔦᑯ, ᒥᓇ ᓂᐟ ᐃᑌᐧᐃᐧᓇ ᑭᑭᐢᑳᑯᔦᑯ, ᐱᑯ ᑫᑲᐧᐩ ᑫ ᓇᑐᑕᒪᐁᐧᑫᐧ, ᐁᑯᓯ ᑫ ᑐᑕᒪᑲᐃᐧᔦᐠ.
[8] ᐁᑯᑕ ᒫᑲ ᐅᒪ ᑫᐢᑌᔨᑕᑯᐃᐦᐟ ᓄᑖᐃᐧ ᒥᐢᑕᐦᐃ ᑭᑕ ᒥᓂᓯᐃᐧᔦᐠ; ᐁᑯᓯ ᒫᑲ ᑭ ᑲ ᐅᑭᐢᑭᓄᐦᐊᒪᐋᐧᑲᓂᒥᑎᓈᐋᐧᐤ.
[9] ᑳ ᐃᓯ ᓴᑭᐃᐟ ᐁᐧᔪᑖᐃᐧᕽ, ᐁᑯᓯ ᓂᐢᑕ ᑳ ᐃᓯ ᓴᑭᐦᐃᑕᑯᐠ: ᐊᔮᐠ ᒫᑲ ᑕᐦᑭ ᓂ ᓵᑭᐦᐃᐁᐧᐃᐧᓂᕽ.
[10] ᑭᐢᐱᐣ ᑲᓇᐁᐧᔨᑕᒣᑯ ᓄᔭᓱᐁᐧᐃᐧᓇ, ᑭ ᑲ ᐊᔮᓈᐋᐧᐤ ᓂ ᓵᑭᐦᐃᐁᐧᐃᐧᓂᕽ; ᒣᐧᐦᒋ ᑳ ᐃᓯ ᑲᓇᐁᐧᔨᑕᒪᐧᐠ ᓄᑖᐃᐧ ᐅᔭᓱᐁᐧᐃᐧᓇ, ᒥᓇ ᐁ ᐊᔮᐊᐧᐠ ᐅ ᓵᑭᐦᐃᐁᐧᐃᐧᓂᕽ.
[11] ᐁᐊᐧᑯᓂ ᐅᐦᐃ ᑳ ᐊᔨᑎᑕᑯᐠ, ᓂ ᒫᒪᑖᑯᓯᐃᐧᐣ ᑭᑕ ᑭᑭᐢᑳᑯᔦᐠ, ᐁᑯᓯ ᑭ ᒪᒪᐦᑖᑯᓯᐃᐧᓂᐋᐧᐤ ᑭᑕ ᑭᓯᐅᒪᑲᕽ.
[12] ᐁᐊᐧᑯ ᐅᒪ ᓄᔭᓱᐁᐧᐃᐧᐣ, ᑭᑕ ᓵᑭᐦᐃᑐᔦᐠ, ᑳ ᑭ ᐃᓯ ᓴᑭᐦᐃᑕᑯᐠ.
[13] ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐊᔮᐤ ᐊᐊᐧᓯᒣ ᓵᑭᐦᐃᐁᐧᐃᐧᐣ ᐃᔨᑯᕽ ᐅᒪ, ᑭᑕ ᐸᑭᑎᓇᕽ ᐅ ᐱᒫᑎᓯᐃᐧᐣ ᐅᑐᑌᒪ ᐅᐦᒋ.
[14] ᑭᔭᐋᐧᐤ ᓂᑐᑌᒪᐠ ᑭᐢᐱᐣ ᑐᑕᒣᑯ ᐊᓂᒪ ᑳ ᐃᓯ ᓯᑭᒥᑕᑯᐠ.
[15] ᐁᑲᐧ ᒫᑲ ᓇᒪᐃᐧᔭ ᐊᑐᐢᑫᔮᑲᓇᐠ ᑭᐟ ᐃᓯᔨᐦᑳᑎᑎᓈᐋᐧᐤ; ᒋᑫᒫ ᐊᑐᐢᑫᔮᑲᐣ ᓇᒪᐃᐧᔭ ᑭᐢᑫᔨᑕᑦ ᐁᓯᒋᑫᔨᐟ ᐅᐟ ᐅᑭᒫᒪ: ᒫᑲ ᓂᔭ ᓂ ᑐᑌᒪᐠ ᑭᐟ ᐃᓯᔨᐦᑳᑎᑎᓈᐋᐧᐤ; ᒋᑫᒪ ᑲᐦᑭᔭᐤ ᑫᑲᐧᐩ ᑳ ᐃᑎᑕᐊᐧᐠ ᓄᑖᐃᐧ ᑭ ᑭᐢᑫᔨᑕᒧᐃᑎᓈᐋᐧᐤ.
[16] ᓇᒪᐃᐧᔭ ᑭᔭᐋᐧᐤ ᑭ ᑭ ᓇᐊᐧᓱᓂᓈᐋᐧᐤ, ᒫᑲ ᓂᔭ ᑭ ᑭ ᓇᐊᐧᓱᓂᑎᓈᐋᐧᐤ, ᒥᓇ ᑭ ᑭ ᐃᑕᑭᒥᑎᓈᐋᐧᐤ, ᑭᑕ ᓇᑕᐃᐧ ᒥᓂᓯᐃᐧᔦᐠ, ᒥᓇ ᑭ ᒥᓂᓯᐃᐧᐃᐧᓂᐋᐧᐤ ᑭᑕ ᐊᔮᐠ; ᐱᑯ ᒫᑲ ᑫᑲᐧᐩ ᑫ ᓇᑐᑕᒪᐊᐧᐁᐧᑫᐧ ᐁᐧᔪᑖᐃᐧᕽ ᓂ ᐃᐧᔪᐃᐧᓂᕽ ᑭᑕ ᒥᔨᑯᔦᐠ,
[17] ᐁᐊᐧᑯᓂ ᐅᐦᐃ ᑭᐟ ᐃᑕᓱᐋᐧᑎᑎᓈᐋᐧᐤ, ᑭᑕ ᓴᑭᐃᑐᔦᐠ.
[18] ᑭᐢᐱᐣ ᐊᐢᑭ ᐸᑳᐧᑎᑯᔦᑯ, ᑭ ᑭᐢᑫᔨᑌᓈᐋᐧᐤ ᐁ ᑭ ᐸᑳᐧᑎᑯᔮᐣ ᒪᐧᔦᐢ ᑭᔭᐋᐧᐤ ᐸᑳᐧᑎᑯᔦᐠ.
[19] ᑭᐢᐱᐣ ᐊᐢᑭᕽ ᐅᐦᒋ ᑎᐯᔨᑖᑯᓯᔦᐠ, ᐊᐢᑭ ᑭᑕ ᓵᑭᐦᐁᐤ ᐊᓂᐦᐃ ᑳ ᑎᐯᔨᒫᐟ: ᒫᑲ ᐁᑳ ᐁ ᑎᐯᔨᑖᑯᓯᔦᐠ ᐊᐢᑭᕽ, ᒫᑲ ᐁ ᑭ ᓇᐊᐧᓱᓂᑕᑯᐠ ᐊᐢᑭᕽ ᐅᐦᒋ, ᐁᐊᐧᑯ ᐅᐦᒋ ᐊᐢᑭ ᑳ ᐸᑳᐧᑎᑯᔦᐠ.
[20] ᑲᓄᑭᐢᑭᓯᐠ ᑳ ᑭ ᐃᑎᑕᑯᐠ, ᓇᒪᐃᐧᔭ ᐊᐊᐧᓯᒣ ᑭᐢᑌᔨᑖᑯᓯᐤ ᐊᑐᐢᑫᔮᑲᐣ ᐃᔨᑯᕽ ᐅᐟ ᐅᑭᒫᒪ. ᑭᐢᐱᐣ ᓂ ᑭ ᑯᑕᑭᐦᐃᑲᐧᐠ ᓂᔭ, ᑭᔭᐋᐧᐤ ᒥᓇ ᑭ ᑲ ᑯᑕᑭᐦᐃᑯᐋᐧᐊᐧᐠ; ᑭᐢᐱᐣ ᑭ ᑲᓇᐁᐧᔨᑕᒪᐧᐠ ᓂᔭ ᓂᐟ ᐃᑌᐧᐃᐧᐣ, ᑭᔭᐋᐧᐤ ᒥᓇ ᑭᑕ ᑲᓇᐁᐧᔨᑕᒪᐧᐠ.
[21] ᒫᑲ ᑲᐦᑭᔭᐤ ᐅᐦᐃ ᑭ ᑲ ᐊᔨᑐᑖᑯᐋᐧᐊᐧᐠ ᓂ ᐃᐧᔪᐃᐧᐣ ᐅᐦᒋ, ᒋᑫᒫ ᓇᒪᐃᐧᔭ ᑭᐢᑫᔨᒣᐊᐧᐠ ᑳ ᑭ ᐯ ᐃᓯᑎᓴᐅᔨᐟ.
[22] ᑭᐢᐱᐣ ᐁᑳ ᑭ ᐯ ᐃᑐᐦᑌᔮᐣ ᒥᓇ ᑭ ᐃᐧᐦᑕᒪᐊᐧᑭᐠ, ᓇᒪᐃᐧᔭ ᐅ ᑲ ᑭ ᐊᔮᑖᐋᐧᐤ ᒪᒋᑎᐃᐧᐣ: ᒫᑲ ᐁᑲᐧ ᓇᒪᐃᐧᔭ ᐊᔮᐊᐧᐠ ᑭᐧᑕᐃᐧ ᐃᑌᐧᐃᐧᐣ ᐅ ᒪᒋᑎᐃᐧᓂᐋᐧᐤ ᐅᐦᒋ.
[23] ᐊᓇ ᓂᔭ ᑳ ᐸᑳᐧᓯᐟ, ᓄᑖᐃᐧᔭ ᒥᓇ ᐸᑳᐧᑌᐤ.
[24] ᑭᐢᐱᐣ ᐁᑳ ᐅᐦᒋ ᐃᑐᑕᒫᐣ ᒣᑳᐧᐨ ᐃᑕ ᐁ ᐊᔮᒋᐠ ᐊᑐᐢᑫᐃᐧᓇ ᐁᑳ ᑯᑕᐠ ᐁ ᑭ ᐃᑐᑕᕽ, ᓇᒪᐃᐧᔭ ᐅ ᑲ ᑭ ᐊᔮᑖᐋᐧᐤ ᒪᒋᑎᐃᐧᐣ: ᒫᑲ ᐁᑲᐧ ᑖᐱᐢᑯᐨ ᓂ ᑭ ᐋᐧᐸᒥᑯᓈᓇᐠ ᒥᓇ ᓂ ᑭ ᐸᑳᐧᑎᑯᓈᓇᐠ ᓂᔭ ᒥᓇ ᓄᑕᐃᐧᔭ.
[25] ᒫᑲ ᐅᒪ ᐃᐢᐸᔨᐤ ᐃᑌᐧᐃᐧᐣ ᑳ ᒪᓯᓇᐃᑳᑌᔨᐠ ᐅᔭᓱᐁᐧᐃᐧᓂᐋᐧᕽ ᑭᑕ ᑎᐱᐸᔨᔨᐠ, ᐱᑲᐧᓇᑕ ᓂ ᑭ ᐸᑳᐧᑎᑲᐧᐠ.
[26] ᒫᑲ ᐃᐢᐱ ᑭ ᑕᑯᓯᑭ ᐅᒥᔪᑌᐁᐃᐁᐧᐤ, ᐁᐧᔪᑖᐃᐧᕽ ᐅᐦᒋ ᑫ ᐯ ᐃᓯᑎᓴᐊᐧᐠ, ᐊᓇ ᐅᑎ ᑖᐯᐧᐃᐧᓂ ᐊᐦᒑᕽ, ᐁᐧᔪᑖᐃᐧᕽ ᑳ ᐅᐦᒋᐟ, ᐃᐧᔭ ᓂ ᑲ ᐋᒋᒥᐠ:
[27] ᐁᑯᓯ ᑭᔭᐋᐧᐤ ᒥᓇ ᑭ ᑲ ᐋᒋᒥᓈᐋᐧᐤ, ᒋᑫᒫ ᒥᒋᒫᐨ ᐅᐦᒋ ᑭ ᑭ ᐯ ᐃᐧᒉᐃᐧᓈᐋᐧᐤ.