[1] ᐁᐊᐧᑯ ᒫᑲ ᐅᐦᒋ ᐊᐊᐧᓯᒣ ᑭ ᑲ ᐊᔮᑳᐧᒣᔨᑌᑖᓇᐤ ᐊᓂᐦᐃ ᑳ ᑭ ᐯᑕᒪᕽ ᑫᑲ ᓈᐣᑕᐤ ᐃᓯ ᑭᑕ ᑭᑎᐢᑭᐸᔨᐃᑯᔭᕽ.
[2] ᒋᑫᒫ ᑭᐢᐱᐣ ᐃᑌᐧᐃᐧᐣ ᑳ ᑭ ᐃᐧᒋᑳᑌᐠ ᐅᑭᓯᑯᐊᐧᐠ ᐅᐦᒋ ᑳ ᐊᔮᑕᓄᑫᐧ, ᒥᓇ ᑲᐦᑭᔭᐤ ᐊᐧᓂᑐᑕᒧᐃᐧᐣ ᒥᓇ ᓴᓯᐱᑕᒧᐃᐧᐣ ᐁ ᑭ ᐅᐦᒋᑎᓴᐊᒫᓱᕽ ᐁ ᐃᓯ ᑲᐧᔭᐢᐠ ᑲᐢᑭᑕᒫᓱᒪᑲᕽ;
[3] ᑖᓂᓯ ᑫ ᑭ ᐃᓯ ᐸᐢᐱᔭᕽ ᑭᐢᐱᐣ ᑭᐟ ᐋᔮᒋᐢᑕᐁᐧᔨᑌᓈᓇᐤ ᐁ ᐃᓯ ᑭᐦᒑᔨᐊᐧᕽ ᐱᒫᒋᐦᐃᐁᐧᐃᐧᐣ? ᓂᑳᐣ ᑳ ᑎᐯᔨᐦᒋᑫᐟ ᐁ ᑭ ᐃᐧᐦᑕᕽ ᑳ ᑭ ᐊᔮᑕᐢᑖᐧᑯᔭᑯᐠ ᐊᓂᑭ ᑳ ᑭ ᐯᐦᑕᐦᑭᐠ;
[4] ᑭᓭᒪᓂᑐᐊᐧ ᒥᓇ ᐁ ᐃᐧᒋᑖᔨᐟ ᐅᐟ ᐋᒋᒧᐃᐧᓂᐋᐧᐤ ᑭᐢᑭᓇᐋᐧᒋ ᐋᐧᐸᐦᑕᐦᐃᐁᐧᐃᐧᓇ ᒥᓇ ᒪᒫᑖᐃᐧ ᐃᓯᐦᒋᑫᐃᐧᓇ ᒥᓇ ᓇᓈᑐᕽ ᑲᐢᑭᐦᐁᐃᐧᓯᐃᐧᓇ ᐅᐦᒋ, ᐊᓯᒋ ᐅ ᒣᑭᐃᐧᓇ ᑳ ᑲᓈᑎᓯᐟ ᐊᐦᒑᕽ, ᐁ ᐃᑕᐢᑌᔨᐠ ᐃᐧᔭ ᐅᐟ ᐃᑌᔨᑕᒧᐃᐧᐣ.
[5] ᒋᑫᒫ ᓇᒪᐃᐧᔭ ᐅᑭᓯᑯᐊᐧ ᑭ ᐅᐦᒋ ᑎᐯᔨᑕᒧᐁᐤ ᐊᓂᒪ ᐊᐢᑭ ᓂᑳᐣ ᑳ ᐊᔮᐠ, ᐊᓂᒪ ᒫᓇ ᑳ ᐊᐧᐃᐧᑕᒫᕽ.
[6] ᒫᑲ ᐯᔭᐠ ᓇᐣᑕᐤ ᐃᑕ ᑭ ᐋᒋᒧ ᐁ ᐃᑌᐧᐟ, ᑫᑲᐧᐩ ᐃᐧᔭ ᐊᔨᓯᔨᓂᐤ ᑳ ᒥᑐᓀᔨᒪᐟ? ᐊᐦᐳ ᐊᔨᓯᔨᓂᐃᐧᑯᓯᓵᐣ ᑳ ᑭᐅᑲᐊᐧᐟ?
[7] ᑭ ᑭ ᐃᓯᐋᐤ ᐊᐱᓯᐢ ᓄᐦᑕᐃᐧᐢ ᑭᑕ ᐊᔮᐟ ᐃᔨᑯᕽ ᐅᑭᓯᑯᐊᐧ; ᑭ ᑭ ᐳᐢᑕᐢᑐᑎᓇᐋᐤ ᑭᐢᑌᔨᑖᑯᓯᐃᐧᐣ ᒥᓇ ᑭᐦᒑᔨᐃᐧᐃᐧᐣ, ᐁᑯᓯ ᑭ ᑭ ᑎᐯᔨᑕᒧᐋᐤ ᐊᓂᐦᐃ ᑳ ᑭ ᐊᑐᐢᑳᑕᒪᐣ ᑭᒋᐦᒋᔭ ᐅᐦᒋ;
[8] ᑲᐦᑭᔭᐤ ᑫᑲᐧᐩ ᑭ ᑭ ᐊᐢᑖᐋᐧᐣ ᓯᐹ ᐅᓯᑎᕽ. ᒋᑫᒫ ᐊᓂᒪ ᑳ ᑭ ᑎᐯᔨᑕᒧᐋᐟ ᑲᐦᑭᔭᐤ ᑫᑲᐧᐩ, ᓇᒪᐃᐧᔭ ᑫᑲᐧᐩ ᐃᐢᑯᓇᑦ ᐁᑳ ᐁ ᑎᐯᔨᑕᒧᐋᐟ. ᒫᑲ ᐊᓄᐦᐨ ᐃᐧᔭ ᓇᒣᐢᑲᐧ ᑭ ᐋᐧᐸᐦᑕᒫᐧᓈᓇᐤ ᑲᐦᑭᔭᐤ ᑫᑲᐧᐩ ᐁ ᑎᐯᔨᑕᒧᐃᐦᐟ.
[9] ᒫᑲ ᑭ ᐋᐧᐸᒫᓇᐤ ᐊᓇ ᑳ ᑭ ᐃᓯᐃᐦᐟ ᓄᑕᐃᐧᐢ ᑭᑕ ᐃᑌᔨᑖᑯᓯᐟ ᐃᔨᑯᕽ ᐅᑭᓯᑯᐊᐧ, ᒋᓴᐢ ᐅᑎ, ᒋᑫᒫ ᐁ ᑭ ᑯᑕᑭᑖᐟ ᓂᐳᐃᐧᐣ ᐅᐦᒋ ᐁ ᐳᐢᑕᐢᑐᑎᓇᐃᐦᐟ ᑭᐢᑌᔨᑖᑯᓯᐃᐧᐣ ᒥᓇ ᑭᐦᒑᔨᐃᐧᐃᐧᐣ, ᐅ ᑭᓭᐋᐧᑎᓯᐃᐧᐣ ᐅᐦᒋ ᑭᓭᒪᓂᑐ ᑭᑕ ᑯᒋᐢᑕᕽ ᓂᐳᐃᐧᐣ ᐁ ᑐᑌᐢᑕᒪᐋᐧᐟ ᑲᐦᑭᔭᐤ ᐊᔨᓯᔨᓂᐊᐧ.
[10] ᒋᑫᒫ ᑭ ᓇᐃᐢᑳᐠ ᐊᓇ ᑳ ᐅᐦᒋ ᐃᑕᑲᐧᑭ ᑲᐦᑭᔭᐤ ᑫᑲᐧᔭ ᒥᓇ ᑲᐦᑭᔭᐤ ᑫᑲᐧᔭ ᐃᑕ ᑳ ᐅᐦᒋᑭ, ᐁ ᐃᑐᐦᑕᐦᐋᐟ ᒥᐦᒉᐟ ᐅᑯᓯᓴ ᑭᐢᑌᔨᑖᑯᓯᐃᐧᓂᕽ ᑭᑕ ᒥᑐᓂᐋᐟ ᑯᑕᑭᑖᐃᐧᐣ ᐅᐦᒋ ᐊᓂᐦᐃ ᑳ ᓂᑳᓂᐢᑕᒥᔨᐟ ᐅ ᐱᒫᒋᐃᑯᐃᐧᓂᔨᐤ.
[11] ᒋᑫᒫ ᐊᓇ ᑳ ᑲᓈᒋᐃᐁᐧᐟ ᒥᓇ ᐊᓂᑭ ᑳ ᑲᓈᒋᐃᐦᒋᐠ ᒫᒪᐃᐧ ᐯᔭᑲᐧᔭᐠ ᐅᐦᒋᐊᐧᐠ; ᐁᐊᐧᑯ ᒫᑲ ᐅᐦᒋ ᓇᒪᐃᐧᔭ ᓇᓀᐯᐃᐧᓯᐤ ᓂᒋᐋᐧᒪᐠ ᑭᑕ ᐃᑖᐟ,
[12] ᐁ ᐃᑌᐧᐟ, ᓂ ᑲ ᐋᒋᒧᐢᑕᐋᐧᐊᐧᐠ ᑭ ᐃᐧᔪᐃᐧᐣ ᓂᒋᐋᐧᒪᐠ, ᒣᑳᐧ ᒫᐊᐧᒋᐃᑐᐃᐧᓂᕽ ᓂ ᑲ ᓂᑲᒧᐣ ᑭ ᒪᒥᒋᒥᑯᐃᐧᐣ.
[13] ᐁᑯᓯ ᒥᓇ, ᓂ ᑲ ᒪᒥᓯᑐᑕᐋᐧᐤ. ᐁᑯᓯ ᒥᓇ, ᒋᐢᐟ ᓂᔭ ᒥᓇ ᐊᐋᐧᓯᓴ ᑭᓭᒪᓂᑐ ᑳ ᑭ ᒥᔨᐟ.
[14] ᐁᑯᓯ ᒫᑲ ᑖᐱᐢᑯᐨ ᐊᐋᐧᓯᓴᐠ ᑳ ᐊᔮᒋᐠ ᐃᐧᐢᑕᐋᐧᐤ ᐃᐧᔮᐢ ᒥᓇ ᒥᐦᑯ ᐃᐧᔭ ᒥᓇ ᐁᑯᓯ ᐃᓯ ᑭ ᐅᑎᓇᑦ ᐁᐊᐧᑫᐧᔨᐤ; ᐊᓂᒪ ᐁ ᑭ ᓂᐱᐟ ᑭᑕ ᐅᐦᒋ ᓂᓯᐊᐧᓈᒋᐦᐋᐟ ᐊᓂᐦᐃ ᑳ ᑎᐯᔨᑕᒥᔨᐟ ᓂᐳᐃᐧᐣ ᐁᐊᐧᑯ ᒪᒑᔭ;
[15] ᐁᑯᓯ ᑭᑕ ᐸᐢᐱᐋᐟ ᐊᓂᐦᐃ ᐁ ᑯᐢᑕᒥᔨᐟ ᓂᐳᐃᐧᐣ ᐃᔨᑯᕽ ᐁ ᐱᒫᑎᓯᔨᐟ ᑳ ᐊᐢᐱᐃᑯᒋᐠ.
[16] ᒋᑫᒫ ᓇᒪᐃᐧᔭ ᐅᑭᓯᑯᐊᐧ ᑳ ᐅᑎᓈᐟ ᒫᑲ ᐅᑎᓀᐤ ᐅ ᓂᐦᑖᐃᐧᑭᐋᑲᓂᔨᐊᐧ ᐁᑊᕒᐁᐋᒪ.
[17] ᐁᑯᓯ ᒫᑲ ᑭ ᐃᑕᐢᑌᔨᐤ ᒥᓯᐁᐧ ᐃᓯ ᑭᑕ ᐃᓯᐃᐦᐟ ᑖᐱᐢᑯᐨ ᐅᒋᐋᐧᒪ, ᑭᑕ ᑭᐦᒋ ᐊᔭᒥᐦᐁᐃᐧᔨᓂᑲᑕᕽ ᐁ ᑭᓭᐋᐧᑎᓯᐟ ᒥᓇ ᐁ ᑖᐯᐧᐟ ᐁ ᐸᒥᑖᐟ ᐊᓂᐦᐃ ᑭᓭᒪᓂᑐᐊᐧ ᑳ ᑎᐯᔨᑕᒥᔨᐟ, ᑭᑕ ᓈᒪᐋᐧᐟ ᐅ ᒪᒋᐃᑎᐃᐧᓂᔨᐊᐧ ᐊᔨᓯᔨᓂᐊᐧ.
[18] ᒋᑫᒫ ᐊᓂᒪ ᐃᐧᔭ ᑫᐦᒋᐋᐧᐠ ᐁ ᑭ ᑯᑕᑭᑖᐠ ᐁ ᑯᑌᔨᒥᐦᐟ, ᑲᐢᑭᑖᐤ ᑭᑕ ᓂᓱᑲᒪᐋᐧᐟ ᐊᓂᐦᐃ ᑳ ᑯᑌᔨᒥᒥᐦᐟ.