<Hebrews ᐃᐸᕒᐅᐊᐧ 1

[1] ᑭᓭᒪᓂᑐ, ᐊᓇ ᑲᔮᐢ ᐊᔮᐢᑳᐤ ᒥᓇ ᓇᓈᑐᕽ ᐃᓯ ᑳ ᑭ ᑭᑐᑖᐟ ᐅᑖᐃᐧᒫᐊᐧ ᐅᑭᐢᑭᐁᐧᐦᐃᑫᐊᐧ ᐅᐦᒋ,

[2] ᐁᑲᐧ ᐅᒪ ᐃᐢᑳᐧᔮᐨ ᐁ ᑲᑭᓯᑳᐠ ᑭ ᑭ ᑭᑐᑎᑯᓇᐤ ᐅᑯᓯᓴ ᐅᐦᒋ, ᑳ ᑭ ᐅᔭᑭᒫᐟ ᑭᑕ ᑎᐯᔨᑕᒥᔨᐟ ᑲᐦᑭᔭᐤ ᑫᑲᐧᐩ ᒥᓇ ᐁᐊᐧᑯᓂ ᐅᐦᒋ ᑳ ᑭ ᐅᓯᑖᐟ ᐊᐢᑭ;

[3] ᐁᐊᐧᑯᓂ ᐁ ᐋᐧᓭᔮᔨᐠ ᐅ ᑭᐢᑌᔨᑖᑯᓯᐃᐧᐣ ᒥᓇ ᒣᐧᐦᒋ ᐁ ᓇᐢᐱᑖᑯᐟ ᐅᐟ ᐃᓯᓈᑯᓯᐃᐧᓂᕽ, ᒥᓇ ᐁ ᓯᑐᓇᕽ ᑲᐦᑭᔭᐤ ᑫᑲᐧᐩ ᐅ ᑭᐦᒑᔨᐃᐧ ᐃᑌᐧᐃᐧᐣ ᐅᐦᒋ, ᐃᐢᐱ ᑳ ᐯᑭᑖᐟ ᒪᒋ ᐃᑎᐃᐧᓇ ᑭ ᓇᐦᐊᐱᐤ ᐅ ᑭᐦᒋᓂᐢᑭᔨᕽ ᒫᒪᐁᐧᔭᐢ ᑳ ᑭᐦᒋ ᐅᑭᒫᐃᐧᔨᐟ ᐃᐢᐱᒥᕽ;

[4] ᐊᐊᐧᓯᒣ ᐁ ᑭ ᐃᓯᐃᐦᐟ ᐃᔨᑯᕽ ᐅᑭᓯᑯᐊᐧ ᒋᑫᒫ ᐅᐟ ᐃᓯ ᓂᐦᑖᐃᐧᑭᐃᐧᐣ ᐅᐦᒋ ᐁ ᐋᓂᐢᑫᐢᑲᕽ ᐊᐊᐧᓯᒣ ᑭᐦᒋ ᐃᐧᔪᐃᐧᐣ ᐃᔨᑯᕽ ᐁᐊᐧᑯᓂᐠ.

[5] ᒋᑫᒫ ᑖᓈᓂᐃ ᐅᑭᓯᑯᐊᐧ ᐃᐧᑳᐨ ᑲ ᐃᑖᐟ, ᑭᔭ ᓂᑯᓯᐢ, ᐊᓄᐦᐨ ᑳ ᑭᓯᑳᐠ ᑭ ᑭ ᓂᐦᑖᐃᐧᑭᐃᑎᐣ? ᒥᓇ ᒫᑲ, ᓂᔭ ᐅᑖᐃᐧᔭ ᓂ ᑲ ᐃᓯ ᐊᔮᐊᐧᐣ, ᐁᑯᓯ ᐃᐧᔭ ᓂᑯᓯᐢ ᑭᑕ ᐃᓯ ᐊᔮᐤ?

[6] ᐃᐢᐱ ᒫᑲ ᒥᓇ ᐁ ᐱᑐᑲᐋᐟ ᓂᐢᑕᑦ ᓂᐦᑖᐃᐧᑭᐋᑲᓇ ᐊᐢᑭᕽ ᐃᑌᐧᐤ, ᑭᔮᑦ ᑲᐦᑭᔭᐤ ᐅᑭᓯᑯᒪ ᑭᓭᒪᓂᑐ ᑭᑕ ᐅᒋᐦᒋᑲᐧᓂᐢᑖᐠ.

[7] ᐅᑭᓯᑯᐊᐧ ᒫᑲ ᐃᑌᐤ, ᑳ ᐃᓯᐋᐟ ᐅᑭᓯᑯᒪ ᑭᑕ ᐊᐦᒑᐦᑯᐃᐧᔨᐟ, ᒥᓇ ᐅᐸᒥᐢᑖᑫᒪ ᐁ ᑳᐧᑯᑌᐠ ᐃᐢᑯᑌᐤ:

[8] ᒫᑲ ᐅᑯᓯᓯᒫᐊᐧ ᐅᒥᓯ ᐃᑌᐤ, ᑭ ᑭᐦᒋ ᐅᑭᒫᐊᐧᐱᐃᐧᐣ ᑭᓭᒪᓂᑐ ᑳᑭᑫ ᒥᓇ ᑳᑭᑫ ᐊᔮᐤ; ᒥᓇ ᑲᐧᔭᐢᑳᐧᑎᓯᐃᐧ ᑎᐯᔨᒋᑳᑲᐣ ᑳ ᑎᐯᔨᒋᑳᑫᔭᐣ ᑭᐟ ᐅᑌᓇᐃᐧᐃᐧᓂᕽ.

[9] ᑭ ᑭ ᓴᑭᑖᐣ ᑲᐧᔭᐢᑳᐧᑎᓯᐃᐧᐣ ᒥᓇ ᑭ ᑭ ᐸᑳᐧᑌᐣ ᒪᒋ ᐃᑎᐃᐧᐣ; ᐁᐊᐧᑯ ᐅᐦᒋ ᑭᓭᒪᓂᑐ, ᑭ ᑭᓭᒪᓂᑐᑦ ᐅᑎ ᑭ ᑭ ᑐᒥᓂᐠ ᒪᒪᐦᑖᑯᓯᐃᐧ ᑐᒥᓂᑲᐣ ᐅᐦᒋ ᐊᔨᐊᐧᐠ ᐃᔨᑯᕽ ᑭ ᐃᐧᒉᐋᐧᑲᓇᐠ.

[10] ᒥᓇ, ᑭᔭ ᑌᐯᔨᐦᒋᑫᔭᐣ, ᒥᒋᒫᐨ ᑭ ᑭ ᐅᔭᐢᑲᒥᑭᑎᑖᐣ ᐊᐢᑭ, ᐁᑯᓯ ᑭᓯᑲᐧ ᐁᐊᐧᑯᓂ ᐊᑐᐢᑫᐃᐧᓇ ᑭᒋᐦᒋᕽ ᐅᐦᒋ;

[11] ᑭᑕ ᓂᓯᐊᐧᓈᑕᓇᐧ; ᒫᑲ ᑭᔭ ᑫᔮᐱᐨ ᑭ ᑲ ᐃᐦᑖᐣ; ᒥᓇ ᑲᐦᑭᔭᐤ ᑭᑕ ᐊᑎ ᑲᔮᓭᓂᑲᐧᓇᐧ ᑖᐱᐢᑯᐨ ᑭᑭᐢᑳᒋᑲᐣ;

[12] ᒥᓇ ᑖᐱᐢᑯᐨ ᐊᐢᐸᑯᐣ ᑭ ᑲ ᐃᓯ ᑎᑎᐯᑭᓀᐣ, ᑖᐱᐢᑯᐨ ᑭᑭᐢᑳᒋᑲᐣ ᑭᑕ ᐋᐦᒋ ᐊᔮᐊᐧ; ᒫᑲ ᑭᔭ ᐯᔭᑲᐧᐣ ᐁᓯ ᐊᔮᔭᐣ, ᒥᓇ ᑭᐟ ᐊᐢᑭᐃᐧᓇ ᓇᒪᐃᐧᔭ ᑭᑕ ᓄᑌᐸᔨᐊᐧ.

[13] ᒫᑲ ᑖᓈᓂᐃ ᐅᑭᓯᑯᐊᐧ ᐃᐧᑳᐨ ᑳ ᐃᑖᐟ, ᐊᐱ ᐅᑕ ᓂ ᑭᐦᒋᓂᐢᑭᕽ, ᐃᔨᑯᕽ ᑭ ᐃᓯᐊᑳᐧᐃᐧ ᑭ ᓄᑎᓈᑲᓇᐠ ᑭᑕ ᐅᐟ ᐊᐢᐱᓯᑌᓯᒧᓂᔭᐣ?

[14] ᓇᒪ ᒋ ᑲᐦᑭᔭᐤ ᐸᒥᐢᑖᑫᐃᐧ ᐊᐦᒑᐦᑯᐃᐧᐊᐧᐠ ᐁ ᓵᓯᐯᐧᑎᓴᐅᐦᒋᐠ ᑭᑕ ᐸᒥᐦᐋᒋᐠ ᐊᓂᐦᐃ ᑫ ᐊᔮᔨᐟ ᐱᒫᒋᐃᑯᐃᐧᐣ?