[1] سونرا رب موسا ائله دانیشیب اونا بله ددی:
[2] «ائسرایئل اؤولادلارینین قئصاصینی مئدیانلی‌لاردان آل. اوندان سونرا اؤلوب اؤز خالقینا قوشولاجاقسان.»
[3] موسا خالقلا دانیشیب اونلارا بله ددی: «دؤیوش اوچون آرانیزدان بعضی آداملاری سئلاحلاندیرین کی، مئدیانلی‌لارلا دؤیوشه چیخیب، ربّئن قئصاصینی اونلاردان آلسینلار.
[4] ائسرایئل قبئله‌لرئنئن هر بئرئندن مئن نفر دؤیوشه گؤندَ‌رئن.»
[5] بله‌جه، ائسرایئلئن طایفالاریندان، هر قبئله‌دن مئن نفر اولماقلا دؤیوشه حاضیر اون ائکی مئن نفر سچئلدی.
[6] موسا هر قبئله‌دن مئن نفری کاهئن اِلعازارین اوغلو پئنِخاسلا بئرلئکده دؤیوشه گؤندَ‌ردی. پئنِخاس اؤزو ائله موقدّس یره عایید بعضی اشیالاری و خبردارلیق اتمک اوچون کَره‌نایلاری گؤتوردو.
[7] اونلار ربّئن موسایا امر اتدئیی کئمی مئدیانلی‌لارلا دؤیوشوب بوتون کئشئلری قیردیلار.
[8] اونلار باشقا اؤلدورولَنلرله مئدیان پادشاهلارینی دا اؤلدوردولر: اِوی، رِقِم، صور، خور و رِبَع، بش مئدیان پادشاهی. پِعور اوغلو بَلعامی دا قیلینجلا اؤلدوردولر.
[9] سونرا ائسرایئل اؤولادلاری مئدیان آروادلاری ائله اوشاقلارینی اسئر گؤتوروب، اونلارین بوتون مال-حیوانلارینی و سورولرئنی، بوتون اشیالارینی تالان اتدئلر.
[10] سونرا مئدیانلی‌لارین یاشادیقلاری بوتون شهرلره و اوبالارا اود ووردولار.
[11] ائنسانلاری، حیوانلاری، بوتون قنئمتی، و تالان ماللارینی گؤتوردولر.
[12] اسئرلری، قنئمتی و تالان ماللارینی اوردون چایینین شرقئنده، اَرئحانین موقابئلئنده، موآب اووالارینداکی دوشَرگه‌ده موسا ائله کاهئن اِلعازارین و ائسرایئل اؤولادلارینین بوتون جاماعاتی یانینا گتئردئلر.
[13] موسا، کاهئن اِلعازار و جاماعات رهبرلری دوشَرگه‌نئن کنارینا چیخدیلار کی، اونلاری پئشواز اتسئنلر.
[14] موسا دؤیوشدن قاییدان سرکرده‌لره، مئن‌باشی‌لارا، و یوزباشی‌لارا قضبله‌نئب
[15] اونلارا ددی: «بوتون آروادلاری صاغ ساخلاییبسینیز؟
[16] باخ، بونلار همئن آروادلاردیر کی، بَلعامین وردئیی نصئحته قولاق آسیب، پِعور حادئثه‌سئنده ائسرایئل اؤولادلارینین ربّه اهانت اتمه‌سئنه سبب اولدولار. اونا گؤره ده ربّئن جاماعاتی آراسینا وبا دوشدو.
[17] ائندی بوتون اوغلان اوشاقلارینی و کئشی ائله یاخینلیق اتمئش آروادلاری اؤلدورون.
[18] فقط کئشی ائله یاخینلیق اتمه‌مئش قیزلاری اؤزونوز اوچون صاغ ساخلایین.
[19] دوشَرگه‌نئن کناریندا یدّی گون قالین؛ هر کس کی، آدام اؤلدوروب یا دا مِیئته توخونوب. اوچونجو و یدّئنجی گون اؤزونوزو، هم ده اسئرلرئنئزی تمئز ادئن.
[20] هر پالتاری، دَرئدن، کچی توکوندن و آغاجدان دوزَ‌لَن نه وارسا، هامیسینی تمئز ادئن.»
[21] بوندان سونرا کاهئن اِلعازار دؤیوشدن قاییدان عسگرلره ددی: «ربّئن موسایا امر اتدئیی قانونون قایداسی بله‌دئر.
[22] آنجاق قیزیلی، گوموشو، بورونجو، دَمئری، قالایی، قورغوشونو،
[23] اودا داواملی اولان هر شیی آلوودان کچئردئن کی، تمئز ساییلسین. لاکئن پاکلاما سویو ائله ده پاکلانسین. آمّا اودا داوامسیز اولان شیلری سودان کچئردئن.
[24] یدّئنجی گون پالتارلارینیزی یویون، اوندا تمئز اولارسینیز، سونرا دوشَرگه‌یه گئرئن.»
[25] رب موسا ائله دانیشیب اونا ددی:
[26] «سن، کاهئن اِلعازار و جاماعاتین طایفا باشچیلاری اَله کچئردئلن تالان ماللارینی هم ائنسانلاری، هم ده حیوانلاری، سایین.
[27] تالان ماللارینی دؤیوشه چیخان ائگئدلرله جاماعاتین قالان قئسمی آراسیندا یاری بؤلون.
[28] دؤیوشه گدن ائگئدلره دوشَن ائنسان، مال-حیوان، اِششَک، قویون-کچی پاییندان ورگی اولاراق بش یوزده بئرئنی ربّه آییرین.
[29] بو ورگئنی ائگئدلره بؤلونن پایدان گؤتوروب، ربّه بئر تقدئم اولاراق کاهئن اِلعازارا ورئن.
[30] او بئری ائسرایئل اؤولادلارینا دوشَن پایدان ائنسان، مال-حیوان، اِششَک، قویون-کچی و باشقا حیوانلاردان اَلّئده بئرئنی گؤتوروب ربّئن خیمه‌سئنده خئدمت ادن لاوئلی‌لره ورئن.»
[31] موسا و کاهئن اِلعازار ربّئن موسایا امر اتدئیی کئمی عمل اتدئلر.
[32] دؤیوشه گدن ائگئدلرئن گؤتوردویو تالان مالیندان بو قنئمتلر قالمیشدی: ۶۷۵۰۰۰ قویون،
[33] ۷۲۰۰۰ مال-حیوان،
[34] ۶۱۰۰۰ اِششَک،
[35] کئشی ائله یاخینلیق اتمه‌مئش قیزلارین سایی ۳۲۰۰۰ ائدی.
[36] بونلارین یاریسی دؤیوشه گدن ائگئدلره پای دوشدو: قویون-کچئنئن سایی ۳۳۷۵۰۰،
[37] بونلاردان ربّه ورگی ورئلن ۶۷۵ قویون-کچی ائدی؛
[38] مال-حیوانین سایی ۳۶۰۰۰ ائدی کی، بونلاردان ۷۲ مال-حیوان ربّه ورگی اولاراق آیریلدی؛
[39] اِششَکلرئن سایی ۳۰۵۰۰ ائدی کی، بونلاردان ۶۱ اِششَک ربّه ورگی اولاراق آیریلدی؛
[40] آداملارین سایی ۱۶۰۰۰ نفر ائدی کی، بونلاردان ۳۲ نفر ربّه ورگی اولاراق آیریلدی.
[41] موسا ربّئن اونا امر اتدئیی کئمی، ربّه ورگی اولاراق آیریلانلاری کاهئن اِلعازارا وردی.
[42] موسانین دؤیوشه گدن ائگئدلردن آییردیغیندان ائسرایئل اؤولادلارینا دوشَن پایین یاریسی بونلاردیر:
[43] جاماعاتا دوشَن یاری پای ۳۳۷۵۰۰ قویون-کچی،
[44] ۳۶۰۰۰ مال-حیوان،
[45] ۳۰۵۰۰ اِششَک،
[46] ۱۶۰۰۰ ائنسان.
[47] موسا ائسرایئل اؤولادلارینین پاییندان هر اَلّی نفردن و هر اَلّی حیواندان بئرئنی سچئب ربّئن خیمه‌سئنده خئدمت ادن لاوئلی‌لره وردی؛ نجه کی، رب موسایا امر اتمئشدی.
[48] قوشون بؤلمه‌لرئنده حؤکم ورن سرکرده‌لر، مئن‌باشی‌لار و یوزباشی‌لار موسانین یانینا گدئب،
[49] ددئلر: «بئز، قوللارین، حؤکم اتدئیئمئز دؤیوشچولرئن سایینی بئلدئک. بئزدن هچ کئم اَسکئک دیئلدئر.
[50] اونا گؤره ده هر کَسئن تاپدیغی موختلئف قیزیل اشیالاری - بازوبندلری، دَستبَندلری، اوزوکلری، گوشوارالاری، بویونباغی‌لاری تقدئم اولاراق ربّه گتئردئک کی، ربّئن قاباغیندا اؤزوموز اوچون کفّاره اِدَک.»
[51] موسا ائله کاهئن اِلعازار قیزیلی و هر جور بَزَک اشیالارینی اونلاردان آلدیلار؛
[52] مئن‌باشی‌لاردان و یوزباشی‌لاردان ربّه تقدئم گتئرئلن قیزیل ۱۶۷۵۰ شِکِل آغیرلیغیندا ائدی.
[53] دؤیوشه گدن ائگئدلرئن هر بئری اؤزلری اوچون تالان ادئلمئش مالدان گؤتورموشدو.
[54] موسا ائله کاهئن اِلعازار مئن‌باشی‌لاردان و یوزباشی‌لاردان قیزیلی آلیب، ائسرایئل اؤولادلاری اوچون ربّئن قاباغیندا بئر خاطئره اولاراق حوضور چادیرینا گتئردئلر.