[1] رب موسا و هارونلا دانیشیب اونلارا ددی:
[2] «ائسرایئل اؤولادلاری حوضور چادیرینی اَحاطه ادئب، بئر آز کناردا، هر بئری اؤز بایراغینین آلتیندا آتالارینین اِو اَهلئنئن نئشانی ائله دوشَرگه سالسینلار.
[3] شرق طرفئنده، گون دوغان طرف او بؤلوکلر کی، یهودا اوردوگاهینا عاییددیرلار، اؤز بایراغینین آلتیندا دوشَرگه سالسینلار. یهودالی‌لارین رهبری عَمّئناداب اوغلو نَخشون اولسون.
[4] یهودا اوردوسوندا ۷۴۶۰۰ نفر سئیاهی‌یا آلیندی.
[5] اونون یانیندا دوشَرگه سالانلار یئسّاکار قبئله‌سی اولاجاق. یئسّاکارلی‌لارین رهبری صوعَر اوغلو نِته‌نِل اولسون.
[6] اونون اوردوسوندان ۵۴۴۰۰ نفر سئیاهی‌یا آلیندی.
[7] سونرا زِبولون قبئله‌سی دوشَرگه سالاجاق. زِبولون اؤولادلارینین رهبری خِلون اوغلو اِلئآب اولسون.
[8] اونون اوردوسوندان ۵۷۴۰۰ نفر سئیاهی‌یا آلیندی.
[9] یهودا اوردوگاهیندان بؤلوکلرئنه گؤره بوتون ساییلانلار ۱۸۶۴۰۰ نفر ائدی. اونلار بئرئنجی کؤچه‌جکلر.
[10] جنوب طرفئنده او بؤلوکلر کی، رِعوبئن اوردوگاهینا عاییددیرلار، اؤز بایراغینین آلتیندا دوشَرگه سالاجاقلار. رِعوبئنلی‌لرئن رهبری شِدِه‌اور اوغلو اِلئصور اولسون.
[11] رِعوبئن اوردوسوندان ۴۶۵۰۰ نفر سئیاهی‌یا آلیندی.
[12] اونون یانیندا دوشَرگه سالانلار شَمعون قبئله‌سی اولاجاق. شَمعونلولارین رهبری صورئشَدّای اوغلو شِلومئیِل اولسون.
[13] اونون اوردوسوندان ۵۹۳۰۰ نفر سئیاهی‌یا آلیندی.
[14] سونرا جاد قبئله‌سی دوشَرگه سالاجاق. جادلی‌لارین رهبری دِعواِل اوغلو اِلیاساف اولسون.
[15] اونون اوردوسوندان ۴۵۶۵۰ نفر سئیاهی‌یا آلیندی.
[16] رِعوبئن اوردوگاهیندان فوجلارینا گؤره ساییلانلارین جَمی ۱۵۱۴۵۰ نفر ائدی. ائکئنجی اونلار کؤچه‌جکلر.
[17] سونرا حوضور چادیری یولا دوشسون و لاوئلی‌لرئن دوشَرگه‌سی، دوشَرگه‌لرئن اورتاسیندا اولسون. هَره نجه دوشَرگه سالیب، همئن نئظاملا، اؤز بایراغی آلتیندا یولا دوشسون.
[18] قرب طرفئنده او بؤلوکلر کی، اِفرایئم اوردوگاهینا عاییددیرلار، اؤز بایراغینین آلتیندا دوشَرگه سالاجاقلار. اِفرایئملی‌لرئن رهبری عَمّئهود اوغلو اِلئشاماع اولسون.
[19] اِفرایئم اوردوسوندان ۴۰۵۰۰ نفر سئیاهی‌یا آلیندی.
[20] اونون یانیندا مِنَسّه قبئله‌سی اولاجاق. مِنَسّه‌لی‌لرئن رهبری پِدَهصور اوغلو گَملی‌اِل اولسون.
[21] اونون اوردوسوندان ۳۲۲۰۰ نفر سئیاهی‌یا آلیندی.
[22] سونرا بِنیامئن قبئله‌سی دوشَرگه سالاجاق. بِنیامئنلی‌لرئن رهبری گئدعونی اوغلو اَبئدان اولسون.
[23] اونون اوردوسوندان ۳۵۴۰۰ نفر سئیاهی‌یا آلیندی.
[24] اِفرایئم اوردوگاهیندان فوجلارینا گؤره ساییلانلارین جَمی ۱۰۸۱۰۰ نفر ائدی. اوچونجو اونلار کؤچه‌جکلر.
[25] شئمال طرفئنده او بؤلوکلر کی، دان اوردوگاهینا عاییددیرلار، اؤز بایراغینین آلتیندا دوشَرگه سالاجاقلار. دانلی‌لارین رهبری عَمّئشَدّای اوغلو اَخئعِزِر اولسون.
[26] دان اوردوسوندان ۶۲۷۰۰ نفر سئیاهی‌یا آلیندی.
[27] اونون یانیندا دوشَرگه سالانلار آشِر قبئله‌سی اولاجاق. آشِرلی‌لرئن رهبری عوکران اوغلو پَگعی‌اِل اولسون.
[28] اونون اوردوسوندان ۴۱۵۰۰ نفر سئیاهی‌یا آلیندی.
[29] سونرا نَفتالی قبئله‌سی دوشَرگه سالاجاق. نَفتالی‌لرئن رهبری عِینان اوغلو اَخئرَع اولسون.
[30] اونون اوردوسوندان ۵۳۴۰۰ نفر سئیاهی‌یا آلیندی.
[31] دان اوردوگاهیندان جَمی ۱۵۷۶۰۰ نفر سئیاهی‌یا آلیندی. اؤز بایراقلارینین آلتیندا لاپ آخیری اونلار کؤچه‌جکلر.»
[32] ائسرایئل اؤولادلاریندان آتالارینین اِو اَهلئنه گؤره سئیاهی‌یا آلینانلار بونلاردیر. اوردوگاهلاردان بؤلوکلرئنه گؤره جَمی ۶۰۳۵۵۰ نفر سئیاهی‌یا آلیندی.
[33] آنجاق ربّئن موسایا امر اتدئیی کئمی، لاوئلی‌لر او بئری ائسرایئل اؤولادلاری ائله بئرلئکده سئیاهی‌یا آلینمادیلار.
[34] ائسرایئل اؤولادلاری ربّئن موسایا امر اتدئیی هر شیی یرئنه یتئردئلر. بایراقلارینین آلتیندا بله دوشَرگه سالدیلار و هر کس اؤز عایئله‌سی ائله آتاسینین اِو اَهلئنه گؤره بله یولا دوشدو.