[1] یدّئنجی آیین بئرئنجی گونونده موقدّس ییغین کچئردئن، هچ بئر گونده‌لئک ائشلرئنئزی گؤرمه‌یئن. او گون سئزئن اوچون کَره‌نای چالما گونو اولاجاق.
[2] ربّئن خوشونا گلن عطئرلی تقدئمئنی یاندیرما قوربانی اولاراق تقدئم ادئن: بئر گامیش، بئر قوچ و عیبسئز بئر ائلّئک یدّی اِرکَک قوزو.
[3] گامیش اوچون تاخیل تقدئملری اولاراق یاغلا قاتیلمیش اوندا اوچ اِفا، قوچ اوچون اوندا ائکی اِفا،
[4] یدّی قوزودان هر قوزو اوچون اوندا بئر اِفا نارین اون تقدئم ادئن.
[5] اؤزونوزو کفّاره اتمک اوچون، گوناه قوربانی اولاراق، بئر اِرکَک کچی ده تقدئم ادئن.
[6] بونلار، قایدالارینا گؤره، تزه آی اوچون اولان یاندیرما قوربانی و اونون تاخیل تقدئمئندن، دائمی یاندیرما قوربانی و اونون تاخیل تقدئمئندن، و اونلارین مایع تقدئملرئندن علاوه اولاجاق. بو، اودلا تقدئم اولونان، ربّئن خوشونا گلن عطئرلی قورباندیر.
[7] همئن یدّئنجی آیین اونوندا موقدّس ییغین کچئردئن؛ اؤزونوزو هر شیدن محروم ادئن و هچ بئر ائش گؤرمه‌یئن.
[8] ربّه خوش عطئر اولاراق یاندیرما قوربانی تقدئم ادئن: بئر گامیش، بئر قوچ، بئر-ائلّئک یدّی اِرکَک قوزو. اونلار عیبسئز اولمالی‌دیر.
[9] گامیش اوچون تاخیل تقدئملری اولاراق یاغلا قاتیلمیش اوندا اوچ اِفا، قوچ اوچون اوندا ائکی اِفا،
[10] یدّی قوزودان هر قوزو اوچون اوندا بئر اِفا نارین اون تقدئم ادئن.
[11] گوناه قوربانی اولاراق بئر اِرکَک کچی ده تقدئم ادئن. بونلاری کفّاره اوچون اولان گوناه قوربانیندان، دائمی یاندیرما قوربانی و اونون تاخیل تقدئمی و مایع تقدئملرئندن علاوه تقدئم ادئن.
[12] یدّئنجی آیین اون بشئنجی گونونده موقدّس ییغین کچئردئن؛ هچ بئر گونده‌لئک ائشلرئنئزی گؤرمه‌یئن. ربّه یدّی گون بایرام توتون.
[13] ربّئن خوشونا گلن عطئرلی تقدئمی یاندیرما قوربانی اولاراق، اودلا تقدئم اولونان قوربان تقدئم ادئن: سورودن اون اوچ گامیش، ائکی قوچ و بئر-ائلّئک اون دؤرد اِرکَک قوزو. اونلار عیبسئز اولمالی‌دیر.
[14] هر گامیش اوچون تاخیل تقدئملری اولاراق یاغلا قاتیلمیش اوندا اوچ اِفا، هر قوچ اوچون اوندا ائکی اِفا،
[15] اون دؤرد قوزودان هر قوزو اوچون اوندا بئر اِفا نارین اون گتئرئن.
[16] گوناه قوربانی اولاراق اِرکَک بئر کچی ده تقدئم ادئن. بونلاری دائمی یاندیرما قوربانی ائله تاخیل و مایع تقدئمئندن علاوه اولاراق تقدئم ادئن.
[17] ائکئنجی گون: اون ائکی گامیش، ائکی قوچ، بئر ائلّئک عیبسئز اون دؤرد اِرکَک قوزو.
[18] گامیش، قوچ و قوزولارین سایینا گؤره اونلارین لازیمی تاخیل تقدئمئنی و مایع تقدئملرئنی اؤز قایدالارینا گؤره گتئرئن.
[19] گوناه قوربانی اولاراق بئر اِرکَک کچی ده تقدئم ادئن. بونلاری دائمی یاندیرما قوربانی و اونون تاخیل تقدئمئندن و مایع تقدئملرئندن علاوه اولاراق تقدئم ادئن.
[20] اوچونجو گون: اون بئر گامیش، ائکی قوچ، بئر ائلّئک عیبسئز اون دؤرد اِرکَک قوزو.
[21] گامیش، قوچ و قوزولارین سایینا گؤره لازیمی تاخیل و مایع تقدئملرئنی اؤز قایدالارینا گؤره گتئرئن.
[22] گوناه قوربانی اولاراق بئر اِرکَک کچی ده تقدئم ادئن. بونلاری دائمی یاندیرما قوربانی ائله تاخیل و مایع تقدئملرئندن علاوه اولاراق تقدئم ادئن.
[23] دؤردونجو گون: اون گامیش، ائکی قوچ، بئر-ائلّئک عیبسئز اون دؤرد اِرکَک قوزو.
[24] گامیش، قوچ و قوزولارین سایینا گؤره اونلارین لازیمی تاخیل و مایع تقدئملرئنی اؤز قایدالارینا گؤره تقدئم ادئن.
[25] گوناه قوربانی اولاراق بئر اِرکَک کچی ده تقدئم ادئن. بونلاری دائمی یاندیرما قوربانی ائله تاخیل و مایع تقدئملرئندن علاوه اولاراق تقدئم ادئن.
[26] بشئنجی گون: دوقّوز گامیش، ائکی قوچ، بئر-ائلّئک عیبسئز اون دؤرد اِرکَک قوزو.
[27] گامیش، قوچ و قوزولارین سایینا گؤره لازیمی تاخیل و مایع تقدئملرئنی اؤز قایدالارینا گؤره تقدئم ادئن.
[28] گوناه قوربانی اولاراق بئر اِرکَک کچی ده تقدئم ادئن. بونلاری دائمی یاندیرما قوربانی ائله تاخیل و مایع تقدئملرئندن علاوه اولاراق تقدئم ادئن.
[29] آلتینجی گون: سکّئز گامیش، ائکی قوچ، بئر-ائلّئک عیبسئز اون دؤرد اِرکَک قوزو.
[30] گامیش، قوچ و قوزولارین سایینا گؤره اونلارین لازیمی تاخیل و مایع تقدئملرئنی اؤز قایدالارینا گؤره گتئرئن.
[31] گوناه قوربانی اولاراق بئر اِرکَک کچی ده تقدئم ادئن. بونلاری دائمی یاندیرما قوربانی ائله تاخیل و مایع تقدئملرئندن علاوه تقدئم ادئن.
[32] یدّئنجی گون: یدّی گامیش، ائکی قوچ، بئر-ائلّئک عیبسئز اون دؤرد اِرکَک قوزو.
[33] گامیش، قوچ و قوزولارین سایینا گؤره اونلارین لازیمی تاخیل و مایع تقدئملرئنی اؤز قایدالارینا گؤره گتئرئن.
[34] گوناه قوربانی اولاراق بئر اِرکَک کچی ده تقدئم ادئن. بونلاری دائمی یاندیرما قوربانی ائله تاخیل و مایع تقدئملرئندن علاوه تقدئم ادئن.
[35] سکّئزئنجی گون اؤزونوز اوچون بایرام ادئن؛ هچ بئر گونده‌لئک ائشلرئنئزی گؤرمه‌یئن.
[36] ربّئن خوشونا گلن عطئرلی تقدئم اولان یاندیرما قوربانی، اودلا تقدئم اولونان قوربان تقدئم ادئن: بئر گامیش، بئر قوچ و بئر-ائلّئک عیبسئز یدّی اِرکَک قوزو.
[37] گامیش، قوچ و قوزولارین سایینا گؤره اونلارین لازیمی تاخیل و مایع تقدئملرئنی اؤز قایدالارینا گؤره گتئرئن.
[38] گوناه قوربانی اولاراق بئر اِرکَک کچی ده تقدئم ادئن. بونلاری دائمی یاندیرما قوربانی ائله تاخیل و مایع تقدئملرئندن علاوه تقدئم ادئن.
[39] بونلاری تعیئن اولونموش واختلاردا گرک ربّه تقدئم اده‌سئنئز. بونلار سئزئن نذئرلر و اؤز گؤیلونوزله گتئردئیئنئز تقدئملردن، یاندیرما قوربانلارینیز، تاخیل تقدئملرئنئز، مایع تقدئملرئنئز و باریش قوربانلارینیزدان علاوه اولاجاق.“»
[40] موسا ربّئن اونا امر اتدئیی هر شیی ائسرایئل اؤولادلارینا بئلدئردی.