[1] رب موسا ائله دانیشیب اونا ددی:
[2] «ائسرایئل اؤولادلارینا امر ادئب دِه: ”دئقّت ادئن کی، منه اولان تقدئمی، تقدئم اولونان قوربانلاریم اوچون یمه‌یئمی، و منئم خوشوما گلن عطئرلی تقدئملری، موعیّن واختلاردا تقدئم اده‌سئنئز.“
[3] اونلارا دِه: ”ربّه وره‌جیئنئز اودلا تقدئم اولونان قوربان بودور: دائمی یاندیرما قوربانی اولاراق هر گون بئر-ائلّئک عیبسئز ائکی اِرکَک قوزو.
[4] قوزولاردان بئرئنی سحر، او بئرئنی آمّا آخشامچاغی تقدئم ادئن.
[5] هم ده تاخیل تقدئمی اولاراق دؤردده بئر هئن سیخیلمیش یاغلا قاتیلمیش اِفانین اوندا بئری نارین اون تقدئم ادئن.
[6] بو، دائمی یاندیرما قوربانی، سئنا داغیندا بویورولان، ربّئن خوشونا گلن اودلا تقدئم اولونان عطئرلی قورباندیر.
[7] هر قوزو ائله بئرلئکده اولان مایع تقدئمی دؤردده بئر هئن اولاجاق. کفلندئرن ائچکئنی ربّه موقدّس یرده تؤکون.
[8] او بئری قوزونو آخشامچاغی تقدئم ادئن. سحرکی کئمی تاخیل تقدئمی و مایع تقدئمی ائله بئرلئکده اونو تقدئم ادئن. بو، اودلا تقدئم اولونان، ربّئن خوشونا گلن عطئرلی قورباندیر.
[9] سَبّت گونونده بئر-ائلّئک عیبسئز ائکی اِرکَک قوزو، و تاخیل تقدئمی اولاراق یاغلا قاتیلمیش اوندا ائکی اِفا نارین اون و اونون مایع تقدئمئنی تقدئم ادئن.
[10] دائمی یاندیرما قوربانی و اونون مایع تقدئمئندن علاوه، هر سَبّتئن یاندیرما قوربانی اولان تقدئم بودور.
[11] هر آیین باشیندا ربّه یاندیرما قوربانی اولاراق ائکی گامیش و بئر قوچ، بئر-ائلّئک عیبسئز یدّی اِرکَک قوزو تقدئم ادئن.
[12] هر گامیش اوچون تاخیل تقدئمی اولاراق یاغلا قاتیلمیش اوندا اوچ اِفا نارین اون و تک قوچ اوچون تاخیل تقدئمی اولاراق یاغلا قاتیلمیش اوندا ائکی اِفا نارین اون؛
[13] هر قوزو اوچون تاخیل تقدئمی اولاراق یاغلا قاتیلمیش اوندا بئر اِفا نارین اون تقدئم ادئن. بو یاندیرما قوربانی، اودلا تقدئم اولونان، ربّئن خوشونا گلن عطئرلی قورباندیر.
[14] اونلارین مایع تقدئملری، بئر گامیش اوچون یاریم هئن شراب، قوچ اوچون اوچده بئر هئن، و بئر قوزو اوچون دؤردده بئر هئن. بودور یاندیرما قوربانی کی، ائل بویو هر تزه آیدا ورئله‌جک.
[15] دائمی یاندیرما قوربانی و اونون مایع تقدئمئندن علاوه ربّه گوناه تقدئمی اولاراق بئر اِرکَک کچی ده تقدئم ادئن.
[16] بئرئنجی آیین اون دؤردونجو گونو ربّئن پاسخا بایرامی‌دیر.
[17] بو آیین اون بشئنجی گونو بایرام اولسون. یدّی گون مایاسیز چؤرک ییئلسئن.
[18] بئرئنجی گون موقدّس ییغین کچئردئن؛ گونده‌لئک ائشلرئنئزی گؤرمه‌یئن.
[19] ربّه اودلا تقدئم اولونان قوربان، یاندیرما قوربانی اولاراق ائکی گامیش، بئر قوچ و بئر-ائلّئک یدّی اِرکَک قوزو تقدئم ادئن؛ هامیسی عیبسئز اولسون.
[20] هر گامیش اوچون تاخیل تقدئمی اولاراق یاغلا قاتیلمیش اوندا اوچ اِفا نارین اون، قوچ اوچون اوندا ائکی،
[21] یدّی قوزودان هر قوزو اوچون اوندا بئر اِفا تقدئم ادئن.
[22] اؤزونوزو کفّاره اتمک اوچون گوناه قوربانی اولاراق بئر اِرکَک کچی تقدئم ادئن.
[23] هر سحر تقدئم اده‌جیئنئز دائمی یاندیرما قوربانینا علاوه اولاراق، بونلاری دا تقدئم ادئن.
[24] بله‌جه، هر گون ربّئن اودلا تقدئم اولونان قوربانین یمه‌یئنی، اونون خوشونا گلن عطئرلی تقدئمی یدّی گون تقدئم ادئن. دائمی یاندیرما قوربانی ائله مایع تقدئمئنه علاوه اولاراق تقدئم ادئن.
[25] یدّئنجی گون موقدّس ییغین کچئردئن، گونده‌لئک ائشلرئنئزی گؤرمه‌یئن.
[26] نوبارین ییغیلما گونو هفته‌لر بایرامینیزدا ربّه تزه تاخیل تقدئمی گتئرنده موقدّس ییغین کچئردئن، گونده‌لئک ائشلرئنئزی گؤرمه‌یئن.
[27] ربّئن خوشونا گلن عطئرلی تقدئمئنی یاندیرما قوربانی اولاراق ائکی گامیش، بئر قوچ و بئر-ائلّئک یدّی اِرکَک قوزو تقدئم ادئن.
[28] هر گامیش اوچون تاخیل تقدئمی اولاراق یاغلا قاتیلمیش اوندا اوچ اِفا، تک قوچ اوچون اوندا ائکی اِفا،
[29] یدّی قوزودان هر قوزو اوچون اوندا بئر اِفا نارین اون تقدئم ادئن.
[30] اؤزونوزو کفّاره اتمک اوچون بئر اِرکَک کچی ده تقدئم ادئن.
[31] دائمی یاندیرما قوربانی و اونون تاخیل تقدئمئندن علاوه، اونلاری اونلارین مایع تقدئملری ائله تقدئم ات. اونلار عیبسئز اولمالی‌دیر.