[1] او زامان شاگئردلر عئسانین یانینا گلئب ددئلر: «گؤیلرئن پادشاهلیغیندا لاپ بؤیوک کئمدئر؟»
[2] عئسا بئر اوشاغی یانینا چاغیردی و اونو اورتایا قویوب،
[3] ددی: «دوغروسونو سئزه دیئرم، اگر سئز دؤنوب کؤرپه اوشاقلار کئمی اولمایاسینیز، گؤیلرئن پادشاهلیغینا اصلا گئره بئلمزسئنئز.
[4] اونا گؤره، کئم اؤزونو بو اوشاق کئمی آلچاق اِتسه، گؤیلرئن پادشاهلیغیندا لاپ بؤیوک اودور.
[5] و کئم بله بئر اوشاغی منئم آدیمین خاطئری اوچون قبول اتسه، منی قبول اتمئش اولور.
[6] آمّا کئم منه ائنانان بو کئچئکلردن بئرئنی بودره‌تسه، اونون اوچون داها یاخشی اولار کی، بوینونا ائری بئر دیئرمان داشی آسیب، دهنزئن دئبئنه آتیلسین.
[7] ائنسانلاری بودره‌دن شیلر اوچون وای بو دونیانین حالینا! بله شیلرئن گلمه‌سی گرکدئر، لاکئن وای او آدامین حالینا کی، بو شیلر اونون واسئطه‌سئله گلئر.
[8] اگر اَلئن، یا دا آیاغین سنی پئس یولا چکئر، اونو کس و اؤزوندن آت؛ سنئن اوچون توپال یا دا چولاق حیاتا گئرمک، ابدی اودا ائکی اَل یا دا ائکی آیاقلی آتیلماقدان داها یاخشی‌دیر.
[9] اگر گؤزون سنی پئس یولا چکئر، اونو چیخارت و اؤزوندن آت؛ سنئن اوچون حیاتا تک گؤزلو گئرمک، جهنّم اودونا ائکی گؤزلو آتیلماقدان داها یاخشی‌دیر.
[10] دئقّت ادئن کی، بو کئچئکلردن بئرئنه بله حقارتله باخمایاسینیز. چونکی سئزه دیئرم، گؤیده، اونلارین ملکلری، گؤیده اولان آتامین اوزونو دائم گؤرورلر.
[11] چونکی ائنسان اوغلو گلئب کی، ائتمئش اولانلاری نئجات ورسئن.
[12] سئز نه گومان ادئرسئنئز؟ اگر بئر آدامین یوز قویونو اولسا و اونلاردان بئری یولونو آزسا، مگر دوخسان‌دوقّوزونو داغلاردا قویوب، ائتمئش قویونو آختارماغا گتمز؟
[13] و اگر اونو تاپا بئلسه، دوغروسونو سئزه دیئرم، او، یولونو آزمایان دوخسان‌دوقّوزوندان داها چوخ، اونون اوچون سوئنر.
[14] بله‌جه ده، گؤیلرده‌کی آتانیزین اله بئر ائسته‌یی یوخدور کی، بو کئچئکلردن بئری هلاک اولسون.
[15] اگر قارداشین سنئن حاقّیندا خاطا اتسه، گت و خاطاسینی اونا گؤرسد. هر شی آنجاق اؤز آرانیزدا قالسین. اگر سنه قولاق آسسا، قارداشینی قازانیبسان.
[16] آمّا اگر قولاق آسماسا، یانینا داها بئر و یا ائکی نفر آل کی، دیئلن هر سؤز ائکی و یا اوچ شاهئدئن آغزی ائله تصدئق اولونسون.
[17] و اگر اونلارین سؤزونه قولاق آسماق ائستمه‌سه، کئلئسایا ده. اگر کئلئسانین سؤزونه ده قولاق آسماق ائستمه‌سه، قوی او سنئن اوچون بوتپرست و یا باج ییغان کئمی اولسون.
[18] دوغروسونو سئزه دیئرم؛ یر اوزونده باغلادیغینیز هر شی، گؤیده باغلانمیش اولاجاق. و یر اوزونده آچدیغینیز هر شی، گؤیده آچیلمیش اولاجاق.
[19] سئزه گئنه دیئرم کی، اگر سئزدن ائکی نفر یر اوزونده ائستیه‌جکلری هر هانسی بئر شی اوچون موتّفئق اولالار، گؤیلرده اولان آتام اونلار اوچون اده‌جک.
[20] چونکی هارادا ائکی و یا اوچ نفر منئم آدیمدا بئر یره ییغیلسالار، من اورادا، اونلارین آراسیندایام.»
[21] او زامان پطروس گلئب عئسایا ددی: «یارب، قارداشیم منئم حاقّیمدا نچه دفه خاطا اتسه، اونو باغیشلامالی‌یام، یدّی دفه؟»
[22] عئسا اونا ددی: «سنه دیئرم: یدّی دفه یوخ، یتمئش دفه یدّی دفه!
[23] چونکی گؤیون پادشاهلیغی او پادشاها بنزه‌ر کی، نؤکرلری ائله حسابلاشماق ائسته‌دی.
[24] حسابلاشماغا باشلادیغی زامان، اونون یانینا بئر نؤکر گتئرئلدی کی، اون مئن تالانت بورجو وار ائدی.
[25] بورجونو ورمه‌یه بئر شیی اولمادیغی اوچون، آغاسی امر وردی کی، او، آروادی و اوشاقلاری و بوتون وار-یوخو ساتیلسین و بورجو گری آلینسین.
[26] او زامان نؤکر یره دوشدو و اونا سجده ادئب ددی: ”منه مؤهلت ور، بورجومون هامیسینی وره‌رم.“
[27] آغاسینین قولا رحمی گلدی. اونو آزاد ادئب، بورجونو دا باغیشلادی.
[28] آمّا او نؤکر چؤله چیخیب، اونا یوز دئنار بورجلو اولان بئر یولداشینی تاپدی. اونو یاخالادی و بوغازیندان یاپیشیب ددی: ”بورجونو ور!“
[29] یولداشی آیاقلارینا دوشوب یالواردی: ”منه مؤهلت ور، بورجومو وره‌رم.“
[30] لاکئن نؤکر قبول اتمه‌یئب، بورجونو وره‌نه قدر اونو زئندانا سالدیردی.
[31] بو آدامین یولداشلاری، باش وِرَن حادئثه‌نی گؤرن واخت، چوخ پرت اولدولار و گدئب بوتون اولانلاری آغالارینا خبر وردئلر.
[32] او زامان آغاسی نؤکری یانینا چاغیریب، ددی: ”ای پئس نؤکر، یالواردیغین اوچون بوتون او بورجو سنه باغیشلادیم.
[33] من سنه رحم اتدئیئم کئمی، مگر سن ده یولداشینا رحم اتمه‌لی دیئلدئن؟!“
[34] و قضبله‌نئب بوتون بورجونو وره‌نه قدر، اونو ائشکنجه ورنلرئن الئنه وردی.
[35] گؤیده اولان آتام دا سئزه اله اده‌جک، اگر سئزلردن هر بئرئنئز ده قارداشینیزین خاطاسینی اورَکدن باغیشلامایاسینیز.»