[1] عئسا آلتی گوندن سونرا پطروس، یعقوب، و قارداشی یوحنّانی اؤزو ائله گؤتوروب، اونلاری آیریجا اوجا بئر داغین باشینا آپاردی.
[2] اونلارین قاباغیندا عئسانین گؤرونوشو دیئشئلدی؛ اوزو گون کئمی پارلادی و پالتاری ائشیق کئمی آغ اولدو.
[3] بئردن شاگئردلرئن گؤزونه عئسا ائله موسا و ائلیا گؤروندولر. اونلار عئسا ائله صؤحبت ادئردئلر.
[4] پطروس عئسایا ددی: «یارب، بورادا اولماغیمیز نه یاخشی اولدو! اگر ائسته‌یئرسن، بورادا اوچ چادیر قوراق؛ بئری سنه، بئری موسایا، بئری ده ائلیایا.»
[5] پطروس حله دانیشیردی کی، نورلو بئر بولود اونلارین اوستونه کؤلگه سالدی. بئردن بولودلاردان بئر سس ددی: «بو منئم سوگئلی اوغلومدور. اوندان چوخ راضی‌یام. اونا قولاق آسین.»
[6] شاگئردلر بونو اشئدن واخت، قورخو ائچئنده اوزو-اوسته یره ییخیلدیلار.
[7] عئسا گلدی و اونلارا اَل قویوب ددی: «قالخین، قورخمایین.»
[8] اونلار دا گؤزلرئنی قالدیردیلار و عئسادان باشقا هچ کسی گؤرمه‌دئلر.
[9] داغدان اِنَن واخت، عئسا شاگئردلرئنه امر ادئب ددی: «ائنسان اوغلونون اؤلولردن دئرئلمه‌سئنه کئمی، گؤردویونوزو هچ کئمه دمه‌یئن.»
[10] شاگئردلری اوندان سوروشدولار: «اگر اِله‌دئر، بس نه اوچون دئن عالئملری دیئرلر کی، اوّلجه ائلیا گلمه‌لی‌دئر؟»
[11] عئسا جاواب ورئب ددی: «دوزدور، اوّلجه ائلیا گله‌جک و هر شیی قایدایا سالاجاقدیر.
[12] آمّا سئزه دیئرم: ائلیا گلدی و اونو تانیمادیلار. لاکئن ائسته‌دئکلری هر شیی اونا اتدئلر. ائنسان اوغلو دا اونلارین اَلئندن اله عذاب چکه‌جک.»
[13] شاگئردلر او زامان باشا دوشدولر کی، عئسا بو سؤزلری اونلارا، تعمئد ورن یحیا حاقّیندا دیئردی.
[14] خالقین یانینا یتئشن زامان، بئر آدام گلدی و عئسانین قاباغیندا دئز چؤکوب ددی:
[15] «یارب! اوغلوما یازیغین گلسئن، چونکی غشّئدئر و چوخ اذئیّت چکئر، چونکی تز-تز گاه اودا، گاه دا سویا دوشور.
[16] اونو سنئن شاگئردلرئنئن یانینا گتئردئم، لاکئن صاغالدا بئلمه‌دئلر.»
[17] عئسا جاواب ورئب ددی: «ای ائمانسیز و ترسه نسئل! داها نه واختا قدر سئزئنله اولاجاغام؟ نه واختا قدر سئزه دؤزه‌جه‌یم؟ اونو منئم یانیما گتئرئن.»
[18] و ائبلئسه آجیقلاندی و ائبلئس اوشاقدان اشئیه چیخدی. اوغلان او آندا صاغالدی.
[19] سونرا شاگئردلر، تک اولان زامان، عئسانین یانینا گلئب ددئلر: «نه اوچون بئز اونو چیخاردا بئلمه‌دئک؟»
[20] عئسا اونلارا ددی: «ائمانینیزین آز اولدوغو اوچون. دوغروسونو سئزه دیئرم: اگر بئر خاردال توخومو قدر ائمانینیز اولا و بو داغا ”بورادان اورایا کؤچ“ دئیه‌سئنئز، داغ کؤچر. سئزئن اوچون مومکون اولمایان هچ بئر شی اولماز.
[21] (لاکئن بو جئنس چیخماز، مگر دوعا و اوروجلا.)»
[22] جلئلده اولان زامان، عئسا اونلارا ددی: «ائنسان اوغلو آداملارین الئنه تسلئم ادئله‌جک،
[23] اونو اؤلدوره‌جکلر و اوچونجو گون دئرئله‌جکدئر.» شاگئردلر بونا چوخ پرت اولدولار.
[24] کفرناحوما گلدئکلری واخت، معبد وِرگئسئنی ییغانلار پطروسا یاخینلاشیب ددئلر: «سئزئن اوستادینیز ائکی دئرهم ورگئنی ورمئر؟»
[25] پطروس ددی: «ورئر.» اِوه گلن زامان، عئسا اونو قاباقلاییب ددی: «شمعون، سن نجه دوشونورسن؟ یرئن پادشاهلاری ورگی، یا دا باجی کئملردن آلیرلار؟ اؤز اوغوللاریندان، یوخسا قرئبلردن؟»
[26] پطروس اونا ددی: «قرئبلردن.» عئسا دا اونا ددی: «اگر بله‌دئر، اوندا اوغوللار آزاددیرلار.
[27] لاکئن اونلاری ائنجئتمه‌یک. گؤله گت و چنگلئنی آت. ائلک چیخان بالیغی گؤتور؛ اونون آغزینی آچ، دؤرد دئرهملئک تاپارسان. اونو گؤتور، منئمله سئزئن عوضئنئزده اونلارا ور.»