[1] سونرا رب موسایا دانیشیب ددی:
[2] «هارونلا اوغوللارینا دِه کی، ائسرایئل اؤولادلاری منئم اوچون وقف اتدئکلری موقدّس شیلر‌ده احتئیاطلی اولسونلار و موقدّس آدیمی لَکَلَمه‌سئنلر. رب منم.
[3] اونلارا دِه: ”نسئلدن-نسئله سئزئن اؤولادلارینیزدان هر کس کی، نجئس حالدا، ائسرایئل اؤولادلارینین رب اوچون وقف اتدئکلری موقدّس شیلره یاخینلاشسا، منئم حوضورومدان قووولمالی‌دیر. رب منم.
[4] هارون نسلئندن جوزاملی، و یا بدن آخینتیسی اولان هچ کس، تمئز اولانا قدر، موقدّس یمکدن یمه‌سئن؛ اگر بئر آدام مِیئته گؤره نجئس اولان شیه توخونسا، و یا توخومو تؤکولسه،
[5] و یا اگر بئر آدام اونو نجئس ادن قایناشان جانلی مخلوقا و یا هر جور نجئسلئیی اولان آداما توخونسا،
[6] بله شیلره توخونان هر کس، آخشاماجاق نجئس ساییلسین و بدنئنی یومایینجا موقدّس یمکدن یمه‌سئن.
[7] لاکئن گونش باتاندا او آدام تمئز ساییلسین، سونرا موقدّس یمکدن یسئن، چونکی بو، اونون خوره‌یی‌دئر.
[8] کاهئن اؤلموش حیوان، یا دا وحشی حیوانین وسئله‌سی‌ائله پارچالانمیش حیوانین اَتئندن یِیئب اؤزونو نجئسلَمه‌سئن. رب منم.
[9] اونلار منئم ددئیئمی رئعایت اتسئنلر کی، بله‌جه گوناها باتماسینلار و اونو لَکَله‌دئکلری اوچون اؤلمه‌سئنلر. اونلاری تقدئس ادن رب، منم.
[10] کاهئن عایئله‌سئندن اولمایان، کاهئنله یاشایان قرئب، یا دا موزده آلینان ائشچی موقدّس یمکدن یِمه‌مه‌لی‌دئر.
[11] لاکئن کاهئنئن پوللا ساتین آلیب مالئک اولدوغو، یا دا اِوئنده دوغولان قوللار او یمکدن یئیه بئلرلر.
[12] اگر کاهئنئن قیزی کاهئن عایئله‌سئندن اولمایان بئری ائله اِولَنسه، او آدام موقدّس یمکدن یئیه بئلمز.
[13] آمّا جاوانلیغیندا دول قالمیش و یا بوشانمیش کاهئنئن قیزی کی، اؤولادسیز آتاسینین اِوئنه قاییدیب، آتاسینین یمه‌یئندن یئیه بئلر. لاکئن کاهئن عایئله‌سئندن اولمایان هچ کس اوندان یئیه بئلمز.
[14] سَهوَن موقدّس یمکدن یئین آدام، بِشده بئرئنی علاوه ادئب موقدّس یمه‌یی کاهئنه ورسئن.
[15] کاهئنلر ائسرایئل اؤولادلارینین ربّه تقدئم اتدئکلری موقدّس تقدئملری لَکَلَمه‌سئنلر،
[16] و باعئث اولماسینلار کی، ائسرایئل اؤولادلاری موقدّس تقدئملرئن یمه‌یی ائله گوناها باتیب، تقصئرلری اوچون جزالانسینلار. چونکی اونلاری تقدئس ادن رب، منم.“»
[17] سونرا رب موسایا دانیشیب ددی:
[18] «هارونلا اوغوللارینا و بوتون ائسرایئللی‌لره بله دِه: ”ائسرایئل خالقیندان و یا ائسرایئلده یاشایان یاد اِللی‌لردن هر کس کی، تقدئمئنی گتئرئر، ربّه یاندیرما قوربانی اولاراق بو تقدئم ائستر بئر نذره گؤره اولسون، ائستر اؤز گؤیلو ائله،
[19] گرک معیوب اولمایان اِرکَک مال-حیواندان، یا قویوندان، یا دا کچئدن اولسون کی، سئزدن قبول اولونسون.
[20] معیوب اولانی تقدئم اتمک اولماز، چونکی بله تقدئم سئزدن قبول اولونماز.
[21] هر کس کی، ائسته‌یئر ربّه اتدئیی نذرئنی یرئنه یتئرسئن و یا اؤز گؤیلو ائله مال-حیواندان، یا دا سورودن باریش قوربانلاری تقدئم اتسئن، قوربانین قبول اولونماسی اوچون، قوربان گرک کامئل اولسون؛ اونون بدنئنده گرک هچ بئر عیب اولماسین.
[22] کور، شئکست، یارالی، قایساقلی، خورالی، دَمروولو حیوانلاری ربّه تقدئم اتمه‌یئن، اونلاری ربّئن قوربانگاهیندا دا یاندیرما قوربانی اتمه‌یئن.
[23] چولاق و یا عوضولرئنده ناقئص اولان ائنک و یا بئر قوزونو اؤز گؤیلونله تقدئم اده بئلرسن، لاکئن نذره وفا اتمک اوچون او قبول اولونماز.
[24] خایاسی زده‌لَنمئش، اَزئلمئش، بورولموش، یا دا کسئلمئش حیوانی ربّه تقدئم اتمه‌یئن، اؤلکه‌نئزده ده قوربان اتمه‌یئن.
[25] بله بئر حیوانی یاد اِللی‌لردن گؤتوروب پای اولاراق تارینیزا تقدئم اتمه‌یئن، چونکی بله حیوانلارین شئکستی ائچلرئنده‌دئر، معیوبدورلار، سئزدن قبول اولونماز.“»
[26] سونرا رب موسایا دانیشیب ددی:
[27] «اؤکوز، قوزو، یا دا کچی بالاسی دوغولاندا، یدّی گون آناسینین یانیندا قالسین. سکّئزئنجی گوندن ربّه تقدئم اولونان یاندیرما قوربان اولاراق قبول اولونار.
[28] ائستر ائنَک اولسون، ائستر قویون، اونو بالاسی ائله بئر گونده کَسمه‌یئن.
[29] ربّه تشکّور قوربانی گتئرنده اله گتئرئن کی، او سئزدن مقبول اولسون.
[30] قوربانین اَتی اله او گون یِیئلسئن، اوندان هچ بئر شی سحره قدر ساخلامایین. رب منم.
[31] منئم امرلرئمی ساخلایین و اونلارا عمل ادئن؛ رب منم.
[32] منئم موقدّس آدیمی لَکه‌لَمه‌یئن. من ائسرایئل اؤولادلاری آراسیندا موقدّس تانیناجاغام؛ سئزی تقدئس ادن رب منم کی،
[33] تارینیز اولماق اوچون سئزی مئصئر تورپاغیندان چیخارتدیم. رب منم.»