[1] هارون اوغوللاری ناداب و اَبئهو بوخوردانلارینی گؤتوروب، ائچئنه کؤزَرمئش کؤمور، کؤمورون اوستونه ده بوخور قویدولار و ربّئن حوضورونا حارام اود گتئردئلر. بله تقدئمی رب امر اتمه‌مئشدی.
[2] ربّئن حوضوروندان اود گلئب، اونلاری محو اتدی. اونلار ربّئن حوضوروندا اؤلدولر.
[3] موسا هارونا ددی: «بودور او سؤز کی، رب ددی: ”منه یاخینلاشانلار، منی موقدّس سایاجاقلار، بوتون خالق منی عئزّتلَندئره‌جک.“» لاکئن هارون ساکئت قالدی.
[4] موسا هارونون عَمئسی اوزّی‌اِلئن اوغوللاری مئشااِل و اِلصافانی چاغیریب ددی: «یاخین گلئن و قوحوملارینیزین جسدلرئنی موقدّس یرئن قاباغیندان دوشَرگه‌نئن اشئیئنه آپارین.»
[5] بله‌جه اونلار یاخینلاشیب، جسدلری خئرقه‌لری اَینئنده‌جه دوشَرگه‌نئن اشئیئنه آپاردیلار. نجه کی، موسا دمئشدی.
[6] موسا هارون و اونون اوغوللاری اِلعازار و ائتامارا ددی: «باشلارینیزین ساچلارینی داغیتمایین، پالتارلارینیزی جیرمایین کی، اؤلمه‌یه‌سئنئز و ربّئن قضبی ده بوتون جاماعاتا گلمه‌سئن. آنجاق بوتون ائسرایئل‌لی هموطنلرئنئز، ربّئن یاندیردیغی آداملارین یاسینی توتسونلار.
[7] سئز حتّا حوضور چادیرینین گئرئشئندن اشئیه ده چیخمایین، یوخسا اؤلرسئنئز. چونکی ربّئن مسح یاغی، سئزئن اوستونوزده‌دئر.» اونلار دا موسانین ددئیی کئمی اتدئلر.
[8] رب هارونا ددی:
[9] «سن و اؤولادلارین حوضور چادیرینا گئرنده نه شراب، نه ده کِفلَندئرئجی آیری بئر ائچکی ائچمه‌یئن. یوخسا اؤلرسئنئز. بو، سئزئن اوچون نسئلدن-نسئله ابدی قایدادیر.
[10] موقدّسله عادی شیلری آییرد ادئن، هم ده پاک و نجئس شیلر آراسیندا فرق قویون.
[11] و موسا واسئطه‌سی‌ائله ربّئن ددئیی بوتون قایدالاری ائسرایئل اؤولادلارینا اؤیرَدئن.»
[12] موسا هارون و اونون صاغ قالان اوغوللاری اِلعازار و ائتامارا ددی: «ربّه اودلا تقدئم اولونموشدان قالان تاخیل تقدئمئنی گؤتورون و مایاسیز چؤرک پئشئرئب قوربانگاهین یانیندا ییئن، چونکی بو لاپ موقدّسدئر.
[13] اونو موقدّس بئر یرده ییئن، چونکی بو، ربّه اودلا تقدئم اولانلاردان سنئن و سنئن اوغوللارینین پایی‌دیر. منه ورئلمئش امر بله دئر.
[14] لاکئن یِل‌لَتمه تقدئمی اولان دؤش اَتئنی و قالدیرما تقدئمی اولان بود اَتئنی سن، اوغوللارین، و قیزلارین پاک بئر یرده ییئن؛ چونکی بونلار ائسرایئل اؤولادلارینین باریش قوربانلاریندان سنئن و اؤولادلارینین پایی‌دیر.
[15] قالدیریلان بود اَتی و یِلله‌دئلن دؤش اَتی ربّئن قاباغیندا یِل‌لَتمه تقدئمی اولاراق یِل‌لَتمَک اوچون پئی تقدئمی ائله گتئرئن. بو، سئزئن و اؤولادلارینیزین ابدی پایی اولاجاق. نجه کی، رب امر ادئبدئر.»
[16] موسا گوناه قوربانی اولان کچئنی دئقّتله آختاردی. آمّا یاندیریلمیشدی. اونا گؤره ده، هارونون صاغ قالان اوغوللارینا، اِلعازارا و ائتامارا قضبله‌نئب ددی:
[17] «سئز نه اوچون گوناه قوربانینی موقدّس یرده یِمه‌دئنئز؟ چونکی بو قوربان لاپ موقدّسدئر، و رب سئزه وردی کی، اونونلا جاماعاتین تقصئرئنی قالدیریب، اونلار اوچون ربّئن حوضوروندا کفّاره اده‌سئنئز.
[18] کچئنئن قانی ائچه‌رئیه، موقدّس یره گتئرئلمه‌دئیئنه گؤره، سئز اونون اَتئنی حتمن موقدّس یرده یمه‌لی ائدئنئز. نجه کی، امر اتمئشدئم.»
[19] آمّا هارون موسایا ددی: «باخ، اله بو گون اونلار گوناه قوربانی و یاندیرما قوربانی ربّئن حوضوروندا تقدئم ادئبلر. باشیما بله شیلر گلدئکده، اگر من بو گون گوناه قوربانینی یمئش اولسایدیم، مگر ربّئن نظرئنده مقبول اولاردی؟»
[20] موسا بونو اشئدئکده نظرئنه خوش گلدی.