[1] رب موسایا دانیشیب ددی:
[2] «بوتون ائسرایئل اؤولادلارینین جاماعاتینا دانیش و اونلارا دِه: ”موقدّس اولون، چونکی من تارینیز رب موقدّسم.
[3] سئزدن هر کس آتاسینا و آناسینا حؤرمت اتسئن و منئم سَبّت گونلرئمی ساخلایین. تارینیز رب منم.
[4] بوتلره طرف دؤنمه‌یئن و اؤزونوزه تؤکمه آللاهلار دوزَلتمه‌یئن. تارینیز رب منم.
[5] ربّه باریش قوربانلاری گتئرنده، اله گتئرئن کی، قوربانینیز قبول ادئلسئن.
[6] قوربانینیز، کسئلن گون و یا صاباحیسی یِیئلسئن، لاکئن اوچونجو گونه قالان حئصّه گرک اوددا یاندیریلسین.
[7] اگر اوندان اوچونجو گون یِیئلسه، ائیرنج ساییلار و او قوربان قبول اولونماز.
[8] او قوربانی یئین آدام ربّئن موقدّس یِمه‌یئنی نجئس اتدئیئنه گؤره تقصئرکار قالار. او آدام، خالقی آراسیندان گرک قووولسون.
[9] تورپاغینیزدا محصول بئچَنده، زمئنئن قیراقلارینی بئچمه‌یئن و بئچئندن تؤکولن سونبول‌لری ده ییغمایین.
[10] اوزوم باغیندا دا تَنَکلری کامئل تمئزلمه‌یئن، یره دوشَن سالخیملاری دا ییغمایین. اونلاری کاسیبلار و قرئبلر اوچون بوراخین قالسین. تارینیز رب منم.
[11] اوغورلامایین، بئربئرئنئزئن باشینا بؤرک قویمایین، بئربئرئنئزه یالان دا دمه‌یئن.
[12] منئم آدیما یالاندان آند ائچمه‌یئن، اله کی، تارینیزین آدینی لکه‌لیه‌سئنئز. رب منم.
[13] قونشونوزا ظولم اتمه‌یئن، اونو سویمایین؛ موزدلو ائشچئنئن زحمت حاقّینی آخشامدان سحره‌جک یانینیزدا ساخلامایین.
[14] کار آدامی سؤیمه‌یئن و کور آدامین موقابئلئنه ده بودره‌دن هچ بئر شی قویمایین. تارینیزا حؤرمت ادئن. رب منم.
[15] قضاوت ادنده حاقسیزلیق اتمه‌یئن. نه یوخسولا طرفدار اولون، نه ده وارلینی اوستون توتون. قونشونوزا عدالتله قضاوت ادئن.
[16] خالقینیز آراسیندا خبرچئلئک اتمه‌یئن؛ قونشونوزون جانینا ضرر ورمک ائستمه‌یئن. رب منم.
[17] اوره‌یئنئزده وطنداشینیز حاقّیندا نئفرت ساخلامایین. قونشونو گرک نصئحت اده‌سئنئز، مبادا سئز ده اوندان اؤتری گوناها باتاسینیز.
[18] اؤز خالقینیزین آراسیندا هچ کسدن قئصاص آلمایین، هچ کئمدن کئن ساخلامایین. آنجاق قونشونوزو اؤزونوز کئمی سِوئن. رب منم.
[19] منئم قایدالاریمی ساخلایین. فرقلی جئنسدن اولان مال-حیوانی جوتلَشدئرمه‌یئن. زمئنئزده ائکی جور توخوم اَکمه‌یئن. اَینئنئزه ائکی جور ساپدان توخونموش پالتار گِیمه‌یئن.
[20] اگر بئر کئشی آیری بئر کئشئنئن نئشانلی‌سی اولان کنئزله کی، حله قئیمتی حقئقتن ورئلمه‌مئش، آزاد دا اولونمامیشدیر، یاتسا، اونا جزا ورئلسئن. آمّا اونلار اؤلدورولمه‌سئنلر، چونکی آرواد آزاد دیئلمئش.
[21] او کئشی ربّئن حوضورونا، حوضور چادیرینین گئرئشئنه تقصئر قوربانی اولاراق بئر قوچ گتئرسئن.
[22] کاهئن او کئشئنئن ائشلَتدئیی گوناهینی، تقصئر قوربانی اولان قوچلا ربّئن حوضوروندا کفّاره اتسئن و ائشلَتدئیی گوناه اونا باغیشلانار.
[23] کَنَعان تورپاغینا گئرئب، یمک اوچون هر میوه آغاجینی اَکه‌سئنئز، میوه‌سی سئزئن اوچون حارام ساییلیر. بو میوه سئزئن اوچون اوچ ائل حارام اولاجاق. اونو یمه‌یئن.
[24] دؤردونجو ائلده اونون بوتون میوه‌سی شوکور تقدئمی اولاراق رب اوچون موقدّس ساییلسین.
[25] بشئنجی ائلده او آغاجین میوه‌سئنی یئیه بئلرسئنئز. بونو ادئن کی، محصولو سئزئن اوچون آرتسین. تارینیز رب منم.
[26] هچ بئر اَتی قانلی-قانلی یمه‌یئن. باخیجیلیق و فالچیلیق اتمه‌یئن.
[27] باشینیزین یان طرفئنده‌کی ساچلاری قیرخمایین، ساقّاللارینیزین کنارلارینی کسمه‌یئن.
[28] اؤلولره گؤره بدنئنئزه یارا وورمایین، بدنئنئزه هچ بئر شکئل دؤیدورمه‌یئن. رب منم.
[29] قیزینیزی فاحئشه‌لئیه چکئب اونو لَکه‌لَمه‌یئن، اله کی، فاحئشه‌لئک اؤلکه‌یه یاییلماسین و اؤلکه عئفّتسئزلئکله دولوب داشماسین.
[30] سَبّت گونلرئمی ساخلایین. موقدّس مکانیما دا حؤرمت ادئن. رب منم.
[31] جئنچئلره و روح چاغیرانلارا طرف دؤنمه‌یئن، اونلارلا دانیشمایین، یوخسا اونلاردان نجئسلَنَرسئنئز. تارینیز رب منم.
[32] یاشلی‌لارین قاباغیندا آیاغا دورون، آغساقّاللارا احتئرام قویون. تارینیزا حؤرمت ادئن. رب منم.
[33] سئزئنله اؤلکه‌نئزده یاشایان هچ بئر قرئبه حاقسیزلیق اتمه‌یئن.
[34] آرانیزدا یاشایان قرئب آدام یرلی کئمی اولاجاق، اونو اؤزونوزو سِوَن کئمی سِوئن. چونکی سئز اؤزونوز ده مئصئر اؤلکه‌سئنده قرئب ائدئنئز. تارینیز رب منم.
[35] قضاوتده، اؤلچوده، چکی‌ده و مئقداردا حاقسیزلیق اتمه‌یئن.
[36] تَره‌زئنئز، چکی داشینیز، تاخیل و مایع اؤلچوسو اوچون ائشله‌نَن قابلارینیز دوز اولسون. سئزی مئصئر تورپاغیندان چیخاردان تارینیز رب منم.
[37] منئم بوتون قایدالاریمی و حؤکملرئمی ساخلاییب، اونلارا عمل ادئن. رب منم.“»