[1] او دؤورده سنئن خالقینی قورویان باش ملک مئکایئل قالخاجاق و اِله بئر عذابلی دؤور گله‌جک کی، هچ مئلّتئن یاراناندان او واختا قدر بِله‌سی اولماییب. لاکئن او دؤورده سنئن خالقیندان کئتابدا آدی یازیلمیش اولان هر کس خئلاص اولاجاق.
[2] تورپاغین آلتیندا یاتانلارین چوخو ابدی حیات اوچون، لاکئن بعضئسی ابدی خجالت و روسوایچیلیق اوچون اویاناجاق.
[3] آغیلّی آداملار گؤی قوبّه‌سئنئن پاریلتیسی کئمی، چوخونو صالحلئیه دؤندَ‌رَنلر ده اولدوزلار کئمی ابدی و دائم پارلایاجاقلار.
[4] آنجاق، سن ای دانیال، آخیر زامانا قدر بو سؤزلری سئرّ ساخلا و بو کئتابی مؤهورله؛ چوخ آدام اؤزونو اورا-بورا ووراجاق و بئلئک آرتاجاق.»
[5] او واخت من دانیال گؤردوم کی، باشقا ائکی آدام، بئری چایین بو تاییندا، او بئری ده چایین او تاییندا دوروب.
[6] بئری چایین سولاری اوستونده اولان کتان گِیئنمئش آداما ددی: «بو عجایئب حادئثه‌لرئن باشا گلمه‌سی نه قدر زامان آلاجاق؟»
[7] من اشئتدئم کی، چایین سولاری اوستونده اولان کتان گِیئنمئش آدام صاغ و سول اَلئنی گؤیه قالدیریب، ابدی یاشایانین آدینا آند ائچدی: «بئر زامان، ائکی زامان و یاریم زامان کچه‌جک، موقدّس خالقین گوجو کامئل آرادان گِدندن سونرا بوتون بونلار قورتاراجاق.»
[8] من بونو اشئتدئم، آمّا باشا دوشمه‌یئب سوروشدوم: «ای آغام، بس بونلارین نتئجه‌سی نه اولاجاق؟»
[9] او جاواب وردی: «گت، ای دانیال. چونکی بو سؤزلر آخیر زامانا قدر سئرّ اولاجاق و مؤهورلو قالاجاقدیر.
[10] چوخلاری پاکلانیب لکه‌سئز و خالئص اولاجاق، آمّا پئس آداملار شر ائشلرئندن دؤنمه‌یه‌جکلر. پئس آداملاردان هچ بئری بو سؤزلری باشا دوشمه‌یه‌جک، لاکئن آغیلّی آداملار باشا دوشه‌جکلر.
[11] دائمی یاندیرما قوربانلارینین دایاندیریلدیغی و وئرانه‌لئک گتئرن ائیرنج شیئن قویولدوغو واختدان مئن ائکی یوز دوخسان گون کچه‌جک.
[12] خوش او آدامین حالینا کی، گؤزله‌یئر و مئن اوچ یوز اوتوز بش گونه یِتئشئر!
[13] آمّا سنه گلئنجه، سن اؤز یولونا آخیراجاق داوام ات. سن راحاتینا قوووشاجاقسان و گئنه قالخاجاقسان کی، آخئرت گونو قئسمتئنی آلاسان.»