[1] بو ربّئن سؤزودور کی، یهودا پادشاهلاری عوزّئیا، یوتام، آخاز، خئزقئیا و ائسرایئل پادشاهی یِهوآش اوغلو یِروبعامین دؤورونده بِعِری اوغلو هوشعه نازئل اولدو.
[2] رب هوشعئن واسئطه‌سی‌ائله دانیشماغا باشلایارکَن، اونا بله ددی: «گت فاحئشه بئر آرواد آل و اوندان زئنا اوشاقلارین اولسون، چونکی اؤلکه‌نئن خالقی ربدن اوز دؤندَ‌رئب اونا حدسئز خیانت ادئر.»
[3] هوشَع گدئب دئبلایئمئن قیزی گومِری اؤزونه آرواد آلدی. گومِر بویلو اولوب اونا بئر اوغول دوغدو.
[4] رب هوشعه ددی: «اونون آدینی یئزرِعِل قوی، چونکی عنقرئب من یئزرِعِلده تؤکولَن قانین جزاسینی یِیهو نسلئنه چکدئره‌جیم و ائسرایئل نسلئنئن پادشاهلیغینا آخیر قویاجاغام.
[5] همئن گون یئزرِعِل دره‌سئنده ائسرایئلئن کامانینی قیراجاغام.»
[6] گومِر گئنه بویلو اولوب بئر قیز دوغدو. رب هوشعه ددی: «اونون آدینی لو-روخاما قوی، چونکی من داها ائسرایئل نسلئنه مرحمتلی اولمایاجاغام کی، اونلاری باغیشلاییم.
[7] آمّا یهودا نسلئنه من مرحمت گؤرسه‌ده‌جیم و اونلاری کامان، قیلینج، موحارئبه، آتلار و آتلی‌لار وسئله‌سی‌ائله یوخ، اونلارین رب تاریسی وسئله‌سی‌ائله خئلاص اده‌جیم.»
[8] گومِر لو-روخاما‌نی سوددن کَسن واخت، گئنه بویلو اولوب بئر اوغول دوغدو.
[9] رب ددی: «اونون آدینی لو-عَمّی قوی، چونکی سئز منئم خالقیم دیئلسئنئز، من ده سئزئن تارینیز دیئلم.
[10] آنجاق ائسرایئل اؤولادلاری دهنز قومو کئمی سایسیز-حسابسیز اولاجاق. اونلارا ”سئز منئم خالقیم دیئلسئنئز“ دیئلَن یرده، ”سئز وار اولان تارینین اؤولادیسینیز“ دیئله‌جک.
[11] یهودا و ائسرایئل اؤولادلاری بئر یِره ییغیلیب اؤزلرئنه واحئد باشچی تعیئن اده‌جک. اونلار اؤلکه‌دن چیخاجاقلار، چونکی یئزرِعِل گونو مؤحتشم بئر گون اولاجاق.