[1] پادشاه بَلشَصّر مئن نفر اعیانی اوچون بؤیوک بئر ضئیافت قوردو و اونلارلا شراب ائچدی.
[2] بَلشَصّر شراب ائچه‌رکَن امر اتدی کی، آتاسی نِبوکَدنِصّرئن اورشلئمده‌کی معبددن چیخارتدیغی قیزیل و گوموش قابلاری گتئرسئنلر و پادشاه، اعیانلاری، آروادلاری و جارئیه‌لری اونلارلا شراب ائچسئنلر.
[3] او واخت او قیزیل قابلار گتئرئلدی کی، معبددن-تارینین اورشلئمده اولان اِوئندن چیخاریلمیشدی. پادشاه، اعیانلاری، آروادلاری و جارئیه‌لری بونلارلا شراب ائچمه‌یه باشلادیلار.
[4] اونلار شراب ائچه‌رَک قیزیل، گوموش، بورونج، دمئر، آغاج و داش آللاهلارا حمد اتدئلر.
[5] اِله بو آن بئر ائنسان اَلئنئن بارماقلاری گؤروندو و شامدانین یانیندا پادشاه سارایینین دووارینین سوواغی اوستونه یازی یازدی. پادشاه یازان اَلی گؤردو.
[6] او واخت پادشاهین رنگی سولدو و دوشونجه‌لری اونو واهئمه‌یه سالدی. بِلئنئن عَضَله‌لری ضعئفله‌دی و دئزلری بئربئرئنه دَیمه‌یه باشلادی.
[7] پادشاه اوجادان قیشقیردی کی، اووسونچولاری، مونجّئملری و فالچیلاری گتئرسئنلر. بابئلئن حئکمتلی‌لرئنه بله ددی: «کئم بو یازیلانی منه اوخویوب معناسینی تشرئح اتسه، اونا ارغوانی لئباس گِیئندئرئله‌جک، بوینونا قیزیل زنجئر آسیلاجاق و پادشاهلیقدا اوچونجو آدام اولاجاق.»
[8] پادشاهین بوتون حئکمتلی‌لری ائچه‌ری گئردئلر، لاکئن یازیلانی نه اوخویا، نه ده معناسینی پادشاها تشرئح اده بئلدئلر.
[9] او واخت پادشاه بَلشَصّر داها چوخ واهئمه‌یه دوشدو و رنگی سولدو، اعیانلاری دا حیرته دوشدولر.
[10] ملکه پادشاهین و اعیانلارینین سؤزلرئنی اشئدئب ضئیافت اوتاغینا گلدی. ملکه بله ددی: «قوی پادشاه همئشه صاغ اولسون، فئکئرلرئن سنی واهئمه‌یه سالماسین، رنگئن ده سولماسین.
[11] سنئن پادشاهلیغیندا موقدّس آللاهلارین روحونا مالئک اولان بئر آدام وار. سنئن آتانین دؤورونده او ائشیق، فهم و حئکمت آللاهلارین حئکمتی کئمی اوندا وار ائدی. آتان پادشاه نِبوکَدنِصّرئن اؤزو، اونو سحربازلارین، اووسونچولارین، مونجّئملرئن و فالچیلارین باشچیسی قویموشدو.
[12] چونکی پادشاهین بِلطِشَصّر آدلاندیردیغی بو آدام یعنی دانیال خارئقولعاده بئر روحا، معرئفته، و بصئرته صاحئبدئر، یوخولاری تعبئر اتمه‌یه، موعمّالاری آچماغا و چتئنلئکلری حلّ اتمه‌یه ده قابئلئیّتی وار. ائندی قوی دانیالی چاغیرسینلار، او سنه بونون معناسینی تشرئح اده‌جک.»
[13] او واخت دانیالی پادشاهین حوضورونا گتئردئلر و پادشاه اوندان سوروشدو: «آتام پادشاهین یهودادان اسئر ادئب گتئردئیی یهودالی‌لاردان اولان دانیال آیا سنسن؟
[14] من سنئن حاقّیندا اِشئتمئشم کی، سنده آللاهلارین روحو وار، ائشیق، فهم و بؤیوک حئکمت صاحئبی‌سن.
[15] باخ، حوضوروما حئکمتلی‌لر و اووسونچولار گتئرئلدی کی، بو یازیلانی اوخویوب معناسینی منه آچسینلار، لاکئن اونلار بونو منه تشرئح اده بئلمه‌دئلر.
[16] آمّا سنئن حاقّیندا اِشئتمئشم کی، تعبئر ادئب چتئنلئکلری حلّ اده بئلئرسن. اگر ائندی بو یازیلانی اوخویوب معناسینی تشرئح اده بئله‌سن، سنه ارغوانی لئباس گِیئندئرئله‌جک، بوینونا قیزیل زنجئر آسیلاجاق و پادشاهلیقدا اوچونجو آدام اولاجاقسان.»
[17] او واخت دانیال پادشاها جاواب وردی: «قوی هدئیّه‌لرئن اؤزونه قالسین، پاداشینی دا آیریسینا ور. آمّا یازیلانی من پادشاها اوخویوب معناسینی تشرئح اده‌جیم.
[18] ای پادشاه! اوجالاردا اولان تاری سنئن آتان نِبوکَدنِصّره پادشاهلیق، عظمت، عئزّت و جاه-جلال ورمئشدی.
[19] تارینین اونا وردئیی عظمته گؤره بوتون خالقلارین، مئلّتلرئن و دئل‌لرئن آداملاری اوندان قورخوب اسئردئلر. او ائسته‌دئیی آدامی اؤلدورَردی، ائسته‌دئیی آدامی صاغ بوراخاردی، ائسته‌دئیی آدامی اوجالداردی، ائسته‌دئیی آدامی آلچالداردی.
[20] آمّا او زامان کی، اوره‌یی کئبئرله‌نئب روحو کئبئرله عئنادکار اولدو، پادشاهلیق تختئندن سالیندی و عئزّتی اَلئندن آلیندی.
[21] او، ائنسانلار آراسیندان قووولدو، آغلی حیوان آغلینا چِورئلدی و وحشی اِششَکلرله یاشاماغا باشلادی. اونا اؤکوز کئمی اوت یِدئرئردئلر، بدنی گؤیلرئن شِحی ائله ائسلانیردی. او قدر کی، نهایت، درک اتدی کی، اوجالاردا اولان تاری ائنسان پادشاهلیقلاری اوستونده حؤکمرانلیق ادئر و کئمی ائسته‌یئر، اونلارا باشچی قویور.
[22] و اونون اؤولادی سن ای بَلشَصّر، بوتون بونلاری بئلدئیئن حالدا، گئنه اؤزونو آلچاتمادین،
[23] عکسئنه، گؤیلرئن پروردئگارینین ضئدّئنه کئبئرلَندئن. اونون معبدئنئن قابلارینی سنئن حوضورونا گتئردئلر و سن، اعیانلارین، آروادلارین، جارئیه‌لرئن بونلارلا شراب ائچدئنئز. سن قیزیل-گوموش، بورونج، دمئر، آغاج و داشدان اولان آللاهلارا کی، نه گؤرورلر، نه اِشئدئرلر، نه ده آنلاییرلار، حمد اتدئن. لاکئن او تارینی کی، نفسئن اونون اَلئنده‌دئر و بوتون طرئقلرئن اونوندور، عئزّتلَندئرمه‌دئن.
[24] بونا گؤره ده اونون طرفئندن بئر اَل گؤندَ‌رئلئب بو سؤزلری یازدی.
[25] یازیلان سؤزلر بودور: مِنا، مِنا، تِقِل و پَرسئن.
[26] سؤزلرئن معناسی آمّا بودور: مِنا-تاری سنئن پادشاهلیق مودّتئنی حسابلاییب و اونا آخیر قویوب؛
[27] تِقِل-سن تَره‌زئده چکئلئبسن و یونگول اولدوغون بئلئنئب؛
[28] پَرسئن-سنئن پادشاهلیغین بؤلونه‌رک مادلی‌لارا و فارسلارا ورئلئب.»
[29] او واخت بَلشَصّرئن امری ائله دانیالا ارغوانی لئباس گِیئندئردئلر، بوینونا قیزیل زنجئر آسدیلار و او، پادشاهلیقدا اوچونجو آدام اعلان اولوندو.
[30] همئن گجه بابئل پادشاهی بَلشَصّر اؤلدورولدو.
[31] آلتمیش ائکی یاشلاردا اولان مادلی داریوش حاکئمئیّتی اَلئنه آلدی.