[1] یهودا پادشاهی یِهویاقئمئن پادشاهلیغینین اوچونجو ائلئنده بابئل پادشاهی نِبوکَدنِصّر اورشلئمه هوجوم ادئب اورانی موحاصئره‌یه آلدی.
[2] پروردئگار یهودا پادشاهی یِهویاقئمی و تاری معبدئنئن اشیالاریندان بئر حئصّه‌سئنی اونا تسلئم اتدی. نِبوکَدنِصّر اونلاری شئنعار تورپاغینا، اؤز آللاهینین معبدئنه آپاردی و اشیالاری اؤز آللاهینین خزئنه‌سئنه قویدو.
[3] پادشاه حرم-آغالار ریئسی اَشپِنَزه امر اتدی کی، پادشاه و اصئلزاده‌لر نسلئندن اولان ائسرایئللی‌لرئن آراسیندان
[4] بدنلرئنده قوصور اولمایان، یاراشیقلی، هر حئکمتده باجاریقلی، بئلئکلی، درّاکه‌لی، سارایدا پادشاها خئدمت اتمه‌یه باشاریلی اولان جاوانلار سِچئب اونلارا کَلدانئلرئن دئلئنی و ادبئیّاتینی اؤیرَتسئن.
[5] پادشاه اونلارا اؤزونون یِدئیی یمکلردن و ائچدئیی شرابدان گونده‌لئک یمک پایی تعیئن اتدی. اونلار گرک اوچ ائل اونلاردا تربئیه آلیب و سونرا دا پادشاهین خئدمتئنه گئره‌جک ائدئلر.
[6] اونلارین آراسیندا یهودا نسلئندن اولان دانیال، خَنَنیا، مئشااِل و عَزَریا وار ائدی.
[7] حرم-آغالار ریئسی اونلارا تزه آد قویدو: دانیالی بِلطِشَصّر، خَنَنیانی شَدرَک، مئشااِلی مِشَک و عَزَریانی عَبِدنِگو آدلاندیردی.
[8] دانیال قرارا آلدی کی، پادشاهین یِدئیی یمکلرله و ائچدئیی شرابلا اؤزونو نجئس اتمه‌سئن. بونا گؤره ده حرم-آغالار ریئسئندن ائسته‌دی کی، اونا اؤزونو نجئس اتمه‌مه‌سئنه ائجازه ورسئن.
[9] تاری حرم-آغالار ریئسئنئن گؤزونده دانیالا لوطف و شَفقَت قازاندیردی.
[10] حرم-آغالار ریئسی دانیالا ددی: «سئزئن یِیئب-ائچدئیئنئزی تعیئن ادن آغام پادشاهدان قورخورام. نه اوچون او سئزئن اوزونوزو، هَم‌یاشیدینیز اولان جاوانلارین اوزوندن سولغون گؤرسون؟ سئز بونونلا پادشاهین یانیندا منئم باشیمی بلایا سالارسینیز.»
[11] دانیال او مأمورا کی، حرم-آغالار ریئسی اونو اؤزو خَنَنیا، مئشااِل و عَزَریانین اوستونه قویموشدو، ددی:
[12] «گل، قوللارینی اون گون عرضئنده ائمتاحان ات. قوی بئزه یمک اوچون گؤیَرتی، ائچمک اوچون سو ورسئنلر.
[13] سونرا دا سنئن حوضوروندا هم بئزئم اوزوموزه، هم ده پادشاه یمکلرئندن یئیَن جاوانلارین اوزونه باخسینلار. بونو گؤرَندن سونرا قوللارینلا گؤردویونوزه موطابئق عمل ادئن.»
[14] مأمور بو مطلبده جاوانلارین سؤزونه قولاق آسدی و اونلاری اون گون ائمتاحان اتدی.
[15] اون گون سونرا اونلارین سئماسی پادشاه یمکلرئندن یئیَن بوتون باشقا جاوانلارین سئماسیندان داها گؤزل گؤروندو و اونلار بدنجه داها دولغون ائدئلر.
[16] او واخت مأمور جاوانلارین یِمه‌یئنی و ائچه‌جکلری شرابی گؤتوروب اونلارا گؤیَرتی ورمه‌یه داوام وردی.
[17] تاری بو دؤرد جاوانا هر جور ادبئیّاتی و حئکمت اؤیرنمَک اوچون بئلئک و درّاکه وردی. دانیالدا بو معرئفت وار ائدی کی، هر جور رؤیالاری و یوخولاری یوزسون.
[18] اونلارین گتئرئلمه‌سی اوچون پادشاهین امر اتدئیی گون چاتاندا، حرم-آغالار ریئسی اونلاری نِبوکَدنِصّرئن حوضورونا گتئردی.
[19] پادشاه اونلارلا دانیشدی و هامینین آراسیندا دانیال، خَنَنیا، مئشااِل و عَزَریا کئمئسی تاپیلمادی. بونا گؤره ده اونلار پادشاهین حوضوروندا خئدمته قویولدولار.
[20] پادشاه اونلاردان هر جور حئکمت و معرئفت باره‌ده سوروشاندا گؤردو کی، بونلار بوتون اؤلکه‌سئنده‌کی سِحربازلارین و اووسونچولارین هامیسیندان اون قات اوستوندورلر.
[21] دانیال پادشاه کوروشون حؤکمدارلیغینین بئرئنجی ائلئنه قدر اورادا قالدی.