[1] داوود ددی: «آیا شاعولون نسلئندن صاغ قالان بئری وار کی، یوناتانین خاطئرئنه اونا یاخشیلیق ادئم؟»
[2] شاعولون نسلئنده صئبا آدلی خئدمتچی بئر کئشی وار ائدی. اونو داوودون یانینا چاغیردیلار و پادشاه اونا ددی: «آیا صئبا سنسن؟» او ددی: «قولونام.»
[3] داوود ددی: «شاعولون نسلئندن آیا هچ بئر آدام قالماییب کی، اونا تارینین شفقتئنی گؤرسدئم؟» صئبا پادشاها ددی: «یوناتانین ائکی آیاغیندان شئکَست بئر اوغلو حله قالیر.»
[4] پادشاه اونا ددی: «هارادادیر؟» صئبا پادشاها ددی: «باخ، ائندی او، لودِباردا عَمّی‌اِل اوغلو ماکئرئن اِوئنده‌دئر.»
[5] داوود پادشاه آدام گؤندَ‌رئب لودِباردان عَمّی‌اِل اوغلو ماکئرئن اِوئندن مِفئبوشِتی گتئرتدی.
[6] شاعول اوغلو یوناتان اوغلو مِفئبوشِت داوودون یانینا گلدی و اوزو اوسته یره دوشوب تعظئم اتدی. داوود ددی: «مِفئبوشِت!» او دا ددی: «قولون سنئن حوضوروندادیر.»
[7] داوود اونا ددی: «قورخما، آتان یوناتانین خاطئرئنه قطعن سنه شفقت گؤرسده‌جیم و بابان شاعولون بوتون تورپاغینی سنه قایتاراجاغام. سن همئشه منئم سوفرَ‌مده یمک یئیه‌جکسن.»
[8] مِفئبوشِت گئنه تعظئم ادئب ددی: «مگر بو قولون کئمدئر کی، منئم کئمی اؤلو بئر ائته بله ائلطئفات اده‌سن؟»
[9] پادشاه، شاعولون خئدمتچئسی صئبانی چاغیریب ددی: «شاعولا و اونون نسلئنه عایید اولان هر شیی سنئن آغانین نوه‌سئنه ورمئشم.
[10] آغانیزین نوه‌سئنئن تورپاغینی سن، اوغوللارین و قوللارین بِجَره‌جک. محصولونو اونا وره‌جکسئنئز کی، آذوقه‌سی اولسون. آغانیزین نوه‌سی مِفئبوشِت ده همئشه منئم سوفرَ‌مده یمک یئیه‌جک.» صئبانین اون بش اوغلو و ائیئرمی قولو وار ائدی.
[11] صئبا پادشاها ددی: «من آغام پادشاهین بو قولونا امر اتدئیی هر شیی یرئنه یتئره‌جیم.» بله‌جه، مِفئبوشِت پادشاه اوغوللاریندان بئری کئمی داوودون سوفره‌سئنده یمک یِیئردی.
[12] مِفئبوشِتئن کئچئک بئر اوغلو وار ائدی. اونون آدی مئکا ائدی. صئبانین اِوئنده یاشایانلارین هامیسی مِفئبوشِتئن خئدمتچئلری ائدئلر.
[13] بله‌جه مِفئبوشِت اورشلئمده قالدی، چونکی همئشه پادشاهین سوفره‌سئنده یمک یِیئردی. او، ائکی آیاغیندان شئکَست ائدی.