[1] داوودون دؤورونده اوچ ائل دالبادال قیتلیق اولدو. داوود بونا گؤره ربدن مصلحت ائسته‌دی. رب ددی: «بو قیتلیق شاعول و اونون قان تؤکَن نسلئنه گؤره‌دئر. چونکی او، گئبعونلولاری اؤلدوردو.»
[2] پادشاه گئبعونلولاری چاغیردی و اونلارلا دانیشدی. (گئبعونلولار ائسرایئل اؤولادلاری دیئلدئلر. اِمورلولاردان صاغ قالان بئر خالق ائدئلر کی، ائسرایئللی‌لر اونلارلا عهد باغلامیشدیلار. لاکئن شاعول ائسرایئل و یهودایا اولان قیرتی اوزوندن اونلاری یوخ اتمه‌یه جَهد اتمئشدی.)
[3] داوود گئبعونلولارا ددی: «سئزئن اوچون من نه اده بئله‌رم؟ ادئلن بو گوناهی نه ائله تمئزله‌یه بئله‌رم کی، سئز ربّئن ائرثئنه برکت وره‌سئنئز؟»
[4] گئبعونلولار اونا ددئلر: «بو فئکئرده دیئلئک کی، شاعوللا اونون نسلئندن قیزیل-گوموش ائسته‌یک. ائسرایئلده بئرئنی اؤلومه ورمک ده بئزئم ائختئیاریمیزدا دیئل.» داوود ددی: «سئز نه دئیه‌سئنئز، اونو اده‌رم.»
[5] اونلار پادشاها ددئلر: «بئزی قیریب محو ادن و ائسرایئل اراضئسئنده قالماماق اوچون بئزه قصد قوران آدامین اؤولادلاریندان
[6] یدّی نفر بئزه ورئلسئن. بئز ده ربّئن سچدئیی شاعولون گئبعا شهرئنده، اونلاری ربّئن حوضوروندا آساجاغیق.» پادشاه ددی: «من اونلاری سئزه وره‌رم.»
[7] لاکئن پادشاه شاعول اوغلو یوناتان اوغلو مِفئبوشِتی اونلارین اَلئنه ورمه‌دی، چونکی ربّئن حوضوروندا شاعول اوغلو یوناتانا آند ائچمئشدی.
[8] بله‌جه پادشاه اَیّا قیزی رئصپانین ائکی اوغلونو یعنی شاعولدان دوغدوغو اَرمونی ائله مِفئبوشِتی، بئر ده شاعولون قیزی مِرابین مِخولالی بَرزئل‌له‌ی اوغلو عَدری‌اِلدن دوغدوغو بش اوغلونو گؤتوردو
[9] و اونلاری گئبعونلولارا تسلئم اتدی. گئبعونلولار اونلاری ربّئن حوضوروندا، داغین اوستونده آسدیلار و یدّئسی ده بئرلئکده اؤلدو. اونلار بئچئن واختینین ائلک گونلرئنده، آرپا بئچئنی باشلانیشیندا اؤلدورولدولر.
[10] اَیّانین قیزی رئصپا چول گؤتوروب اؤزو اوچون بئر قایا اوستونه سَردی. بئچئن مؤوسومونون باشلانیشیندان یاغیش مؤوسومونه‌جک رئصپا اورادا قالیب اونلارین میئتلرئنی گوندوز گؤیده‌کی قوشلاردان، گجه ده وحشی حیوانلاردان قورودو.
[11] شاعولون جارئیه‌سی اَیّا قیزی رئصپانین اتدئیی بو ائشی داوودا خبر وردئلر.
[12] داوود گدئب شاعولون سوموکلرئنی و اوغلو یوناتانین سوموکلرئنی یابِش‌گئلعاد اهالئسئندن آلدی. فئلئسطلی‌لر گئلبوعا‌دا شاعولو اؤلدوردوکلری گون اونلارین جسدلرئنی بِیت‌شِه‌آن میدانیندا آسمیشدیلار، یابِش-گئلعاد اهالئسی ده گلئب جسدلری اورادان اوغورلامیشدیلار.
[13] داوود شاعولون و اوغلو یوناتانین سوموکلرئنی گتئرتدی و آسیلانلارین دا سوموکلرئنی ییغدیلار.
[14] اونلار شاعولون و اوغلو یوناتانین سوموکلرئنی بِنیامئن تورپاغیندا، شِلاعدا، شاعولون آتاسی قئشئن مقبره‌سئنده باسدیردیلار، پادشاهین اونلارا امر اتدئیی هر شیه عمل اتدئلر. بوندان سونرا تاری اؤلکه اوچون دوعالاری قبول اتدی.
[15] گئنه فئلئسطلی‌لرئن ائسرایئللی‌لرله دؤیوشو اولدو. داوود آداملاری ائله بئرلئکده دؤیوشه گتدی. اونلار فئلئسطلی‌لرله دؤیوشَرکَن داوود یورولدو.
[16] رافا اؤولادلاریندان یئشبی‌بِنوب بو نئیّتده ائدی کی، داوودو اؤلدورسون. اونون نئزه‌سئنئن باشی اوچ یوز شِکِل آغیرلیغیندا بورونجدن ائدی و بِلئنه تزه قیلینج باغلامیشدی.
[17] لاکئن صِرویا اوغلو اَبشه‌ی داوودون کؤمه‌یئنه چاتدی و بو فئلئسطلئنی ووروب اؤلدوردو. او زامان داوودون آداملاری اونا آند ائچئب ددئلر: «بئر داها سن بئزئمله برابر دؤیوشه چیخما کی، ائسرایئلئن چیراغینی سؤندورمیه‌سن.»
[18] بوندان سونرا گئنه فئلئسطلی‌لرله گوبدا دؤیوش اولدو. او زامان خوشالی سئبّه‌که‌ی، رافا اؤولادلاریندان صَفی اؤلدوردو.
[19] گئنه فئلئسطلی‌لرله گوبدا دؤیوش اولدو و بیت‌لِحِملی یَعرِه‌اورِگئمئن اوغلو اِلخانان، گَتلی گولیاتی اؤلدوردو. گولیاتین نئزه‌سئنئن ساپی توخوجو دَزگاهینین اَرئش آغاجی بویدا ائدی.
[20] گَتده گئنه موحارئبه باش وردی. اورادا اوجابوی بئر آدام وار ائدی کی، او دا رافا اؤولادلاریندان ائدی. بو آدامین اَللری و آیاقلاری آلتی بارماقلی ائدی؛ ائیئرمی دؤرد بارماغی وار ائدی.
[21] او، ائسرایئله میدان اوخودو. اونو داوودون قارداشی شئمعا اوغلو یوناتان اؤلدوردو.
[22] بو دؤرد کئشی رافا اؤولادلاریندان اولوب گَتده دوغولموشدولار. اونلار داوودون و اونون آداملارینین اَلی ائله قیریلدیلار.