[1] باهار گلنده پادشاهلار موحارئبه‌یه چیخان واخت، داوود یوآبی، سرکرده‌لرئنی، بوتون ائسرایئل قوشونو ائله بئرلئکده موحارئبه‌یه گؤندَ‌ردی. اونلار عَمّونلولاری قیریب رَبّانی موحاصئره‌یه آلدیلار. آمّا داوود اورشلئمده قالدی.
[2] بئر آخشامچاغی داوود یاتاغیندان قالخیب پادشاه سارایینین دامی اوستونده گَزئردی. او، دامدان باخیب گؤردو کی، بئر آرواد یویونور. آرواد چوخ گؤزل ائدی.
[3] داوود آدام گؤندَ‌رئب بو آرواد باره‌سئنده خبر آلدی. بئری بله ددی: «مگر بو آرواد اِلئآم قیزی خئتلی اورئیانین آروادی بَتشِبَع دیئل؟»
[4] داوود قاصئدلر گؤندَ‌رئب اونو یانینا گتئرتدی. آرواد اونون یانینا گلدئکده داوود اونونلا یاتدی و آرواد اؤزونو نجئسلئیئندن تمئز ادندن سونرا اِوئنه قاییتدی.
[5] آرواد بوندان بویلو اولوب داوودا خبر گؤندَ‌ردی: «من بویلویام.»
[6] داوود یوآبین یانینا آدام گؤندَ‌رئب ددی: «خئتلی اورئیانی منئم یانیما گؤندَر.» یوآب اورئیانی داوودون یانینا گؤندَ‌ردی.
[7] اورئیا داوودون یانینا گلنده داوود یوآبین، خالقین و دؤیوشون وضعئیّتئنی سوروشدو.
[8] سونرا داوود اورئیایا ددی: «اِوئنه گت، ائستئراحت اِله.» اورئیا پادشاهین ساراییندان چیخاندا پادشاه دالیسیجا اونا هدئیّه ده گؤندَ‌ردی.
[9] لاکئن اورئیا پادشاهین سارایینین قاپیسیندا، آغاسینین بوتون موحافئظه‌چئلری ائله بئرلئکده یاتیب اِوئنه گتمه‌دی.
[10] داوودا خبر وردئلر: «اورئیا اِوئنه گتمه‌دی.» داوود اورئیایا ددی: «مگر سن یولدان گلمه‌یئبسن؟ نئیه اِوئنه گتمه‌دئن؟»
[11] اورئیا داوودا ددی: «عهد ساندیغی، ائسرایئللی‌لر و یهودالی‌لار چادیرلاردا قالارکن، آغام یوآب و آغامین سرکرده‌لری چؤل‌لرده مسکن سالارکن، من نجه یمک-ائچمَک و آروادیملا یاتماق اوچون اِوئمه گده بئله‌رم؟ حیاتینا و جانینا آند اولسون، من بله شی اتمه‌رم.»
[12] داوود اورئیایا ددی: «بو گون ده بورادا قال، صاباح سنی یولا سالارام.» اورئیا او گونو و گونون صاباحینی اورشلئمده قالدی.
[13] داوود اونو چاغیردی و اورئیا اونون حوضوروندا یِیئب ائچدی. داوود اونو کِفلَندئردی. اورئیا پادشاهین یانیندان آخشام اوستو چیخدی. او گئنه ده اِوئنه گتمه‌دی؛ آغاسینین موحافئظه‌چئلرئنئن یانینا گدئب، اورادا اؤز یاتاغیندا یاتدی.
[14] سحر آچیلاندا داوود یوآبا مکتوب یازدی و مکتوبو اورئیانین اَلی ائله یوآبا گؤندَ‌ردی.
[15] مکتوبوندا بله یازمیشدی: «اورئیانی آلوولانان دؤیوشلره گؤندَر و اونو لاپ قاباق خطّه قوی و یانیندان چکئل کی، وورولوب اؤلدورولسون.»
[16] یوآب شهری موحاصئره آلتیندا ساخلایارکن، اورئیانی او یره تعیئن اتدی کی، بئلئردی دوشمنئن جنگاورلرئنئن لاپ جسورلاری اورادادیر.
[17] شهرئن آداملاری قالخیب یوآبلا دؤیوشه چیخدیلار. داوودون آداملاریندان اؤلَنلر اولدو. خئتلی اورئیا دا اؤلَنلر آراسیندا ائدی.
[18] یوآب داوودون یانینا آدام گؤندَ‌رئب دؤیوش حاقّیندا اولان معلوماتلارین هامیسینی خبر وردی.
[19] قاصئده امر ادئب ددی: «دؤیوش حاقّیندا اولان بوتون معلوماتلاری پادشاها دیئب بئتئرَنده،
[20] پادشاه سنه قضبله‌نئب دئیَر: ”شهره هوجوم اتمک اوچون نئیه بو قدر یاخینلاشدینیز؟ مگر بئلمئردئنئز کی، دووارین اوستوندن سئزه اوخ آتاجاقلار؟
[21] یِروبّشِت اوغلو اَبئمِلِکی کئم ووردو؟ مگر دووارین اوستوندن بئر آرواد دیئرمانین اوست داشینی اونون اوستونه آتمادی، اله کی، تِبِصده اؤلدو؟ بس نئیه بو قدر دووارا یاخینلاشدینیز؟“ او زامان دئیَرسن: ”قولون خئتلی اورئیا دا اؤلوب.“»
[22] قاصئد یولا دوشدو و داوودون یانینا گلئب یوآبین گؤندَردئیی معلوماتلارین هامیسینی اونا خبر وردی.
[23] قاصئد داوودا ددی: «آداملار بئزه قالئب گلدئلر. اونلار بئزئم ضئدّئمئزه دؤیوشمَک اوچون چؤله چیخدیلار. اونلاری دروازانین گئرئشئنه قدر قوودوق.
[24] اوخ‌آتانلار دوواردان دؤیوشچولرئن اوستونه اوخ یاغدیردیلار و پادشاهین آداملاریندان اؤلَنلر ده اولدو. قولون خئتلی اورئیا دا اؤلَنلر آراسیندادیر.»
[25] داوود قاصئده ددی: «یوآبا دئیَرسن کی، ”بو حادئثه سنئن گؤزونده پئس گؤرونمه‌سئن، چونکی قیلینج گاه بئرئنئن، گاه دا آیریسینین باشینی یِیئر. شهرئن ضئدّئنه دؤیوشو گوجلَندئرئب اورانی ییخ.“ بونونلا یوآبی تشوئق ات.»
[26] اورئیانین آروادی اَرئنئن اؤلومونو اشئدنده اونون اوچون یاس توتدو.
[27] یاس قورتاراندان سونرا داوود آدام گؤندَ‌رئب بَتشِبَعی اؤز اِوئنه گتئردی و او، داوودون آروادی اولدو. سونرا داوودا بئر اوغول دوغدو. لاکئن داوودون گؤردویو بو ائش ربّئن گؤزونده پئس ائدی.