[1] داوودون آخیر سؤزلری بونلاردیر: یَسّه اوغلو داوود دیئر! تارینین اوجالتدیغی آدام، یعقوبون تاریسینین مسح اتدئیی، ائسرایئلئن شئرئن مزمور شاعئری بله دیئر:
[2] ربّئن روحو منئم واسئطَمله ددی؛ اونون سؤزو دئلئمئن اوستونده ائدی.
[3] ائسرایئلئن تاریسی بله ددی، ائسرایئلئن قایاسی منه بله ددی: ائنسانلار اوستونده دوغرولوقلا حؤکم سورَن آدام، تارینین قورخوسو ائله حؤکم سورَن آدام،
[4] بولودسوز گؤیده، گون دوغارکَن صوبح شفقی کئمئدئر؛ شوعاسی یاغیشدان سونرا یردن تزه اوت بئتئرئر.
[5] مگر منئم اِوئم تاری ائله بله دیئل؟ چونکی او منئمله ابدی عهد باغلاییب، کامئل و تام تأمئناتلی عهد باغلاییب، مگر قورتولوشومو، مگر آرزومو تام حیاتا کچئرتمز؟
[6] بوتون دَیَرسئز آداملار تئکانلار کئمی آتیلاجاقلار، چونکی اونلاری هچ کئم اَلئنده توتا بئلمز.
[7] لاکئن اونلارا توخونانلار دمئرله، نئزه ساپی ائله سئلاحلانمالی‌دیرلار. دَیَرسئزلر یِرئنده‌جه کامئل یاندیریلاجاقلار.
[8] داوودون ائگئد دؤیوشچولرئنئن آدلاری بله‌دئر: تَخکِمونلو یوشِب‌بِشّبِت، اوچ ائگئدئن باشچیسی ائدی. او، نئزه‌سئنی قالدیریب بئر هوجومدا سکّئز یوز نفری ووروب اؤلدورموشدو.
[9] اوندان سونرا اَخوخ نسلئندن دودو اوغلو اِلعازار ائدی. او، دؤیوش اوچون اورادا ییغیلان فئلئسطلی‌لره میدان اوخوناندا، داوودون یانینداکی اوچ ائگئددن بئری ائدی. ائسرایئللی‌لر دؤیوش میدانیندان گِرئیه چکئلَنده
[10] اِلعازار مؤحکم دایاندی و قیلینج چکئب اَللری طاقتدن دوشَنه قدر فئلئسطلی‌لری قیردی و قیلینج اَلئنه یاپیشدی. رب او گون ائسرایئللی‌لره بؤیوک ظفر وردی. ائسرایئللی‌لر اونون دالینجا آنجاق تالان مالی گؤتورمک اوچون قاییتدیلار.
[11] اوندان سونرا هارارلی آگِه اوغلو شَمّا ائدی. فئلئسطلی‌لر مَرجئمَک اَکئلن بئر زمی ساحه‌سئنئن یانیندا ییغیلمیشدیلار. خالق فئلئسطلی‌لرئن قاباغیندان قاچدی.
[12] لاکئن شَمّا زمئنئن اورتاسیندا دوروب اورانی قورودو و فئلئسطلی‌لری قیردی. رب ائسرایئللی‌لره بؤیوک بئر ظفر وردی.
[13] بئچئن زامانی اوتوز باشچی آراسیندان «اوچ ائگئد» داوودون یانینا، عَدوللام ماغاراسینا گتدئلر. بو واخت فئلئسطلی‌لرئن بئر دؤیوش دسته‌سی رِفاعئم دره‌سئنده اوردوگاه قورموشدو.
[14] بو زامان داوود قالادا ائدی. فئلئسطلی‌لرئن بئر کشئکچی دسته‌سی ده بیت‌لِحِمده ائدی.
[15] داوود حسرت چکه‌رک ددی: «کاش کی، بئری بیت‌لِحِم دروازاسی یانینداکی قویودان منه ائچمک اوچون سو گتئرَیدی!»
[16] بونا گؤره بو «اوچ ائگئد» فئلئسطلی‌لرئن اوردوگاهینی یاریب، دروازانین یانیندا اولان بیت‌لِحِم قویوسوندان سو چکدئلر و اونو گؤتوروب داوودا گتئردئلر. لاکئن داوود ائستمه‌دی کی، بو سویو ائچسئن و اونو ربّه تقدئم اولاراق یره تؤکدو.
[17] و ددی: «یارب، بونو اتمک مندن ائراق اولسون، مگر من بو آداملارین قانیندان کی، گدئب جانلارینی خطره سالدیلار، ائچه‌جیم؟» بونا گؤره ده ائستمه‌دی کی، بو سویو ائچسئن. بونلاری او «اوچ ائگئد» اتمئشدی.
[18] یوآبین قارداشی صِرویا اوغلو اَبشه‌ی او اوتوزون باشچیسی ائدی. او، نئزه‌سئنی اوچ یوز نفرئن ضئدّئنه قالدیریب اونلاری قیردی. بونا گؤره اونون دا آدی اوچ ائگئدئن آدی قدر شؤهرتلَندی.
[19] اصلئنده او، اوتوز نفرئن لاپ شؤهرتلئسی ائدی. بونا گؤره ده اونلارا باشچی اولدو. لاکئن او اوچ ائگئده یتئشمه‌دی.
[20] یِهویاداع اوغلو بِنایا دا ائگئد آدام ائدی و بؤیوک ائشلر گؤرموشدو. او، قَبصِه‌اِلدن گلمئشدی. بِنایا موآبلی اَری‌اِلئن ائکی اوغلونو اؤلدوردو. او، قارلی گونده چوخورا اِنئب بئر شئر اؤلدوردو.
[21] او هم ده قد-قامتلی بئر مئصئرلئنی ووروب اؤلدوردو. مئصئرلئنئن اَلئنده نئزه وار ائدی. بِنایا اونون اوستونه دَیَنَکله گتدی و مئصئرلئنئن اَلئندن نئزه‌سئنی چکئب آلدی، اونو اؤز نئزه‌سی ائله اؤلدوردو.
[22] بونلاری یِهویاداع اوغلو بِنایا اتدی. بونا گؤره ده اونون «اوچ ائگئد» قدر شؤهرتی وار ائدی.
[23] او، «اوتوز ائگئد» آراسیندا مشهور ائدی، لاکئن او اوچ ائگئده یتئشمزدی. داوود اونو اؤز کشئکچئلرئنه باشچی قویدو.
[24] اوتوز ائگئدئن آراسیندا اولانلار: یوآبین قارداشی عَساهِل، بیت‌لِحِملی دودو اوغلو اِلخانان،
[25] خَرودلو شَمّا و اِلئقا،
[26] پَلَطلی خِلِص، تِقوعه‌لی عئقّش اوغلو عئرا،
[27] عَناتوتلو اَبئعِزِر، خوشالی مِبونّه‌ی،
[28] اَخوخلو صَلمون، نِطوَفالی مَهره‌ی،
[29] نِطوَفالی بَعَنا اوغلو خِلِب، بِنیامئن اؤولادلاریندان گئبعالی رئبه‌ی اوغلو ائتّه‌ی،
[30] پئرعاتونلو بِنایا، گاعَش دره‌لرئندن هئدّه‌ی،
[31] عَربالی اَبی عَلبون، بَرخوملو عَزما‌وِت،
[32] شَعَلبونلو اِل‌یَخبا، یاشِنئن اوغوللاری، یوناتان،
[33] هَرارلی شَمّا، اَرارلی شارار اوغلو اَخئآم،
[34] مَعَکا‌لی اَخَسبه‌ی اوغلو اِلئفِلِط، گئلو‌لو اَخئتوفِل اوغلو اِلئعام،
[35] کَرمِل‌لی خِصره‌ی، اَرَ‌بلی پَعه‌ره‌ی،
[36] صوبالی ناتان اوغلو یئگال، جادلی بانی،
[37] عَمّونلو صِلِق، صِرویا اوغلو یوآبین سئلاحداری اولان بِعِروتلو نَخره‌ی،
[38] یَتّئرلی عئرا و یَتّئرلی گارِب،
[39] خئتلی اورئیا. هامیسی بئرلئکده اوتوز یدّی نفر ائدئلر.