[1] داوود ائسرایئلده تزه‌دن بوتون سچمه آداملاری ییغدی. اونلار اوتوز مئن نفر ائدئلر.
[2] داوود دوروب یانینداکی خالقلا بئرلئکده بَعَله‌یهودا شهرئنه گتدئلر کی، کرّوبلار اوستونده تخت قوران قوشونلار ربّئنئن آدی ائله تانینان تارینین ساندیغینی اورادان چیخارتسینلار.
[3] تارینین ساندیغینی بئر تزه عارابایا قویوب، عَبئنادابین تپه‌ده‌کی اِوئندن چیخارتدیلار. تزه عارابانی عَبئنادابین اوغوللاری عوزّا و اَخیو سوروردولر.
[4] اونلار تارینین ساندیغینی عَمّئنادابین تپه‌ده‌کی اِوئندن عارابایا قویوب چیخارتدیلار. اَخیو ساندیغین قاباغیندا گدئردی.
[5] بو آرادا داوودلا بوتون ائسرایئل نسلی ربّئن حوضوروندا بوتون قووّتلری ائله جشن توتموشدولار و چنگلر، طنبورلار، دفلر، زئنقئروولار و سئنجلرله چالیب اویناییردیلار
[6] ناکونون خرمنگاهینا چاتاندا، اؤکوزلر بودره‌دئلر و عوزّا اَل اوزادیب تارینین ساندیغیندان توتدو.
[7] عوزّا‌نین ضئدّئنه ربّئن قضبی آلوولاندی و تاری اونو سَهوئنه گؤره اورادا ووردو. عوزّا اورادا، تارینین ساندیغی یانیندا اؤلدو.
[8] داوود ربّئن عوزّا‌نی وورماسیندان قضبلَندی. او یره بو گونه قدر پِرِص‌عوزّا دیئلئر.
[9] همئن گون داوود ربدن قورخوب ددی: «ربّئن ساندیغی منئم یانیما نجه گله بئلر؟»
[10] داوود مایئل دیئلدی کی، ربّئن ساندیغینی اؤز یانینا، داوودون شهرئنه آپارسین. ساندیغی یولوندان دؤندَ‌رئب گَتلی عوبِد اِدومون اِوئنه قویدو.
[11] ربّئن ساندیغی اوچ آی گَتلی عوبِد اِدومون اِوئنده قالدی. رب عوبِد اِدوما و اونون بوتون عایئله‌سئنه برکت وردی.
[12] داوود پادشاها خبر ورئلئب دیئلدی: «رب عوبِد اِدومون اِوئنه و اونا مخصوص هر شیه تارینین ساندیغینا گؤره برکت ورئب.» داوود گدئب عوبِد اِدومون اِوئندن تارینین ساندیغینی شادلیقلا داوودون آدی ورئلن شهره گتئردی.
[13] ربّئن ساندیغینی داشییانلار آلتی قدم گدندن سونرا، داوود بئر اؤکوز و کؤکَلدئلمئش بئر بوزوو قوربان کسدی.
[14] او، کتان اِفود گیئب ربّئن حوضوروندا وار گوجو ائله اویناییردی.
[15] داوودلا بوتون ائسرایئل نسلی ربّئن ساندیغینی های-کوی و کَره‌نای سَسی ائله گتئرئردئلر.
[16] ربّئن ساندیغی داوودون شهرئنه گتئرئلَنده، شاعولون قیزی مئکَل پنجره‌دن باخیب داوود پادشاهی ربّئن قاباغیندا آتیلیب اوینایارکَن گؤردو و اوره‌یئنده اونا حقارت اتدی.
[17] بله‌جه ربّئن ساندیغینی گتئرئب داوودون اونون اوچون قوردوغو چادیرین ائچه‌رئسئنده اونون اوچون آیریلان یره قویدولار. داوود ربّئن حوضوروندا یاندیرما و باریش قوربانلاری کسدی.
[18] داوود یاندیرما و باریش قوربانلارینی تقدئم ادئب قورتاراندان سونرا، قوشونلار ربّئن آدی ائله خالقا برکت وردی.
[19] بوندان علاوه، خالقین هامیسینا، بوتون ائسرایئل جاماعاتینا، ائستر آرواد، ائستر کئشی، هَره‌یه بئر کؤمبه چؤرک، بئر پارچا خورما لاواشاسی و بئر پارچا کئشمئش لاواشاسی پایلادی. سونرا خالقین هامیسی اؤز اِوئنه قاییتدی.
[20] داوود اؤز عایئله‌سئنه برکت ورمک اوچون قاییداندا، شاعولون قیزی مئکَل داوودون قاباغینا چیخیب اونا ددی: «گؤر بو گون ائسرایئلئن پادشاهی نجه ده شرف قازاندی! سَفِه‌لردن بئری کئمی اوتانمادان بو گون اعیانلارینین کنئزلری قاباغیندا سویوندو!»
[21] داوود مئکَله ددی: «بو او ربّئن حوضوروندا ائدی کی، منی آتانین و اونون بوتون نسلئنئن یرئنه سچدی و اؤز خالقی ائسرایئله حؤکمدار قویدو. بونا گؤره ده ربّئن حوضوروندا شَنلئک اده‌جیم.
[22] بوندان سونرا بوندان بَتَر آلچالیب اؤز منلئیئمی هچ اده‌جیم، لاکئن سن ددئیئن آداملارین کنئزلری قاباغیندا بؤیوک اولاجاغام.»
[23] شاعول قیزی مئکَلئن اؤلَنه قدر هچ اؤولادی اولمادی.