[1] སྦྲང་བུ་ཤི་རོས་སྤོས་བཟོ་བྱེད་ཀྱི་སྣུམ་ལ་དྲི་ངན་ཐུལ་དུ་འཇུག་པ་ལྟར། བླུན་རྟགས་གིས་ཀྱང་ཤེས་རབ་དང་གཟི་བརྗིད་གནོན་པར་འགྱུར།
[2] མཁས་པའི་སྙིང་ནི་གཡས་ཕྱོགས་དང་། བླུན་པོའི་སྙིང་ནི་གཡོན་ཕྱོགས་སུ། ༼མདོ་འདི་ངོ་མས་གོ་དཀའ་མོ་ཞིག་འདུག༽
[3] བླུན་པོའི་བྱ་སྤྱོད་ཀྱིས་ཁོ་ལ་ཤེས་རབ་མེད་པ་སྟོན་པ་དང་། དེས་མི་ཀུན་ལ་ང་རང་བླུན་པོ་ཡིན་ཞེས་ཟེར།
[4] ཇི་སྟེ་དབང་སྒྱུར་མཁན་ཁྱོད་ལ་ཁྲོས་ན་རང་གི་གནས་དང་མ་འབྲལ་ཞིག ཅིའི་ཕྱིར་ཞེ་ན། བློ་ལྷོད་པོས་ཉེས་པ་ཆེན་པོ་རྣམས་ཀྱང་ཞི་བར་བྱེད་དོ། །
[5] ངས་ཉི་མའི་འོག་ཏུ་རྐྱེན་ངན་ཞིག་ཡོད་པ་མཐོང་ཞིང་། དེ་ནི་དབང་སྒྱུར་མཁན་ལས་བྱུང་བ་འདྲ་སྟེ།
[6] བླུན་པོ་རྣམས་མཐོ་སར་སྡོད་པ་དང་། ཕྱུག་པོ་དམན་སར་སྡོད་པ་ཡིན།
[7] ངས་གཡོག་པོ་རྣམས་རྟ་ཐོག་དང་། རྒྱལ་སྲས་རྣམས་བྲན་པོ་ལྟར་རྐང་པ་བརྒྱབ་ནས་འགྲུལ་བ་མཐོང་ངོ་། །
[8] ས་དོང་འབྲུ་མཁན་ནི་རང་ཉིད་དེའི་ནང་དུ་འགྲིལ་བར་འགྱུར། ར་བཤིག་མཁན་ལ་སྦྲུལ་གྱིས་སོ་འདེབས་པར་འགྱུར།
[9] རྡོ་བཟོ་མཁན་ལ་གནོད་པ་ཐེབས། ཤིང་གཤག་མཁན་ལ་ཉེན་ཁ་ཆེ།
[10] སྟ་རེ་རྟུལ་པོ་ཁ་མ་བཏོན་ན་ཤེད་མང་དུ་གཏོང་དགོས་འབྱུང་། འོན་ཀྱང་ཤེས་རབ་ཀྱིས་མི་ནི་རྒྱལ་བར་བྱེད།
[11] སྔགས་མ་བརྒྱབ་གོང་ལ་སྦྲུལ་གྱིས་སོ་བཏབ་ན། སྔགས་པ་ལ་ཕན་ཐོགས་ཅི་ཡང་མེད།
[12] མཁས་པའི་ཞལ་ནས་ལེགས་བཤད་གསུངས་པ་དང་། བླུན་པོའི་མཆུ་ཡིས་རང་ཉིད་མིད་པར་བྱེད།
[13] དེའི་གཏམ་གྱི་ཐོག་མ་ནི་བླུན་བཤད་དང་། མཐའ་མ་ནི་སྨྱོན་རྟགས་ངན་པ་ཡིན།
[14] བླུན་པོར་སྨྲ་བ་མང་ཡང་ཕྱིས་སུ་ཅི་འབྱུང་མི་ཤེས་ཏེ། དེའི་རྗེས་སུ་འབྱུང་བའི་དོན་ནི་སུ་ཞིག་གིས་འཆད་ནུས་སམ།
[15] བླུན་པོ་དག་ནི་གྲོང་ཁྱེར་ལའང་འགྲོ་མི་ཤེས་པས། རེ་རེ་རང་གི་ལས་ཀྱིས་དུབ་པར་བྱེད།
[16] ཀྱེ་རྒྱལ་ཁམས། ཁྱོད་ཀྱི་རྒྱལ་པོ་ནི་བྱིས་པ་ཡིན་ཞིང་། བློན་པོ་ཚོས་ཞོགས་པའི་དུས་སུ་བཟའ་བཏུང་བག་མེད་དུ་སྤྱོད་ན་ཁྱོད་ལ་ཆག་སྒོ་འབྱུང་བར་ངེས།
[17] ཀྱེ་རྒྱལ་ཁམས། ཁྱོད་ཀྱི་རྒྱལ་པོ་ནི་སྐུ་དྲག་གི་སྲས་ཡིན་པ་དང་། ཁྱོད་ཀྱི་བློན་པོ་ཚོས་བཟི་བར་མི་འདོད་པར་རང་ལ་སྟོབས་བསྐྱེད་དུ་དུས་ལྟར་ཟས་སྤྱོད་ན་ཁྱོད་བཀྲ་ཤིས་པ་ཡིན།
[18] ལེ་ལོ་ཡིན་པས་ཁང་ཀླད་རྡིབ་པ་དང་། ལག་དལ་བས་ཁང་བར་ཐིགས་ཆུ་ཡོང་།
[19] གད་མོའི་ཕྱིར་སྟོན་མོ་བྱེད་ཅིང་རྒུན་ཆང་གིས་སྐྱིད་པར་བྱེད། དངུལ་གྱིས་དོན་ཐམས་ཅད་འགྲུབ་པར་བྱེད།
[20] རྒྱལ་པོ་ལ་སྨོན་ལོག་འདེབས་མི་རུང་ལ་དེ་ལྟར་བསམ་ཡང་མི་རུང་། རང་གི་གཟིམ་ཁང་ནང་དུ་ཕྱུག་པོ་ལ་དམོད་མོ་མ་བྱེད་ཅིག ཅིའི་ཕྱིར་ཞེ་ན། ནམ་མཁའི་བྱ་ཡིས་སྐད་སྒྲ་འཁྱེར་ཞིང་། གཤོག་ལྡན་གྱིས་ནི་གཏམ་དེ་འཆད་པར་འགྱུར།