[1] فَریسی‌لِر بیلِن صادّوقی‌لار عیسانینگ یانینا گِلدیلِر. اُلار عیسانی ایمتِحان اوچین، اُنونگ اُزلِرینه آسماندان بیر عالامات گُرکِزمِگینی ایسلِدیلِر.
[2] اُل شِیله جُغاپ بِردی: «آغشام دوشِنده: ”آسمانینگ یوزی قیزاریپ دور، هُوا قاوی بُلجاق“ دییَّرسینگیز.
[3] اِرتیرینه هِم: ”آسمانینگ یوزی قارالیپدیر هِم توتوق، بو گون قای تورجاق“ دییَّرسینگیز. سیز آسمانا گُزَپ هُوانینگ یاغدایینی سایغاریپ بیلیَرسینگیز-ده، زامانینگ عالاماتلارینی سایغاریپ بیلمِیَرسینگیزمی؟
[4] بو زامانینگ یامان هِم خودایا بیوِفا نِسلی بیر عالامات طالاب اِدیَر، اِمّا اُنگا یونس پیغامبارینگقیدان باشغا عالامات بِریلمِز.» شِیلِلیکده، عیسی اُلاردان آیریلیپ گیتدی.
[5] شَگیرتلِری دِریانینگ بِیلِکی طارافینا گِچِنلِرینده، چُرِک آلماغی یاددان چیقاریارلار.
[6] عیسی اُلارا: «خاباردار بُلونگ! فَریسی‌لِر بیلِن صادّوقی‌لارینگ خامیرمایاسیندان داش دورونگ» دییدی.
[7] اُلار بیری-بیرینه: «اُل مونی بیزینگ چُرِک آلماندیغیمیز اوچین شِیله دییَندیر» گومَن اِتدیلِر.
[8] اِمّا عیسی اُلارینگ نَمه دییّشیَندیکلِرینی بیلیپ، شِیله دییدی: «اِی ایمانی آزلار! چُرِک آلماندیریس دییشیپ، نَمه اُزآرانگیزدا چِکِلِشیَرسینگیز؟
[9] هِنیز هِم دوشونِنگیزُقمی؟ بَش چُرِک بیلِن بَش مونگ آدامینگ دُیاندیغی، آرتانینینگ نَچه سِبِد بُلاندیغی یادینگیزا دوشمِیَرمی؟
[10] یِدی چُرِک بیلِن دُرت مونگ آدامینگ دُیاندیغی، آرتانیندان نَچه سِبِدی دُلدوریپ ییغناندیغینگیز هِم یادینگیزا دوشِنُقمی؟
[11] سیز نَدیپ چُرِک بارادا گورّونگ اِتمِیَندیگیمه دوشونِنگیزُق؟ مِن سیزه: ”فَریسی‌لِر بیلِن صادّوقی‌لارینگ خامیرمایاسیندان داش دورونگ“ دییَّرین.»
[12] شَگیرتلِر عیسانینگ اُزلِرینه خامیرمایا دَل-ده، فَریسی‌لِر بیلِن صادّوقی‌لارینگ تَعلیماتیندان قُرانینگ دییَندیگینه شُندا دوشوندیلِر.
[13] عیسی قیصریه-فیلیپُس شَهرینینگ قُلایینا گِلِنده، شَگیرتلِریندِن: «آداملار اینسان اُغلونا کیم دییَّرلِر؟» دییّپ سُرادی.
[14] شَگیرتلِری اُنگا: «کَبیرلِری یحیی تَعمید بِریَنچی، کَبیرلِری اِلیاس، کَبیرلِری اِرمیا، یا-دا پیغامبارلاردان بیری دییَّرلِر» دییّپ جُغاپ بِردیلِر.
[15] عیسی اُلاردان: «سیز مانگا کیم دییَّرسینگیز؟ سیزینگ فیکرینگیزچه مِن کیم؟» دییّپ سُرادی.
[16] شمعون پِطرُس: «سِن دیری خودایینگ اُغلی مسیحسینگ» دییّپ جُغاپ بِردی.
[17] عیسی اُنگا شِیله دییدی: «نَهیلی خوشواقت سِن، اِی یونانینگ اُغلی شمعون! بو سیری سانگا آیان اِدِن اینسان دَل-ده، آسمانداقی آتامدیر.
[18] مِن سانگا شونی آیدایین: اِی پِطرُس، سِن قایاسینگ، مِن کِلیسامی بو قایانینگ اوستونده قورارین، حتّیٰ اُلوم-ده بو کِلیسامی یِنگیپ بیلمِز.
[19] آسمانینگ پادیشاهلیغینینگ آچارلارینی سانگا بِرِرین. یِر یوزونده باغلانزادینگ آسماندا-دا باغلانار. یِر یوزونده آچانزادینگ آسماندا-دا آچیلار.»
[20] سُنگرا شَگیرتلِرینه عیسی اُزونینگ مسیحدیگینی هیچ کیمه آیتمازلیغی تابشیردی.
[21] شُندان سُنگ عیسی شَگیرتلِرینه اُزونینگ اورشلیمه گیتمِلیدیگینی، یاشولیلارینگ، یُلباشچی کاهینلارینگ و دین عُلَمالارینگ اِلیندِن کَن عاذاپلار گُرمِلیدیگینی، اُلدوریلیپ، اوچولِنجی گون دیرِلمِلیدیگینی دوشوندیرمَگه باشلادی.
[22] پِطرُس اُنی بیر چِته چِکیپ: «آقام، خودای ساقلاسین! سِنینگ باشینگا آصلا بِیله ایش دوشمِز!» دییّپ، اُنگا کَیِمَگه باشلادی.
[23] اِمّا عیسی پِطرُس طارافا اُورولیپ: «چِکیل اُوومدِن، شِیطان! سِن مانگا پَسگِل بُلیارسینگ، سِبَبی سِن خودایینگ ایشلِرینی دَل-ده، اینسان ایشلِری حاقدا فیکر اِدیَرسینگ» دییدی.
[24] سُنگرا عیسی شَگیرتلِرینه یوزلِنیپ: «کیم مِنینگ ایزیما دوشمِک ایسلِیَن بُلسا، اُزونی اینکَر اِتسین-ده، صلیبینی آلیپ، ایزیما دوشسون.
[25] هِر کیم جانینی نِجات بِرمِک ایسلِیَن، اُنی ییتیرِر، اِمّا کیم جانینی مِنینگ اوچین ییتیرسه، اُنی نِجات بِرِر.
[26] اینسان هِمّه دونیَه‌نی قازانسا-دا جانیندان ماحروم بُلسا، مونونگ اُنگا نَمه پِیداسی بار؟ یا-دا اینسان اُز جانینا دِرِک نَمه بِریپ بیلِر؟
[27] اینسان اُغلی آتاسینینگ بِییکلینده اُز پِریشده‌لِری بیلِن گِلِنده، هِر کیمه اِدِن ایشلِرینه گُرَه حاقینی بِرِر.
[28] سیزه دُغروسینی آیدیارین: بو یِرده دورانلارینگ کَبیری اینسان اُغلونینگ پادیشاه بُلوپ گِلیَنینی اُلمَنکَه گُرِرلِر.»