[1] آرادان کَن واقت گِچمَنکَه، بیر سَبَّت گونی عیسی بوغدایلیغینگ آراسیندان گِچیپ باریاردی. اُنونگ شَگیرتلِری آجیغیپ، بوغدای باشلارینی یُلوپ اییمَگه باشلادیلار.
[2] مونی گُرِن فَریسی‌لِر اُنگا: «سِراِت، سِنینگ شَگیرتلِرینگ سَبَّت گونی قاداغان اِدیلِن زادی اِدیَرلِر» دییدیلِر.
[3] عیسی اُلارا شِیله جُغاپ بِردی: «داوود بیلِن یانینداقیلار آچ قالانلاریندا، سیز داوودینگ نَمه اِدِندیگینی آصلا اُقیمادینگیزمی؟
[4] اُل خودایینگ اُیونه گیریپ، هُدورلِنِن چُرِکلِرینی اییدی، یانینداقیلار هِم اییدیلِر. بو اُلار اوچین قاداغاندی، یِکه کاهینلارا اِجازا بِرلِندی.
[5] اُندا، سیز عیباداتخانادا سَبَّت گونونینگ حُرماتلارینی ساقلاماسالار-دا، کاهینلارینگ گونَه‌سیز حاساپلاناندیغینی تُورات‌دا اُقیمادینگیزمی؟
[6] مِن سیزه شونی آیدایین: بو یِرده عیباداتخانادان-دا بِییک بیری بار.
[7] سیز: ”مِن قربانلیق دَل-ده، رِحم-شِپاقات ایسلِیَرین“ دییِن سُزونگ مَعنیسینی بیلسِدینگیز، گونَه‌سیزلِری مَحکوم اِتمِزدینگیز.
[8] چونکی اینسان اُغلی حتّیٰ سَبَّت گونونینگ-ده حُکومداریدیر.»
[9] عیسی اُل یِردِن قایدیپ، اُلارینگ کِنیسه‌سینه باردی.
[10] اُل یِرده اِلی قوران بیر آدام باردی. عیسانی عاییپلاجاق بُلوپ، اُندان: «سَبَّت گونی شِفا بِرمِک بُلارمی؟» دییّپ سُرادیلار.
[11] عیسی اُلارا: «سیزدِن هایسینگیز بیر قُینونگیز بُلوپ، اُل-دا سَبَّت گونی چوقورا قاچسا، اُنی چیقارمازمیسینگیز؟
[12] اینسان قُیوندان خاص قیماتلیدیر! مونونگ اوچین سَبَّت گونی یاخشیلیق اِتمِک بُلار» دییّپ جُغاپ بِردی.
[13] سُنگرا عیسی یانگقی آداما: «اِلینگی اوزات» دییدی. اُل اوزادان واقتیندا اُنونگ اِلی اِدیل بِیلِکی اِلی یالی شِفا تاپدی.
[14] فَریسی‌لِر داشاری چیقیپ، عیسانی نَدیپ یُق اِتمِلیدیگی بارادا ماصلاحاتلاشدیلار.
[15] اِمّا عیسی مونی بیلیپ، اُل یِردِن گیتدی. کَن آداملار اُنونگ ایزینا دوشدولِر، عیسی هِمّه مِریضلِری شِفا بِردی.
[16] عیسی اُزونینگ کیمدیگینی هیچ کیمه آیتمازلیغی اُلارا تابشیردی.
[17] بو اِشعیا پیغامبار سِبَبی آیدیلان شو سُزونگ بِرجای بُلماغی اوچیندی:
[18] «اینه، مِنینگ سایلان بِندَم، گُونوخُش بُلوپ، اُنی سُیِنیم؛ روحومی اُنونگ اوستونه قُیارین، اُل میلِّتلِره عادالاتی اِعلان اِدِر.
[19] اُل داعوالاشماز، سِسینی قالدیرماز، کُچه‌لِرده هیچ کیم اُنونگ سِسینی اِشیتمِز.
[20] اُل عادالاتی یِرینه یِتیریَنچَه، یِمشیلِن قامشینی دُومِز، توتِیَن پِلتَنی سُندورمِز.
[21] هِمّه میلِّتلِر اُنونگ آدینا اومید باغلارلار.»
[22] سُنگرا عیسانینگ یانینا دیوانا کُر هِم لال آدامی گِتیردیلِر. عیسی اُنی شِفا بِرِندِن سُنگ، یانگقی آدام کِپلِمَگه و گُرمَگه باشلادی.
[23] هِمّه خالق گِنگ قالیپ: «بو آدام داوودینگ اُغلی دَلمیکَه؟» دییّشدی.
[24] مونی اِشیدِن فَریسی‌لِر: «بو آدام جینلاری، جینلارینگ رِییسی بِعِلزِبولونگ کُمِگی بیلِن کُووپ چیقاریار» دییدیلِر.
[25] اِمّا عیسی اُلارینگ فیکرلِرینی بیلیپ، شِیله دییدی: «ایچینده بُلونیشیک بُلان پادیشاهلیق دارغار، اُز ایچیندِن بُلونِن شَهر یا-دا اُی قاییم دوروپ بیلمِز.
[26] شِیطان شِیطانی کُویان بُلسا، اُندا ایچینده بُلونیشیک باردیر، اُنسُنگ اُنونگ پادیشاهلیغی نَهیلی دورار؟
[27] اِگِر مِن جینلاری بِعِلزِبولونگ کُمِگی بیلِن، اُندا سیزینگ آداملارینگیز اُلاری کیمینگ کُمِگی بیلِن کُویارلار؟ شو سِبَپلی هِم اُز آداملارینگیز سیزه قاضیلیق اِدِرلِر.
[28] مِن جینلاری خودایینگ روحی بیلِن کُویان بُلسام، اُندا خودایینگ پادیشاهلیغی سیزه-ده گِلِندیر.
[29] کیم گویچلی آدامینگ اُیونه گیریپ، مالینی تالاپ بیلِر؟ اَوَّل اُنی دانگمالی بُلار، اُنسُنگ اُیونی تالار.
[30] «مِنینگ بیلِن بُلمادیق مانگا قارشیدیر، مِنینگ بیلِن ییغنامادیق اُنی دارغادیاندیر.
[31] شُنونگ اوچین سیزه شونی دییَّرین: اینسانلارینگ هِر بیر گونَه‌سی، هِر بیر زادا دیل یِتیرمِسی باغیشلانار، اِمّا مُقادِّس روحا دیل یِتیرمِکلیک باغیشلانماز.
[32] اینسان اُغلونا قارشی آیدیلان سُز باغیشلانار، اِمّا مُقادِّس روحا قارشی آیدیلان سُز باغیشلانماز. اُل شو زاماندا-دا، گِلجِکده-ده باغیشلانماز.
[33] «قاوی باغ اِکینگ، اُنونگ میوه‌سی-ده قاوی بُلار، تِلِکه باغ اِکسِنگیز، تِلِکه میوه آلارسینگیز، سِبَبی باغ میوه‌سیندِن تانیلیاندیر.
[34] اِی ییلانینگ نِسلی! آغیز یورِگینگ دُلولیغیندان سُزلِیَندیر. شِیلِلیکده، اُزونگیز یامانقانگیز، نَدیپ سیز قاوی زاتلار سُزلَپ بیلِرسینگیز؟
[35] یاخشی آدام یورِگینینگ یاخشیلیق خازیناسیندان یاخشیلیق چیقارار و یامان آدام یورِگینینگ یامانلیق خازیناسیندان یامانلیق چیقارار.
[36] مِن سیزه شونی دییَّرین: آداملار آیدان هِر بیر بُش سُزی اوچین قیامات گونی حاساپ بِرِرلِر.
[37] شُل گونی سیز اُز سُزونگیز بیلِن آقلانیپ، اُز سُزونگیز بیلِن مَحکوم اِدیلِرسینگیز.»
[38] شُندا کَبیر دین عُلَمالار و فَریسی‌لِر اُنگا جُغاپ بِریپ: «اُستاد، بیز سِندِن بیر عالامات گُرمِک ایسلِیَریس» دییدیلِر.
[39] عیسی اُلارا شِیله جُغاپ بِردی: «بو زامانینگ یامان هِم خودایا بیوِفا نِسلی عالامات طالاب اِدیَر، اِمّا اُنگا یونس پیغامبارینگقیدان باشغا عالامات بِریلمِز.
[40] یونسینگ اوچ گیجه-گوندیز بالیغینگ قارنیندا قالیشی یالی، اینسان اُغلی-دا اوچ گیجه-گوندیز یِرینگ باغریندا قالار.
[41] نینِوا خالقی قیامات گونی بو نِسله قارشی چیقیپ، اُنی مَحکوم اِدِر، سِبَبی نینِوا خالقی یونسینگ واغظی بیلِن توبا گِلدی. اینه، بو یِرده یونسدان هِم اوستون بیری بار.
[42] ایلِرکی مِلِکه قیامات گونی بو نِسله قارشی چیقیپ، اُنی مَحکوم اِدِر، سِبَبی اُل سلیمانینگ حِکمِتینی دینگلِمِک اوچین، یِرینگ آنگری اوجوندان گِلدی. اینه، بو یِرده سلیماندان-دا اوستون بیری بار.
[43] «آرخو-جین آدامدان چیقاندان سُنگ، قوراق یِرلِره آیلانیپ، دینچلیق گُزلِیَر، اِمّا تاپمایار.
[44] شُندا اُل: ”چیقان اُیومه دُلانایین“ دییّپ گِلِنده، اُیونگ سوپورگیلی، هِمّه زادینگ تِرتیبلی و بُشدوغینی گُریَر.
[45] سُنگرا گیدیپ، اُزوندِن هِم تِلِکه یِدی روحی یانینا آلیار-دا، شُل یِره باریپ مِسگِن توتیار. شِیلِلیکده، اُل آدامینگ سُنگقی یاغدایی اُزالقیسیندان هِم تِلِکه بُلیار. بو یامان نِسله-ده شِیله بُلار.»
[46] عیسی جِماغاتا گورّونگ بِریپ دورقا، اِنه‌سی بیلِن دُغانلاری گِلدی. اُلار عیسی بیلِن کِپلِشجِک بُلوپ، داشاردا دوردیلار.
[47] بیری عیسی: «اِنه‌نگ بیلِن دُغانلارینگ داشاردا دورلار، اُلار سِنینگ بیلِن کِپلِشمِک ایسلِیَرلِر» دییدی.
[48] اِمّا عیسی مونی آیدانا: «مِنینگ اِنِم کیم؟ دُغانلاریم کیم؟» دییّپ جُغاپ بِردی.
[49] اُل اِلینی اُز شَگیرتلِرینه طاراف اوزادیپ: «اینه، مِنینگ اِنِم، مِنینگ دُغانلاریم.
[50] آسمانداقی آتامینگ ایسلِگینی کیم بِرجای اِتسه، شُل مِنینگ دُغانیم، آیال دُغانیم هِم اِنه‌مدیر» دییدی.