[1] Шулай итеп, Мәсих тән газабы кичергән кебек, сез дә шундый ук фикерләү рәвеше белән коралланыгыз, чѳнки тән газабы кичерүче гѳнаћтан читкә борылды,
[2] нәтиҗәдә бу дѳньяда калган вакытын инде кеше нәфесе буенча түгел, бәлки Аллаћы ихтыяры буенча яши.
[3] Гомерегезнењ шактый ѳлешен мәҗүсиләр кебек азгынлыкка, гѳнаћлы теләккә, эчкечелеккә, кирәгеннән артык күп ашау-эчүгә бирүегез ћәм җирәнгеч потларга табынуыгыз инде җитәр.
[4] Шуња күрә мәҗүсиләр хәзер сезнењ үзләре белән бергә шул ук азгынлыкларда катнашмавыгызга гаҗәпләнәләр ћәм шуныњ ѳчен сезне яманлыйлар.
[5] Алар үлеләрне ћәм тереләрне хѳкем итәргә әзер булган Аллаћыга җавап бирергә тиеш.
[6] Шуња күрә Яхшы хәбәр инде үле булганнарга да игълан ителде. Чѳнки, барлык кешеләрнеке кебек, тәннәре үлемгә тапшырылса да, алар рухлары белән Аллаћы кебек яшиләр.
[7] Һәр нәрсәнењ ахыры якынлаша. Шуња күрә, дога кыла алу ѳчен аек ћәм тотнаклы булыгыз.
[8] Барыннан да бигрәк бер-берегезне эчкерсез яратыгыз, чѳнки мәхәббәт күп гѳнаћларны юкка чыгара,
[9] бер-берегезгә зарланусыз кунакчыл булыгыз.
[10] Аллаћыдан нинди сәләт алган булсагыз, ћәрберегез шул сәләт белән бер-берегезгә хезмәт итегез. Яхшы идарәчеләр кебек, Аллаћы тарафыннан бирелгән тѳрле сәләтләрне кулланыгыз.
[11] Берәү сѳйли икән, Аллаћы сүзләрен әйткән кебек сѳйләсен, берәү хезмәт күрсәтә икән, Аллаћы биргән кѳч белән хезмәт итсен, шулар белән Гайсә Мәсих аша ћәрнәрсәдә Аллаћы данланыр. Мәсихкә мәњге-мәњгегә дан ћәм кодрәт. Амин.
[12] Сѳеклеләрем! Сезне сынау ѳчен җибәрелгән куркыныч вәсвәсәне үзегез белән булган ниндидер сәер хәл кебек күреп гаҗәпләнмәгез.
[13] Киресенчә, Мәсихнењ даны ачылганга да тантана итеп куану ѳчен, Аныњ газапларында катнашучы буларак шатланыгыз.
[14] Сезне Мәсих исеме ѳчен мыскыл итәләр икән, сез бәхетле, чѳнки сездә дан Рухы, Аллаћы Рухы яши.
[15] Әгәр берегез газап чиксә, кеше үтерүче яки карак, явызлык кылучы яки башкалар эшенә тыкшынучы буларак газап чигәргә тиеш түгел.
[16] Ә мәсихче буларак газап чигәсез икән, оялмагыз, бәлки мәсихче исемен йѳртүегез ѳчен Аллаћыны данлагыз.
[17] Чѳнки Аллаћыныњ хѳкем итә башлау вакыты җитте. Ињ элек Ул үзенекеләрен хѳкем итәчәк. Бу бездән башланса, Аллаћыныњ Яхшы хәбәренә итагать итмәгәннәрнењ ахыры ничек булыр? Изге язмада язылганча:
[18] «Әгәр тәкъва кеше кѳчкә котыла икән, Имансыз ћәм гѳнаћлы кая барыр?»
[19] Шулай итеп, Аллаћы ихтыяры буенча газап чигүчеләр үз җаннарын тугры Тудыручыга тапшырсыннар ћәм игелек кылуларын дәвам итсеннәр.