[1] وَ فِي السَّنَةْ الرَّابْعَةْ هَنَا حُكُمْ يَهُويَقِمْ وِلَيْد يُوشِيَّا مَلِكْ يَهُوذَا، بَرُوكْ وِلَيْد نَرِيَّا كَتَبْ فِي الْكِتَابْ الْمَلْفُوفْ الْكَلَامْ الْقَالَهْ لَيَّهْ النَّبِي إِرْمِيَا. وَ إِرْمِيَا حَجَّى لَيَّهْ وَ قَالْ:
[2] «يَا بَرُوكْ! دَاهُو اللّٰهْ إِلٰـهْ بَنِي إِسْرَائِيلْ قَالْ فَوْقَكْ:
[3] ‹إِنْتَ قُلْت: ”يَا خَسَارْتِي! اللّٰهْ زَادْ لَيِّ حِزِنْ فِي تَعَبِي. عِيِيتْ مِنْ الْقَنِتِينْ وَ مَا لِقِيتْ رَاحَةْ.“›
[4] «دَاهُو كَلَامْ اللّٰهْ الْحَجَّاهْ لَيِّ لِنُقُولَهْ لَيْك. هُو قَالْ: ‹أَنَا نَخْرِبْ الْبَنَيْتَهْ وَ نَمْرُقْ الثَّبَّتَّهْ. وَ دَا نِسَوِّيهْ فِي كُلَّ الْأَرْض.
[5] وَ إِنْتَ إِلَّا تِفَتِّشْ لِنَفْسَكْ فَايْدَةْ كَبِيرَةْ بَسْ! خَلَاصْ، بَتَّانْ مَا تِفَتِّشْ! أَشَانْ دَاهُو أَنَا نِجِيبْ الْفَسَالَةْ فِي كُلَّ مَخْلُوقْ حَيّ. وَ لَاكِنْ لَيْك إِنْتَ، نَنْطِيكْ حَيَاتَكْ وَ تَفْرَحْ بَيْهَا فِي أَيِّ بَكَانْ التَّمْشِي.›» وَ دَا كَلَامْ اللّٰهْ.