[1] ຝ່າຍນາຍທັງຫລາຍ ຈົ່ງປະຕິບັດຕໍ່ຄົນຮັບໃຊ້ຂອງຕົນ ຢ່າງຖືກຕ້ອງແລະທ່ຽງທຳ, ຈົ່ງຮູ້ໄວ້ວ່າ ພວກເຈົ້າກໍມີນາຍອົງໜຶ່ງຢູ່ໃນສະຫວັນເໝືອນກັນ.
[2] ຈົ່ງອຸທິດຕົວໃນການພາວັນນາ^ອະທິຖານ ຈົ່ງເຝົ້າລະວັງຢູ່ໂດຍການໂມທະນາຂອບພຣະຄຸນພຣະເຈົ້າ.
[3] ໃນເວລາດຽວກັນນັ້ນ ຈົ່ງພາວັນນາ^ອະທິຖານເພື່ອພວກເຮົາດ້ວຍ ເພື່ອພຣະເຈົ້າຈະຊົງໂຜດໄຂປະຕູໄວ້ສຳລັບພຣະທຳນັ້ນ ໃຫ້ພວກເຮົາປະກາດຂໍ້ເລິກລັບເລື່ອງພຣະຄຣິດ, ການທີ່ເຮົາຖືກຄຸກຢູ່ກໍເພາະເລື່ອງນີ້ແຫລະ.
[4] ເພື່ອເຮົາຈະໄດ້ກ່າວຂໍ້ເລິກລັບນັ້ນໃຫ້ຈະແຈ້ງ ຕາມທີ່ເຮົາຄວນຈະກ່າວ.
[5] ຈົ່ງປະຕິບັດຕໍ່ຄົນພາຍນອກດ້ວຍໃຊ້ສະຕິປັນຍາ ໂດຍສວຍໂອກາດ.
[6] ຈົ່ງໃຫ້ວາຈາຂອງ^ເຈົ້າ^ທັງຫລາຍ ປະກອບດ້ວຍເມດຕາຄຸນຢູ່ສະເໝີ ປະສົມດ້ວຍເກືອ ເພື່ອເຈົ້າ^ທັງຫລາຍຈະໄດ້ຮູ້ວິທີຕອບທີ່ຖືກໃຈແກ່ທຸກຄົນ.
[7] ຕີຂີໂກ, ພີ່ນ້ອງທີ່ຮັກຂອງ^ພວກເຮົາ ຜູ້ຮ່ວມງານທີ່ສັດຊື່ ແລະທັງເປັນຜູ້ຮັບໃຊ້ຮ່ວມກັນໃນພາລະກິດຂອງ^ອົງພຣະ^ຜູ້^ເປັນເຈົ້າ ຈະບອກຂ່າວທັງໝົດກ່ຽວກັບເຮົາໃຫ້ພວກເຈົ້າຮູ້.
[8] ເພາະເຫດນີ້ແຫລະ ເຮົາຈຶ່ງໃຊ້ລາວໄປຫາພວກເຈົ້າ ເພື່ອເຊີດຊູຈິດໃຈພວກເຈົ້າຂຶ້ນ ໂດຍໃຫ້ຮູ້ວ່າພວກເຮົາທຸກຄົນເປັນຢູ່ຢ່າງໃດ.
[9] ຄົນທີ່ໄປກັບລາວ ຄືໂອເນຊີໂມ ພີ່ນ້ອງຄຣິສຕຽນທີ່ຮັກແລະສັດຊື່ ລາວເປັນຜູ້ໜຶ່ງໃນກຸ່ມຂອງ^ພວກເຈົ້າ ເຂົາທັງສອງຈະເລົ່າສູ່ພວກເຈົ້າຟັງ ເຖິງເຫດການທີ່ໄດ້ເກີດຂຶ້ນໃນທີ່ນີ້.
[10] ອາຣິດຕາໂຂ ຜູ້ທີ່ຖືກຄຸກຢູ່ນຳເຮົາ ກໍຝາກຄວາມ^ຄິດເຖິງ ມາຍັງພວກເຈົ້າດ້ວຍ, ມາຣະໂກນ້ອງຂອງ^ບາຣະນາບາ ກໍຝາກຄວາມ^ຄິດເຖິງ ມາຍັງພວກເຈົ້າເໝືອນກັນ. (ພວກເຈົ້າຄົງໄດ້ຮັບຄຳແນະນຳແລ້ວວ່າ ໃຫ້ຕ້ອນຮັບມາຣະໂກຖ້າລາວມາຫາພວກເຈົ້າ.)
[11] ແລະເຢຊູຜູ້ທີ່ຄົນເອີ້ນກັນວ່າ ຢູຊະໂຕ ກໍຝາກຄວາມ^ຄິດເຖິງ ມາຍັງພວກເຈົ້າເໝືອນກັນ ໃນບັນດາເພື່ອນຮ່ວມງານຂອງເຮົາເພື່ອອານາຈັກຂອງ^ພຣະເຈົ້ານັ້ນ ມີແຕ່ຄົນເຫລົ່ານີ້ເທົ່ານັ້ນ ທີ່ເປັນຄົນຢິວທີ່ໄດ້ຮັບເຊື່ອ ແລະພວກເຂົາໄດ້ຊ່ວຍຊູໃຈເຮົາຢ່າງຫລວງຫລາຍ.
[12] ເອປາຟາ ເປັນຄົນໜຶ່ງໃນພວກເຈົ້າ ແລະເປັນຜູ້ຮັບໃຊ້ຂອງ^ພຣະຄຣິດເຈົ້າ^ເຢຊູ ກໍຝາກຄວາມ^ຄິດເຖິງ ມາຍັງພວກເຈົ້າເໝືອນກັນ ເພິ່ນພາວັນນາ^ອະທິຖານຢ່າງຮ້ອນຮົນສຳລັບພວກເຈົ້າຢູ່ສະເໝີ ໂດຍຂໍພຣະເຈົ້າບັນດານໃຫ້ພວກເຈົ້າຕັ້ງໝັ້ນຢູ່ ເປັນຜູ້ໃຫຍ່ຄົບຖ້ວນ ແລະເປັນຜູ້ທີ່ມີຄວາມ^ໝັ້ນໃຈ ປະຕິບັດຕາມນໍ້າພຣະໄທຂອງ^ພຣະເຈົ້າ.
[13] ເຮົາເປັນພະຍານຝ່າຍເພິ່ນວ່າ ເພິ່ນໄດ້ເຮັດການໜັກໜ່ວງເພື່ອພວກເຈົ້າ ແລະເພື່ອຄົນທີ່ຢູ່ເມືອງລາວດີເກອາ, ທັງເພື່ອຄົນທີ່ຢູ່ເມືອງເຮຍຣາໂປລີ.
[14] ລູກາ ທ່ານໝໍທີ່ຮັກຂອງ^ພວກເຮົາ ແລະ ເດມາ ກໍຝາກຄວາມ^ຄິດເຖິງມາຍັງພວກເຈົ້າ.
[15] ເຮົາຝາກຄວາມ^ຄິດເຖິງ ມາຍັງພວກພີ່ນ້ອງທີ່ຢູ່ໃນເມືອງລາວດີເກອາ ແລະນາງນິມຟາກັບພີ່ນ້ອງຄຣິສຕຽນທີ່ຢູ່ໃນເຮືອນຂອງ^ນາງ.ດ້ວຍ.
[16] ເມື່ອພວກເຈົ້າອ່ານຈົດໝາຍສະບັບນີ້ແລ້ວ ກະຣຸນາສົ່ງຕໍ່ໃຫ້ບັນດາພີ່ນ້ອງທີ່ເຊື່ອ ໃນເມືອງລາວດີເກອາອ່ານເໝືອນກັນ ຝ່າຍພວກເຈົ້າເອງ ກໍຈົ່ງອ່ານຈົດໝາຍທີ່ສົ່ງມາຈາກພີ່ນ້ອງທີ່ເມືອງລາວດີເກອາເໝືອນກັນ.
[17] ແລະໃຫ້ບອກອາຂີໂປວ່າ, “ສ່ວນພາລະກິດ ຊຶ່ງເຈົ້າໄດ້ຮັບມອບໝາຍ ເພື່ອບົວລະບັດຮັບໃຊ້ອົງພຣະ^ຜູ້^ເປັນເຈົ້ານັ້ນ ຈົ່ງເຮັດໃຫ້ບັນລຸຜົນສຳເລັດ.”
[18] ເຮົາຄືໂປໂລ ໄດ້ຂຽນຂໍ້ຄວາມ^ທັງໝົດນີ້ ດ້ວຍມືຂອງເຮົາເອງ, ຢ່າລືມວ່າ ເຮົາກຳລັງຖືກຄຸກຢູ່ ຂໍໃຫ້ພຣະຄຸນ ຈົ່ງສະຖິດຢູ່ກັບພວກເຈົ້າເທີ້ນ. 22-Jul-2009@18:43, Backup Description=19-Aug-2009@11:28, Le Khac Tam - 01-Sep-2009@13:06, Backup Description=31-Jul-2009@08:50, Bounthanh - 20-ต.ค.-2552@10:41, Backup Description=15-Sep-2009@14:35, Bounveun - 19-พ.ย.-2552@09:28, Backup Description=17-พ.ย.-2552@09:49, BOUNTHANH - 01-ม.ค.-2547@06:01, Backup Description=23-Mar-2010@15:39, Le Khac Tam - 01-ม.ค.-2547@00:19, Backup Description=16-Sep-2010@15:11, Le Khac Tam -