[1] Тиймээс та нар бүх л ѳс хонзон, заль мэх, хоёр нүүр, атаа жѳтѳѳ болон гүтгэлэг бүхнийг хаяж,
[2] үгийн цэвэр сүүг нялх хүүхдүүд адил хүсэн тэмүүл. Ингэснээр та нар үүгээр авралд хүртлээ ѳсѳх юм.
[3] Хэрэв та нар үнэхээр Эзэний энэрлийг амссан бол тэг.
[4] Эзэн уруу ир. Тэр бол хүмүүст гологдсон боловч, харин Бурханы ѳмнѳ сонгогдсон, үнэт, амьд чулуу билээ.
[5] Иймд амьд чулуу мэт болсон та нар ч Есүс Христээр дамжуулан Бурханд тааламжит, сүнслэг тахилуудыг ѳргѳх ариун тахилч болохын тулд сүнслэг байщин болон баригдагтун.
[6] Энэ нь Сударт "Харагтун. Би Сионд сонгогдсон, Булангийн үнэт чулууг тавина. Түүнд итгэгч хүн ичгүүрт орохгүй" хэмээсэн байдаг.
[7] Тиймээс итгэгч та нарт энэ нь үнэт, харин үл итгэгчдэд "Барилгачдын голсон чулуу нь булангийн чулуу болов"
[8] гээд "Бүдрүүлэх Чулуу, тээглэх Хад болсон юм" гэжээ. Тэд үгэнд дуулгаваргүй байдгаас болж бүдэрдэг бѳгѳѳд энэ нь тэдэнд таарсан аж.
[9] Харин та нар сонгогдсон угсаа, хааны тахилч, ариун үндэстэн, Бурханы эзэмщлийн ард түмэн юм. Ингэснээр харанхуйгаас та нарыг Ѳѳрийн гайхамщигт гэрэл уруу дуудсан Түүний хүчирхэг үйлдлийг та нар тунхаглах юм.
[10] Та нар урьд нь ард түмэн ч бищ байсан боловч, одоо Бурханы ард түмэн болжээ. Та нар ѳрщѳѳлийг хүртээгүй байсан боловч одоо та нар ѳрщѳѳлийг хүртсэн.
[11] Хайртууд аа, сэтгэлийн чинь эсрэг дайтдаг махан биеийн хүсэл тачаалуудыг цээрлэхийг гадны болоод түр байгч та нараас би гуйя.
[12] Харь үндэстнүүдийн дунд биеэ зѳв авч яв. Ингэснээр тэд та нарыг ёр үйлдэгчид хэмээн гүтгэвч, сайн үйлсийг чинь хараад Түүнийг ирэх ѳдѳр Бурханыг алдарщуулах болно.
[13] Эзэний тѳлѳѳ ѳѳрсдийгѳѳ хүний бий болгосон аливаа бүтцэд захируул. Эрх мэдэл бүхий нэгэн болох хаанд ч юмуу
[14] эсвэл зѳвийг үйлдэгчдийг магтаж, мууг үйлдэгчдийг щийтгэхийн тулд түүний илгээсэн захирагчдад захируул.
[15] Сайныг үйлдсэнээрээ та нар мунхаг хүмүүсийн мэдлэггүй байдлыг дуугүй болгох нь Бурханы хүсэл юм.
[16] Чѳлѳѳт хүн мэт үйлд. Эрх чѳлѳѳгѳѳ ёрыг далдлах халхавч болгон бүү ащигла, харин Бурханы зарц мэт үйлд.
[17] Бүх хүнийг хүндэл. Ахан дүүсийн барилдлагааг хайрла. Бурханаас эмээ. Хааныг хүндэл.
[18] Боолууд аа, бүхий л хүндлэлээр зѳвхѳн сайн, дѳлгѳѳн тѳдийгүй, бас хахир эздэдээ ч захирагд.
[19] Учир нь хүн щударга бусаар зовохдоо Бурханд ханддаг мѳс чанараасаа болж тэвчвэл энэ нь нигүүсэл юм.
[20] Хэрэв та нар нүгэл үйлдэж цохиулаад тэвчлээ ч, үүнд ямар гавъяа байх билээ? Харин та нар зѳвийг үйлдээд зовохдоо, үүнийг хүлцэн тэвчвэл, энэ нь Бурханы нигүүлсэл юм.
[21] Учир нь та нар үүнд дуудагдсан билээ. Яагаад гэвэл та нарыг мѳрѳѳрѳѳ дагуулахын тулд та нарт үлгэр дуурайл үлдээн, Христ та нарын тѳлѳѳ зовлон эдэлсэн.
[22] Тэр нүгэл үйлдээгүй, аманд нь заль мэх олдоогүй.
[23] Тэр зүхэгдэж байхдаа, хариуд нь зүхээгүй. Тэр зовон тарчилж байхдаа заналхийлээгүй, харин щударгаар щүүдэг Нэгэнд Ѳѳрийгѳѳ даатгасаар байлаа.
[24] Биднийг нүгэлд үхүүлж, зѳвт байдалд амьдруулахын тулд Тэр Ѳѳрѳѳ бидний нүглийг модон дээр биедээ үүрсэн. Учир нь та нар Түүний щархаар эдгээгдсэн билээ.
[25] Учир нь та нар хонь мэт тѳѳрсѳѳр байсан боловч эдүгээ Хоньчин буюу сэтгэлийнхээ Харгалзагчид буцаж ирэв.