[1] أَدْمَ ࢽَࢽْغَرُو، کَࢽَدِࢽِیٜوَوُورُو وَلْیٜࢽِّیَ، رُࢽْدٜ بْرْࢽِ أَتِࢽَیٜࢽْ ࢽَࢻْتُرُو ࢽغْلَرُو رُیْیٜ
[2] ࢽَیِرُو کَمْبْرْسٜࢽْدُوࢽْ دُࢽُووَ کُواْرِیَ ࢽجُورُو تِمُوتِ تِ دُوُوࢽْ کْرَمِࢽْدٜ یٜ، کِدَمَ اللَّهیٜ أَࢽْدِیَ رُوکُّو کَوُرِ کْجِ أَلْمَسِیوُیٜ وُلْجِ یٜدَ ࢽَࢽْدُورُو جُوَغْیْیٜ،
[3] بَرٜ وُࢽْدُࢽْدُومَ بَسَرِ أَࢽِ ࢽَࢽْغَرُو حَࢽْغَلْࢽْجُ ثِجْࢽِّرُو؞ أَیْ، ࢽَیِ کْلَࢽْدُو اللَّه أَࢽْدِیَ أَوُو أَࢽِرُو کَدَرْسَاࢽَرُو ࢽُوࢽُوَّ؞
[4] أَࢽْدِ ࢽَیِیَ رُوکُّو دُوُوࢽْ، ࢽَیِرُو بُرْوُومَࢽْ بُوࢽٜ أَࢽِ أَࢽْدِیَ سَوَࢽْدِدَ وُلْࢽْغٜىٰرَیْیٜ؞ ࢽغَیْمَ وَکَّیٜࢽُو، ࢽُوࢽُوَّدْ غَیْ؞
[5] أَدْمَ ࢽَࢽْغَرُو، کَࢽَدِࢽْکِّوَوُورُو وَلْیٜࢽِّیَ، تِمُوتِیَ ࢽَࢽْدُورُو لَوَرْ کْلَ کَمْبْرْسٜࢽْدُویٜࢽْ ࢻَࢽْدُرُو جُوَیٜىٰکُّو، بَرٜ جَرَࢻْتُمَدْ ࢽَࢽْغَ لَاࢽْ ࢽَیِیَ جَرَمْࢽْجَࢽٜ ࢽغْࢽْࢻْتُࢽْدٜدْ بُووُرُو وَلْجْࢽِّرُو؞
[6] أَمَّ تِمُوتِ ࢽَࢽْدُوࢽْ کْرْمَ ࢽَࢽْدٜرُو إِسٜ لَوَرْ کْجِ کْلَ کَمْبْرْسٜࢽْدُووَ کْرَوُوࢽْدُووَیٜࢽْ کِوُدُو؞ کُورُو أَࢽْدِرُو سَوِسُو کَرْوُ کْجِیَرُو تَࢽْسَوٜ أَࢽْدِیَ کُرُورُو رَاوَّ یٜࢽُو، أَࢽْدِ یٜ ࢽَیِیَ کُرُورُو رَیِیٜࢽَدْ غَیْ؞
[7] أَدْمَ ࢽَࢽْغَرُو، کْرَمِیَ، ثُرُو کُتُّࢽْدٜیَ بَسَرِࢽْدٜیَیٜࢽْ کَمْبْرْسٜࢽْدُودْ ثَکّٜ کَرْوُࢽْدٜ دُࢽُو کِوَࢽْدُو؞
[8] کْرْمَ ࢽَࢽْغَدٜمْبُو دْغَیْیٜ، کْمَلَࢽْ دُࢽُووَرُو دَࢽُوِ ࢽَࢽْغَرُو؞
[9] کَرْوُکْجِࢽْدٜ دَمَ بَوُو ࢻُوُ اللَّهیٜࢽْ کْلَࢽْدُوࢽْ ࢻَࢽِّیٜدْ، ࢽدَیِࢽْ غْلٜ اللَّهَ وُسٜࢽِیٜ؟
[10] بُࢽٜیَ کَوْسُوَرُو دَمَ بَوُورُو مُودُوَ دِیٜ، ࢽَیِیَ سِمْبَ سِمْبَلَࢽْ ࢽجَرُیْیُو أَوُو کَمْبْرْسٜࢽْدُوࢽْ مَوْجْࢽَدَ یِرْغَیْیُورُو؞
[11] اللَّه بَوَࢽْدٜ کْلَࢽْجُوَ کْمَࢽْدٜ عِیسَىٰ جَوَلْ ࢽَࢽْدُورُو کْࢽْسِیُویٜ أَࢽْدِرُو ࢻْلٜسَا!
[12] کْمَࢽْدٜ ثَکُّو کْرَوُوࢽْدُو کَتّٜࢽْدُو یٜࢽْ، أَمْ سَمَّ یٜرُو ࢽغْوُرُو تْرْغَ، جِرِ کْرَوُوࢽْدٜ یٜ ࢽَیِ ࢽَࢽْغَرُو ࢽغْوُرُو تْرْغَاࢽَدْ غَیْ؞
[13] کَرْوُࢽْدُو یٜیَ ثَکُّو یِمْ کْمَ عِیسَى مُمِࢽَّࢽْجُ سَمَّا رُوکُّو وَلْدٜ إِسِیَ، ࢻُوُ اللَّه بَوَࢽْدٜىٰࢽْ تَیِرَّ بِوُ بَوُووَرُو وَلْجُو! أَمِࢽْ؞