[1] Kanaaf yaa obboleeyyan koo jaalatamoo, warraan yaadaan dharra'uuf, kanneen na gammachiiftanii fi ammaas goonfoo koo taataniis, amantiin haala kanatti Gooftatti jabaadhaa dhaabbadhaa!
[2] Dubartoota obboleeyyan keenya Ewodiyaa fi Sinxiikeen, maqaa Gooftaa tiin yaadaan akka walii galaniin, jabeeysee tiin isaan gorsa.
[3] Atiis yaa amanamaa hiriyoo dubartoota kanneen akka gargaartuun si gaafadha. Kilemensii fi jarreen kaan, kanneen hojii Wangeelaa irratti gola tiyya tahan, warra maqaan isaanii Kitaaba Jireenyaa keeysatti katabameen wajji warra anaan wajjiin ta'abanii ture. Zizigos jechuun maqaa namticha Phaawulosiin wajjiin hojjatee ti.
[4] Wayta hundumaa Gooftaa keeysatti gammadaa! Ammaas itti deebi'ee tiin jedha, gammadaa!
[5] Gaarummaan teeysan nama hundumaa biratti haa beekamtu! Gooftaaniis dhihoo dha jira.
[6] Waan hundumatti, kadhataa fi himataan shukriin wajjiin waan isin barbaachisu Rabbi duratti dhiheeysaa malee, waa takkatti illee yaadaan hin guraaraminaa!
[7] Nagayni Rabbii kan hubannaa hundumaa irraa ol tahe, yaadaa fi qalbii teeysaniis Yesuus Kiristoos keeysatti haa eegu.
[8] Xumuruuf, yaa obboleeyyan koo, waanuma dhugaa tahe, waanuma ulfina qabu, waanuma haqa tahe, waanuma qulqulluu tahe, waanuma jaalatamaa tahe, waanuma kabajaa qabu, waanuma hamdii qabuu fi galateeyfachiisaa taheen qalbiin teeysan tan guutamte haa taatu!
[9] Waan ana irraa barattan, kan ana irraa fudhattan, kanneen afaan kiyya irraa dhageeysaniis, ammaas warra hojii tiyya irraa agartaniis, isiniis akkasuma godhaa! Rabbi Abbaan nagayaa, isinii wajjiin taha.
[10] Isin booddee tana deebitanii anaaf haarayatti yaaduu keeysaniif jecha, Gooftatti gammachuu guddoon qaba. Kanaan dura illee anaaf yaaduun keeysan hin hafne; haa tahu malee, mullisuuf carraa hin arkanne.
[11] Tana jechuun tiyya, waatu natti irrate jechuufii miti; ani nama akkaatuma haala jiruu fudhatee jiraachuu itti barate.
[12] Ani jireenya kikkatte jiraachuu ittiin beeka, ammaas jireenya bash-bashiis jiraachuu nama beeku; ani akkaatuma haaluma jiru hunda fudhadhee, quufattiis, beelattiis, hizaaba irra hedduu qabaachuus, eeyye, waa dhabee deegee jiraachuus itti baradhee tiin jira.
[13] Qiwwaan Kiristoos irraa arkadhuun, waan hundumaa godhuu niin dandaya.
[14] Haa tahu malee, rakkina ana irra gaheef anaaf dirmattanii hirmaachuun keeysan gaarii dha.
[15] Ani hogguun Maqedooniyaa ka'ee, jalqaba Wangeela lallabuuf bahe, tajaajila isiniif kannee, waldayni niin waa irraa fudhadhe, walduma teeysan qofa tahuu, isinuu warri Filiphisiiyus akka gaaritti beeytan.
[16] Waytaan ani Tasaloonqee ture illee, waan natti irrateef gargaarsa irra deddeebiftanii anaaf ergitanii ti jirtu.
[17] Faaydaan isaa tan isiniif lakkaawamtu haa isiniif hoddomaattuufi malee, ani gargaarsuma fudhachuu qofaaf barbaadeetii miti.
[18] Harka Ephafrodixosiin wanti isin ergitan hundinuu na geeysee ti jirti; amma ammoo waan na barbaachisu hundumaa niin qaba, na irraahuu ni hafa. Kannaan isin ergitaniis, akka aarsaa urgaawaa fi wareega Rabbi gammachiisuu ti.
[19] Rabbiin kiyyaas, waan isin barbaachise hundumaa huu akkuma durrii badhaadhummaa isaa tan Yesuus Kiristoos keeysaa tiin isiniif haa arjoomu.
[20] Rabbi Abbaa keenyaaf ulfinni hanga bara baraaf haa tahuuf! Aammiin.
[21] Warra Kiristoositti amanan hundumaaf nagaya nuuf dhiheeysaa! Amantoonni ana bira jiraniis nagaya isiniif dhaamu.
[22] Warri Kiristoositti amanan hundi niis, keeysumaa huu warri haaskaa Qeesaar tahan, nagaya isiniif dhaamu.
[23] Ni'imaan Gooftaa Yesuus Kiristoos, ruuhaa teeysaniin wajjiin haa taatu.