[1] Yaa obboleeyyan koo, hedduun keeysan barsiisota tahuuf if hin dhibinaa! Nuti warri barsiisota taane, warra kaan irra caalaa firdiin akka nu irratti jabaattu ni beeytan.
[2] Hundi keenyaa huu wayta hedduu ni dogoggorra; namni waan ifii dubbatutti gonkumaa hin dogongorre, inni kan qaama isaa guutuu ibraanuu dandayate, nama qulqulluu aslii dha.
[3] Fardi akka nuuf ajajamuuf afaan isaatti cancala yoo keenye, qaama isaa guutuu luugamtichaan qabnee, gara barbaanne geeysina.
[4] Mee markaba laalaa! Markabni hammana guddaa kan qilleensa jabaan oofamu kun, mazawwirii xiqqoo takkaan gara namni isa oofuu barbaadetti geeyfama.
[5] Arrabni niis akkasumatti dhagnoota qaamaa keeysaa xiqqaa dha; haa tahu malee, hedduu dhaadachuu dha dandaya. Qaanqeen ibiddaa takka bosona guddoo dam godhuu akka dandeeysu hubadhaa!
[6] Arrabni ibidda, arrabni dhagna qaama namaa hunduma keeysaa huu hamaan isa, qaama namaa hundumaa huu faalee, haala akeeka jireenya isaa hundumaa ibidda itti qabsiisa, ibiddi azaabaa tiis isumattuu ni qabata.
[7] Banii Aadam bineensa keeysaa, shimbirroota, makluuqa lafa irra munyuuqan, bineensa bishaan keeysa jiraataniis leenjisuu ni dandaya, leenjisee ti jiraasi.
[8] Ammoo, namni arraba leenjisuu dandayu hin jiru; inni hammeenya fatraa hin qabne, kan summii nama ajjeeftuun guutamee.
[9] Arrabaan maqaa Rabbii Abbaaf shukrii dha galchina; ammaas arrabuma kanaan nama bifa Rabbitti uumamees ni abaarra.
[10] Afaanuma tokko keeysaa eeybitinii fi abaarsi bahu, yaa obboleeyyan koo, kun akkas tahuun irra hin jiru.
[11] Madda tokko keeysaa bishaan mi'aawaanii fi hadhaawaan yaa'uu ni dandayuu ree?
[12] Yaa obboleeyyan koo! Mukni habruu dhaa, firii ejersaa, mukni inabaa tiis firii habruu dhaa, godhachuu ni dandayuu ree? Akkasumatti ammaas, maddi horaa tokkoos bishaan mi'aawaa yaasuu hin dandayu.
[13] Isin keeysaa namni hikmaa qabu, hubataaniis, eenyu? Inni jireenya isaa gaarii dhaanii fi hojii hikmaa tiin, ammaas damboobummaa dalagamteen isaan haa mullisuu!
[14] Garaa keeysan keeysatti hinaaffaa hadhooytuu fi, fedha ifittummaa tiis yoo qabaattan ammoo, akka waan hikmaa qabdanitti kijibaan hin dhaadatinaa!
[15] Hikmaan akkasii tun tan addunyaa irraa ti, tan yaada jasadaa ti, tan ruuhaa hamaa ti malee, tan samii irraa buutee miti.
[16] Bakka hinaaffaanii fi ifittummaan jiran, ammaas sirna dhabummaanii fi hammeenyi hundi niis ni jiran.
[17] Hikmaan samii irraa ammoo, hundumaa dura xaliila, ammaas nagaya-qabeeytii, gara-laafoo dha, eemaramaa dha, rahamata-qabeeytii, firii hojii gaarii tan qabdu, tan nama wal hin caalchifne, tan kijiba hin qabneesi.
[18] Warri araarsu, kanneen shanyii nagayaa facaasan, oomisha qaceelummaa ti haammatu.