[1] Dɔnkirilabagaw kuntigi. Dawuda ta Zaburu. Hakirijigi dɔnkiri.
[2] E, Ala, na ne bɔsi, Matigi Ala, teliya ka na ne dɛmɛ!
[3] Minw b’a fɛ ka ne nin bɔ, olugu le ye maroya, fɔ ka o kun suuru! Minw b’a fɛ kojugu ye ne sɔrɔ, olugu le ye dɔgɔyari sɔrɔ, fɔ ka sekɔ ni o kɔ ye.
[4] Minw bɛ yɛrɛko ne ma ko: «Ha ha ha», maroya ye olugu lasekɔ ni o kɔ ye!
[5] Nka minw bɛɛ bɛ ele yɔrɔɲini, olugu ye ninsɔndiya ka ɲagari i kosɔn! I ta kisiri ko ka di minw ye, olugu y’a fɔ tuma bɛɛ ko: «E, Ala ka bon!»
[6] Ne kɔni ye ɲanibagatɔ ye, ani fagantan. E, Ala, i teliya ka na ne dɛmɛ! Ele le ye ne dɛmɛbaga ye, ani ne kunmabɔbaga, Matigi Ala, i kana mɛɛn.
Psalm — Chapters
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150