[1] ᓂ ᑭ ᐋᐧᐸᒫᐤ ᒫᑲ ᐅᑭᓯᑯ ᑭᐦᒋ ᑭᓯᑯᕽ ᐁ ᐯ ᐅᐦᒋ ᔮᓯᐟ ᐁ ᐊᔮᐟ ᐋᐱᑯᑲᐃᑲᐣ ᐊᓂᒪ ᐁᑳ ᑳ ᒥᓴᐢᑫᔮᐠ ᒥᓇ ᑭᐦᒋ ᐱᐋᐧᐱᐢᑫᐧᔮᐱ ᐁ ᑕᑯᓇᕽ.
[2] ᑭ ᐅᑎᐦᑎᓀᐤ ᒫᑲ ᐊᓂᐦᐃ ᑕᕒᐋᑲᓇ, ᐊᓂᐦᐃ ᑲᔮᐢ ᑭᓀᐱᑲᐧ, ᐁᐊᐧᑯ ᒪᒑᔭ ᒥᓇ ᓭᑕᐣ, ᐁᑯᓯ ᑭ ᒪᒫᒋᑲᐧᐱᑌᐤ ᑭᐦᒋ ᒥᑖᑕᐦᑐᒥᑕᓇᐤ ᑕᐦᑐ ᐊᐢᑭ,
[3] ᑭ ᐱᐦᒋ ᐁᐧᐱᓀᐤ ᒫᑲ ᐊᓂᑕ ᐁᑳ ᑳ ᒥᓴᐢᑫᔭᐠ, ᐁᑯᓯ ᑭ ᑭᐸᐊᑦ ᒥᓇ ᑭ ᐊᑯᐢᑭᐊᐧᓴᑦ ᐁ ᑭᐸᐃᑳᓱᔨᐟ, ᐁᑳ ᒥᓇ ᐃᐧᑳᐨ ᑭᑕ ᐊᐧᔦᓯᐋᐟ ᐊᔨᓯᔨᓂᐊᐧ ᐃᐢᑯ ᐊᓂᐦᐃ ᑭᐦᒋ ᒥᑖᑕᐦᑐᒥᑕᓇᐤ ᑕᐦᑐ ᐊᐢᑭ ᑭᑕ ᑭᓯᐸᔨᑭ; ᒣᐧᐢᑕᐢ ᐃᔨᑯᕽ ᒫᑲ ᐊᒋᔭᐤ ᑭᑕ ᐋᐸᐋᐧᐤ.
[4] ᐁᑲᐧ ᒫᑲ ᓂ ᑭ ᐋᐧᐸᑌᐣ ᑭᐦᒋ ᐊᐱᐃᐧᓇ ᒥᓇ ᐊᓂᑭ ᑳ ᑌᑕᐱᒋᐠ, ᐁᑯᓯ ᐅᔭᓱᐁᐧᐃᐧᐣ ᑭ ᒥᔮᐊᐧᐠ; ᓂ ᑭ ᐋᐧᐸᒥᒫᐊᐧ ᒫᑲ ᐅᐟ ᐊᐦᒑᐦᑯᐋᐧᐊᐧ ᐊᓂᑭ ᑳ ᑭ ᑭᐢᑭᑫᐧᑕᐅᐦᒋᐠ ᐅᐟ ᐋᒋᒧᐃᐧᐣ ᒋᓴᐢ ᐅᐦᒋ ᒥᓇ ᐅᐟ ᐃᑌᐧᐃᐧᐣ ᑭᓭᒪᓂᑐ ᐅᐦᒋ, ᒥᓇ ᐊᓂᑭ ᐁᑳ ᑳ ᑭ ᐊᔭᒥᐦᐋᐃᐧ ᐊᑐᐢᑲᐋᐧᒋᐠ ᐊᓂᐦᐃ ᐱᓯᐢᑭᐊᐧ ᐊᐦᐳ ᐅ ᓇᐢᐱᓯᒋᑲᓇ, ᒥᓇ ᐁᑳ ᑳ ᑭ ᐅᐦᒋ ᐊᔮᐋᐧᒋᐠ ᐅ ᑭᐢᑭᓇᐋᐧᒋᐃᐁᐧᐃᐧᓂᔨᐤ ᐅᐢᑲᑎᑯᐋᐧᕽ ᐊᐦᐳ ᐅᒋᐦᒋᐋᐧᕽ; ᐁᑯᓯ ᑭ ᐱᒫᑎᓯᐊᐧᐠ ᒥᓇ ᑭ ᐃᐧᒋ ᑎᐯᔨᐦᒋᑫᒣᐊᐧᐠ ᙭ᐊ ᑭᐦᒋ ᒥᑖᑕᐦᑐᒥᑕᓇᐤ ᑕᐦᑐ ᐊᐢᑭ.
[5] ᑯᑕᑲᐠ ᐃᐧᔭ ᐅᓂᐱᐊᐧᐠ ᓇᒪᐃᐧᔭ ᒥᓇ ᑭ ᐱᒫᑎᓯᐊᐧᐠ ᐹᑎᒫ ᐃᔨᑯᕽ ᐁ ᑭᓯᐸᔨᑭ ᐊᓂᐦᐃ ᑭᐦᒋ ᒥᑖᑕᐦᑐᒥᑕᓇᐤ ᑕᐦᑐ ᐊᐢᑭ. ᐁᐊᐧᑯ ᐅᒪ ᓂᐢᑕᑦ ᐋᐱᓯᓯᓄᐃᐧᐣ.
[6] ᓴᐁᐧᔨᑖᑯᓯᐤ ᒥᓇ ᑲᓈᑎᓯᐤ ᐊᓇ ᑳ ᐃᐧᒋᐃᐁᐧᐟ ᐊᓂᒪ ᓂᐢᑕᑦ ᐋᐱᓯᓯᓄᐃᐧᐣ; ᐁᐊᐧᑯᓂᐠ ᐅᑭ ᑭᑖᐧᑦ ᓂᐳᐃᐧᐣ ᓇᒪᐃᐧᔭ ᑎᐯᔨᒥᑲᐧᐠ; ᒫᑲ ᑭᓭᒪᓂᑐᐊᐧ ᒥᓇ ᙭ᐊ ᑭᑕ ᐅᐟ ᐊᔭᒥᐦᐁᐃᐧᔨᓂᒥᒥᑲᐧᐠ, ᒥᓇ ᑭᑕ ᐃᐧᒋ ᑎᐯᔨᐦᒋᑫᒣᐊᐧᐠ ᑭᐦᒋ ᒥᑖᑕᐦᑐᒥᑕᓇᐤ ᑕᐦᑐ ᐊᐢᑭ.
[7] ᐃᐢᐱ ᒫᑲ ᐊᓂᐦᐃ ᑭᐦᒋ ᒥᑖᑕᐦᑐᒥᑕᓇᐤ ᑕᐦᑐ ᐊᐢᑭᐃᐧᓇ ᐳᓂᐸᔨᑳᐧᐃᐧ, ᓭᑕᐣ ᑭᑕ ᐋᐸᐋᐧᐤ ᐅ ᑭᐸᐦᐅᑐᐃᐧᑲᒥᑯᕽ ᐅᐦᒋ,
[8] ᐁᑯᓯ ᑭᑕ ᐯ ᐊᐧᔭᐃᐧᐤ ᑭᑕ ᐊᐧᔦᓯᐋᐟ ᐊᓂᐦᐃ ᐊᔨᓯᔨᓂᐊᐧ ᑳ ᐊᔮᔨᐟ ᐁ ᓀᐅ ᑭᑫᔮᐠ ᐊᐢᑭ, ᑳᐠ ᒥᓇ ᒣᑳᐠ, ᑭᑕ ᒫᒪᐃᐧ ᒫᐊᐧᒋᐦᐋᐟ ᑭᑕ ᓄᑎᓂᑫᔨᐟ; ᐁ ᐃᐦᑕᓯᒋᐠ ᐁᐊᐧᑯᓂᐠ ᑖᐱᐢᑯᐨ ᐁ ᐃᑕᑖᐧᐊᐧᑳ ᔦᑲᐤ ᑭᐦᒋᑲᒥᕽ.
[9] ᐁᑯᓯ ᑭ ᐯ ᑌᐱᐢᑲᒫᑐᐊᐧᐠ ᐁ ᐃᐢᐱᑕᔭᑲᐢᑳᐠ ᐊᐢᑭ, ᒥᓇ ᑭ ᐋᐧᐢᑳᐢᑲᒣᐧᐊᐧᐠ ᐅ ᑲᐯᓯᐃᐧᓂᔨᐤ ᐅᑲᓈᑎᓯᐊᐧ, ᒥᓇ ᐊᓂᒪ ᑳ ᓵᑭᑖᕽ ᐅᑌᓇᐤ; ᐁᑯᓯ ᐃᐢᑯᑌᐤ ᑭᐦᒋᑭᓯᑯᕽ ᑭ ᐯ ᐅᐦᒋᐸᔨᐤ ᒥᓇ ᑭ ᓂᓯᐊᐧᓈᒋᐃᑲᐧᐠ.
[10] ᒪᒑᔭ ᒫᑲ ᑳ ᑭ ᐊᐧᔦᓯᐃᑯᒋᐠ ᑭ ᐃᓯᐁᐧᐱᓈᐤ ᓵᑲᐦᐃᑲᓂᕽ ᐃᐢᑯᑌᐤ ᒥᓇ ᐃᐢᑯᑌᓯᑯᐣ ᑳ ᐊᔮᐠ ᐁᑯᑕ ᒥᓇ ᐱᓯᐢᑭᐤ ᒥᓇ ᓇᐢᐹᐨ ᐅᑭᐢᑭᐁᐧᐦᐃᑫᐤ ᐁ ᐊᔮᒋᐠ; ᐁᑯᓯ ᑭᑕ ᑯᑕᑭᑖᐊᐧᐠ ᐁ ᑭᓯᑳᐠ ᒥᓇ ᐁ ᑎᐱᐢᑳᐠ ᑳᑭᑫ ᒥᓇ ᑳᑭᑫ.
[11] ᓂ ᑭ ᐋᐧᐸᑌᐣ ᒫᑲ ᐁ ᐋᐧᐱᐢᑳᐠ ᒥᓯ ᑭᐦᒋ ᐊᐱᐃᐧᐣ, ᐊᓇ ᒥᓇ ᐁᑯᑕ ᐁ ᑌᑕᐱᐟ, ᐁᐊᐧᑯ ᐁ ᑲᓇᐋᐧᐸᐦᑕᕽ ᐊᐢᑭ ᒥᓇ ᑭᓯᐠ ᑭ ᑕᐸᓯᒫᑲᓇᐧ; ᐁᑯᓯ ᓇᒪᐃᐧᔭ ᑭ ᐃᐦᑕᑲᐧᐣ ᐃᑕ ᑭᑕ ᐊᔮᑭ.
[12] ᓂ ᑭ ᐋᐧᐸᒫᐊᐧᐠ ᒫᑲ ᐅᓂᐱᐊᐧᐠ ᑳ ᑭᐢᑌᔨᑖᑯᓯᒋᐠ ᒥᓇ ᑳ ᐊᐱᐢᑌᔨᑖᑯᓯᒋᐠ, ᐁ ᐅᑎᐢᑲᐃᐧᑳᐸᐃᐧᐢᑕᑭᐠ ᐊᓂᒪ ᑭᐦᒋ ᐊᐱᐃᐧᐣ; ᐁᑯᓯ ᑭ ᐹᐢᑫᑭᓂᑳᑌᐊᐧ ᒪᓯᓇᐦᐃᑲᓇ; ᑯᑕᐠ ᒫᑲ ᒪᓯᓇᐦᐃᑲᐣ ᑭ ᐹᐢᑫᑭᓂᑳᑌᐤ, ᐁᐊᐧᑯ ᐱᒫᑎᓯᐃᐧᓂ ᒪᓯᓇᐦᐃᑲᐣ; ᐁᑯᓯ ᐅᓂᐱᐊᐧᐠ ᑭ ᐅᔭᓱᐋᐧᑖᐊᐧᐠ ᐊᓂᐦᐃ ᐅᐦᒋ ᑳ ᒪᓯᓇᐃᑳᑌᑭ ᒪᓯᓇᐦᐃᑲᓂᕽ, ᐁ ᐁᑕᐢᑌᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ.
[13] ᑭᐦᒋᑲᒥ ᒫᑲ ᑭ ᐸᑭᑎᓀᐤ ᐅᓂᐱᐊᐧ ᐁᑯᑕ ᑳ ᐊᔮᔨᐟ; ᐁᑯᓯ ᓂᐳᐃᐧᐣ ᒥᓇ ᐦᐁᑎᐢ ᑭ ᐸᑭᑎᓀᐊᐧᐠ ᐅᓂᐱᐊᐧ ᐁᑯᑕ ᑳ ᐊᔮᔨᐟ; ᐁᑯᓯ ᑲᐦᑭᔭᐤ ᐊᔨᓯᔨᓂᐤ ᑭ ᐅᔭᓱᐋᐧᑖᐊᐧᐠ ᐁ ᐁᑕᐢᑌᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ.
[14] ᓂᐳᐃᐧᐣ ᒫᑲ ᒥᓇ ᐦᐁᑎᐢ ᑭ ᐃᓯ ᐁᐧᐱᓈᐊᐧᐠ ᐃᐢᑯᑌᐃᐧ ᓵᑲᐦᐃᑲᓂᕽ. ᐁᐊᐧᑯ ᐅᒪ ᑭᑖᐧᑦ ᓂᐳᐃᐧᐣ, ᐅᒪ ᐅᑎ ᐃᐢᑯᑌᐃᐧ ᓵᑲᐦᐃᑲᐣ.
[15] ᑭᐢᐱᐣ ᒫᑲ ᐊᐃᐧᔭᐠ ᐁᑳ ᐁ ᒥᐢᑳᐦᐟ ᐁ ᒪᓯᓇᐃᑳᓱᐟ ᐱᒫᑎᓯᐃᐧᓂ ᒪᓯᓇᐦᐃᑲᓂᕽ, ᑭ ᐃᓯ ᐁᐧᐱᓈᐤ ᐃᐢᑯᑌᐃᐧ ᓵᑲᐦᐃᑲᓂᕽ.