<1 Corinthians ᓂᐢᑕᑦ ᑲᕒᐃᐣᑎᔭᓇ 4

[1] ᑭᔮᑦ ᐊᔨᓯᔨᓂᐤ ᓂ ᑲ ᐃᑕᑭᒥᑯᓈᐣ, ᐅᐟ ᐊᑐᐢᑫᔮᑲᓇ ᙭, ᒥᓇ ᑳ ᐸᒥᓇᒧᐃᐦᒋᐠ ᐊᓂᐦᐃ ᑳ ᑭᐢᑫᔨᑖᑯᑖᐟ ᑭᓭᒪᓂᑐ.

[2] ᐅᑕ ᒫᑲ, ᐃᓯ ᓇᑕᐁᔨᑖᑯᓯᐤ ᐅᐸᒥᓇᒫᑫᐤ, ᑭᑕ ᐃᓯ ᒥᐢᑳᐦᐟ ᐊᔨᓯᔨᓂᐤ ᐁ ᐊᔮᑳᐧᒥᓯᐟ.

[3] ᒫᑲ ᓂᔭ ᐃᐧᔭ ᓈᐢᐱᐨ ᐊᐱᐢᑌᔨᑖᑲᐧᐣ ᑭᔭᐋᐧᐤ ᑭᑕ ᐅᔭᓱᐋᐧᓯᔦᐠ, ᐊᐦᐳ ᐊᔨᓯᔨᓂᐤ ᑭᑕ ᐅᔭᓱᐋᐧᓯᐟ: ᐁᐦᐁ, ᓇᒪᐃᐧᔭ ᓂᔭ ᓄᔭᓱᐋᐧᑎᓱᐣ.

[4] ᒋᑫᒫ ᓇᒪᐃᐧᔭ ᓂᔭ ᑫᑲ: ᓂᐟ ᐃᓯ ᓇᐢᐹᑌᔨᒥᓱᐣ; ᓇᒪᐃᐧᔭ ᒫᑲ ᐁᐊᐧᑯ ᐅᐦᒋ ᑭᑕ ᑲᐧᔭᐢᑭᑖᑎᓯᐊᐧᑭᒋᑳᓱᔮᐣ: ᒫᑲ ᐊᓇ ᑳ ᐅᔭᓱᐋᐧᓯᐟ ᐁᐊᐧᑯ ᑳ ᑎᐯᔨᐦᒋᑫᐟ.

[5] ᐁᑯᓯ ᒫᑲ ᐁᑳᐃᐧᔭ ᑫᑲᐧᐩ ᓂᔮᐠ ᐅᔭᓱᐋᐧᑕᒧᐠ, ᐃᔨᑯᕽ ᑳ ᑎᐯᔨᐦᒋᑫᐟ ᑕᑯᓯᑭ, ᐊᓇ ᑫ ᓄᑯᑖᐟ ᐋᐧᓭᔮᕽ ᐁᑳ ᑳ ᑭ ᓄᑲᐧᑭ ᐊᐧᓂᑎᐱᐢᑳᕽ, ᒥᓇ ᑫ ᓄᑯᑖᐟ ᒥᑐᓀᔨᒋᑲᓇ ᒥᑌᐃᕽ; ᐁᑲᐧ ᒫᑲ ᑲᐦᑭᔭᐤ ᐊᔨᓯᔨᓂᐤ ᑭᓭᒪᓂᑐᐊᐧ ᑫ ᒥᔨᑯᐟ ᐅ ᒪᒥᒋᒥᑯᐃᐧᐣ.

[6] ᐅᐦᐃ ᒫᑲ ᓂᒋᐋᐧᒥᑎᐠ, ᓂ ᑭ ᐋᓱᐃᐧ ᐅᑎᓇᒫᓱᐣ ᓂᔭ ᒥᓇ ᐊᐹᓬᐊᐢ ᑭᔭᐋᐧᐤ ᐅᐦᒋ; ᑭᑕ ᐃᓯ ᑭᐢᑭᓇᐋᐧᐸᒥᔮᕽ ᐁᑳ ᐊᔨᐋᐧᐠ ᑭᑕ ᐃᓯᐦᒋᑫᔦᐠ ᐃᔨᑯᕽ ᐊᓂᐦᐃ ᑳ ᐃᑕᓯᓇᐦᐃᑳᑌᑭ; ᐁᑳ ᐊᐃᐧᔭᐠ ᑭᔭᐋᐧᐤ ᐊᔨᐋᐧᐠ ᑭᑕ ᑲᑭᐦᒋᒫᐟ ᐯᔭᐠ ᐃᔨᑯᕽ ᑯᑕᑲ.

[7] ᒋᑫᒫ ᐊᐁᐧᓇ ᑳ ᐃᓯᐃᐢᐠ ᐱᑐᐢ ᑭᑕ ᐃᓯ ᐊᔮᔭᐣ? ᒥᓇ ᑫᑲᐧᐩ ᐁᔮᔭᐣ ᐁᑳ ᐁ ᑭ ᐅᐦᒋ ᒥᔨᑲᐃᐧᔭᐣ? ᑭᐢᐱᐣ ᒫᑲ ᑭ ᑭ ᒥᔨᑲᐃᐧᐣ, ᑖᓀᑭ ᑳ ᑲᑭᒋᒧᔭᐣ, ᑖᐱᐢᑯᐨ ᐁᑳ ᐁ ᑭ ᐅᐦᒋ ᒥᔨᑲᐃᐧᔭᐣ?

[8] ᓵᓴᐩ ᑭ ᒧᐢᑭᓈᓈᐋᐧᐤ, ᓵᓴᐩ ᑭ ᐁᐧᔪᑎᓯᓈᐋᐧᐤ, ᓵᓴᐩ ᑭ ᑭᐦᒋ ᐅᑭᒫᐃᐧᓈᐋᐧᐤ ᐁᑳ ᐁ ᐃᐧᒉᐃᐧᑖᕽ: ᐁᐦᐁ ᐱᑕᓀ ᒫᑲ ᑖᐯᐧ ᑭᐦᒋ ᐅᑭᒫᐃᐧᔦᐠ, ᓂᔭᓈᐣ ᒥᓇ ᑭᑕ ᑭᐦᒋ ᐅᑭᒫᐃᐧᔮᕽ ᐊᓯᒋ ᑭᔭᐋᐧᐤ.

[9] ᒋᑫᒫ, ᒫᓇ ᐱᑯ, ᑭᓭᒪᓂᑐ ᐃᐢᑳᐧᔮᓂᕽ ᐁ ᑭ ᐸᑭᑎᓂᑯᔮᕽ ᓂᔭᓈᐣ ᐊᐹᐢᑎᓬᐊᐠ, ᑖᐱᐢᑯᐨ ᐊᔨᓯᔨᓂᐊᐧᐠ ᓂᐳᐃᐧᓂᕽ ᐁ ᐃᓯ ᐅᔭᓱᐋᐧᑎᑲᐃᐧᔮᕽ: ᒋᑫᒫ ᐅ ᐋᐧᐸᒋᑲᓂᐊᐧᐊᐧ ᓂᐟ ᐃᓯᐃᑲᐃᐧᓈᐣ ᐊᐢᑭᕽ ᑳ ᐊᔮᒋᐠ, ᐅᑭᓯᑯᐊᐧᐠ, ᒥᓇ ᐊᔨᓯᔨᓂᐊᐧᐠ.

[10] ᓂ ᒧᐦᒍᐃᐧᓈᐣ ᙭ ᐅᐦᒋ, ᒫᑲ ᑭᔭᐋᐧᐤ ᑭᐟ ᐃᔨᓂᓯᓈᐋᐧᐤ ᙭ ᐃᓯ; ᓂ ᓀᓱᐃᐧᓯᓈᐣ, ᒫᑲ ᑭᔭᐋᐧᐤ ᑭ ᒪᐢᑲᐃᐧᓯᓈᐋᐧᐤ; ᑭᐟ ᐊᔮᓈᐋᐧᐤ ᑭᐢᑌᔨᑖᑯᓯᐃᐧᐣ, ᒫᑲ ᓂᔭᓈᐣ ᓂᐟ ᐊᔮᓈᐣ ᒪᒉᔨᑖᑯᓯᐃᐧᐣ.

[11] ᐱᔨᐢ ᐊᓄᐦᐨ ᐊᐦᐳ ᓂ ᓄᑌᑲᑖᓈᐣ, ᒥᓇ ᓂ ᓄᑌᔮᐹᑳᐧᓈᐣ, ᒥᓇ ᓂ ᒧᓭᐢᑲᑖᓈᐣ, ᒥᓇ ᓂ ᐹᐸᑲᒪᐅᑲᐃᐧᓈᐣ, ᒥᓇ ᓇᒪᐃᐧᔭ ᑫᒋᓈᔦᔨᑖᑲᐧᐣ ᐃᑕ ᐁ ᐃᐧᑭᔮᕽ;

[12] ᓂ ᑲᑳᐧᑕᑭᓈᐣ, ᐁ ᐊᑐᐢᑫᔮᕽ ᓂᒋᐦᒋᓈᓇ ᐅᐦᒋ: ᐁ ᒪᒋ ᐃᑎᑲᐃᐧᔮᕽ, ᓂ ᒥᔪ ᑭᓵᐧᓯᐋᐧᓈᐣ; ᐁ ᑯᑕᑭᐦᐃᑲᐃᐧᔮᕽ, ᓂ ᓯᐯᔨᑌᓈᐣ;

[13] ᐁ ᒫᔮᒋᒥᑲᐃᐧᔮᕽ, ᓂ ᑳᑭᓯᒧᓈᐣ: ᓂᐟ ᐃᓯᐃᑲᐃᐧᓈᐣ ᑖᐱᐢᑯᐨ ᐊᓂᒪ ᑳ ᔨᐹᑕᕽ ᐊᐢᑭᕽ, ᑳ ᑭᒋᐢᑎᐁᐧᐸᐃᑳᑌᐠ ᑲᐦᑭᔭᐤ ᑫᑲᐧᐩ, ᐱᔨᐢ ᐊᓄᐦᐨ.

[14] ᓇᒪᐃᐧᔭ ᓂ ᒪᓯᓇᐃᐣ ᐅᐦᐃ ᑭᑕ ᓇᓀᐯᐃᐧᒥᑕᑯᐠ, ᒫᑲ ᑭᑕ ᐊᔭᑳᐧᒥᒥᑕᑯᐠ ᑖᐱᐢᑯᐨ ᑳ ᓵᑭᐊᑭᐠ ᓂᐟ ᐊᐋᐧᓯᒥᓴᐠ.

[15] ᒋᑫᒫ ᐋᑕ ᐊᔮᐋᐧᔦᑯᐠ ᒥᑖᑕᑖᐧᐤ ᑭᐦᒋ ᒥᑖᑕᐦᑐᒥᑕᓇᐤ ᐅᑭᐢᑭᓄᐦᐊᒫᑫᐊᐧᐠ ᙭ ᐃᓯ, ᐁᔨᐁᐧᕽ ᓇᒪᐃᐧᔭ ᒥᐦᒉᑎᐊᐧᐠ ᑯᑖᐃᐧᐋᐧᐊᐧᐠ; ᒋᑫᒫ ᙭ ᒋᓴᐢ ᐃᓯ ᑭ ᑭ ᓂᐦᑖᐃᐧᑭᐃᑎᓈᐋᐧᐤ ᒥᔮᐧᒋᒧᐃᐧᓂᕽ.

[16] ᐁᑯᓯ ᒫᑲ ᑭ ᐸᑯᓭᔨᒥᑎᓈᐋᐧᐤ, ᑭᐢᑭᓇᐋᐧᐸᒥᐠ ᓂᔭ.

[17] ᐁᐊᐧᑯ ᐅᒪ ᐅᐦᒋ ᑭᐟ ᐃᓯᑎᓴᐊᒫᑎᓈᐋᐧᐤ ᑎᒪᑎ, ᑳ ᓵᑭᐦᐊᐠ ᒥᓇ ᑳ ᐊᔮᑳᐧᒥᓯᐟ ᓂᐟ ᐊᐋᐧᓯᒥᐢ ᑳ ᑎᐯᔨᐦᒋᑫᐟ ᐃᓯ, ᐁᐊᐧᑯ ᑫ ᒥᐢᑲᐋᐧᓱᒥᑯᔦᐠ ᓂᐟ ᐃᓯᑖᐧᐃᐧᓇ ᙭ ᐃᓯ, ᑳ ᐃᓯ ᑭᐢᑭᓄᐦᐊᒫᑫᔮᐣ ᒥᓯᐁᐧ ᐃᑌ ᐃᑕ ᐅᑕᔭᒥᐋᐤ ᐁ ᐊᔮᐟ.

[18] ᐋᑎᐦᐟ ᒫᑲ ᒥᐢᑕᐦᐃ ᐃᑌᔨᒥᓱᐊᐧᐠ, ᑖᐱᐢᑯᐨ ᐁᑳ ᑭᑕ ᐯ ᓇᑕᐋᐧᐸᒥᑕᑯᐠ.

[19] ᒫᑲ ᐃᐧᐸᐨ ᑭ ᑲ ᐯ ᓇᑕᐋᐧᐸᒥᑎᓈᐋᐧᐤ, ᑭᐢᐱᐣ ᐃᑌᔨᑕᑭ ᑳ ᑎᐯᔨᐦᒋᑫᐟ; ᐁᑯᓯ ᓂ ᑲ ᑭᐢᑫᔨᑕᑌᐣ, ᓇᒪᐃᐧᔭ ᐅᐟ ᐃᑌᐧᐃᐧᓂᐋᐧᐤ ᐊᓂᑭ ᒥᐢᑕᐦᐃ ᑳ ᐃᑌᔨᒥᓱᒋᐠ, ᒫᑲ ᐅ ᒪᐢᑲᐃᐧᓯᐃᐧᓂᐋᐧᐤ.

[20] ᒋᑫᒫ ᐅᐟ ᐅᑌᓇᐃᐧᐃᐧᐣ ᑭᓭᒪᓂᑐ ᓇᒪᐃᐧᔭ ᐃᑌᐧᐃᐧᓂᕽ ᑳ ᐊᔮᐠ, ᒫᑲ ᒪᐢᑲᐃᐧᓯᐃᐧᓂᕽ.

[21] ᑖᓂᓯ ᐁᓯ ᓇᑕᐁᐧᔨᑕᒣᐠ? ᓂ ᑲ ᐯ ᐃᑐᐦᑖᐣ ᒋ ᐁ ᑭᑭᔮᐣ ᐸᓴᐢᑌᐃᑲᐣ, ᐊᐦᐳ ᒋ ᓵᑭᐦᐃᐁᐧᐃᐧᓂᕽ ᒥᓇ ᔪᐢᐱᓯᐃᐧ ᐊᐦᒑᐦᑯᕽ?