<1 Corinthians ᓂᐢᑕᑦ ᑲᕒᐃᐣᑎᔭᓇ 3

[1] ᓂᔭ ᒫᑲ, ᓂᒋᐋᐧᒥᑎᐠ, ᓇᒪᐃᐧᔭ ᑭ ᑭ ᐃᓯ ᐱᑭᐢᑳᐧᑎᑎᓈᐋᐧᐤ ᑖᐱᐢᑯᐨ ᐁ ᐊᐦᒑᑯᐃᐧᔦᐠ, ᒫᑲ ᑖᐱᐢᑯᐨ ᐁ ᐃᐧᔮᓯᐃᐧᔦᐠ, ᑖᐱᐢᑯᐨ ᐅᐢᑲᐋᐧᓯᓴᐠ ᙭ ᐃᓯ.

[2] ᑐᑐᓵᐳ ᑭ ᑭ ᐊᓴᒥᑎᓈᐋᐧᐤ, ᓇᒪᐃᐧᔭ ᐃᐧᔮᐢ; ᒋᑫᒫ ᓇᒪᐃᐧᔭ ᑭ ᑭ ᐅᑎᓀᓈᐋᐧᐤ, ᐊᐦᐳ, ᓇᒣᐢᑲᐧ ᑭ ᑲᐢᑭᑖᓈᐋᐧᐤ ᑭᑕ ᐅᑎᓇᒣᐠ;

[3] ᒋᑫᒫ ᑫᔮᐱᐨ ᑭ ᐃᐧᔮᓯᐃᐧᓈᐋᐧᐤ: ᐃᐧᔭ ᐁ ᐃᐦᑕᑲᐧᕽ ᐃᑕ ᑳ ᐊᔮᔦᐠ ᐃᓴᐋᐧᓇᑫᔨᒧᐃᐧᐣ ᒥᓇ ᒫᔨᐃᐧᒉᑐᐃᐧᐣ, ᓇᒪ ᒋ ᑭ ᐃᐧᔮᓯᐃᐧᓈᐋᐧᐤ, ᒥᓇ ᑭ ᐱᒧᑖᓈᐋᐧᐤ ᐁ ᐃᓯᐦᒋᑫᒋᐠ ᐊᔨᓯᔨᓂᐊᐧᐠ?

[4] ᐃᐧᔭ ᐯᔭᐠ ᐁ ᐃᑌᐧᐟ, ᓂᔭ ᐹᓬ ᐅᐦᒋ; ᒥᓇ ᑯᑕᐠ, ᓂᔭ ᐊᐹᓬᐊᐢ ᐅᐦᒋ; ᓇᒪ ᒋ ᑭᐟ ᐊᔨᓯᔨᓂᐃᐧᓈᐋᐧᐤ?

[5] ᑫᑯᑳᐣ ᒫᑲ ᐊᐊᐧ ᐊᐹᓬᐊᐢ? ᒥᓇ ᑫᑯᑳᐣ ᐊᐊᐧ ᐹᓬ? ᐅᑕᑐᐢᑫᐢᑖᑫᐋᐧᐠ ᐁᐊᐧᑯᓂᐠ ᐅᐦᒋ ᐁ ᑭ ᑖᐯᐧᑕᒣᐠ; ᒥᓇ ᐸᐯᐢᑭᐢ ᐁ ᑭ ᐃᓯ ᒥᔨᑯᒋᐠ ᑳ ᑎᐯᔨᐦᒋᑫᔨᐟ.

[6] ᓂᔭ ᓂ ᑭ ᑭᐢᑎᑳᐣ, ᐊᐹᓬᐊᐢ ᑭ ᓵᓯᑲᐅᐹᑕᑦ; ᒫᑲ ᑭᓭᒪᓂᑐ ᑭ ᔭᑭᑭᑖᐤ.

[7] ᐁᑯᓯ ᒫᑲ ᓇᒪᐃᐧᔭ ᐊᓇ ᑳ ᑭᐢᑎᑫᐟ ᑳ ᐊᑭᒋᑲᓱᐟ, ᒥᓇ ᓇᒪᐃᐧᔭ ᐊᓇ ᑳ ᓵᓯᑲᐊᒋᑫᐟ; ᒫᑲ ᑭᓭᒪᓂᑐ ᑳ ᔭᑭᑭᑖᐟ.

[8] ᐊᓇ ᒫᑲ ᑳ ᑭᐢᑎᑫᐟ ᒥᓇ ᐊᓇ ᑳ ᓵᓯᑲᐊᒋᑫᐟ ᐯᔭᑯᐊᐧᐠ: ᒫᑲ ᒐᒉᑊ ᑭᑕ ᒥᔮᐤ ᑕᐦᑐ ᐊᔨᓯᔨᓂᐤ ᑳ ᐃᓯ ᐊᑐᐢᑫᐟ.

[9] ᒋᑫᒫ ᓂᔭᓈᐣ ᑭᓭᒪᓂᑐ ᐆ ᐃᐧᒋ ᐊᑐᐢᑫᒫᑲᓇ: ᑭᔭᐋᐧᐤ ᑭᓭᒪᓂᑐ ᐅ ᑭᐢᑎᑫᐃᐧᐣ, ᑭᓭᒪᓂᑐ ᐅ ᐋᐧᐢᑳᐦᐃᑲᓂᑫᐃᐧᐣ.

[10] ᑳ ᐃᓯ ᒥᔨᑲᐃᐧᔮᐣ ᒫᑲ ᐅ ᓂᓱᑲᒫᑫᐃᐧᐣ ᑭᓭᒪᓂᑐ, ᑖᐱᐢᑯᐨ ᑳ ᐃᔨᓂᓯᐟ ᐅᓂᑳᓂ ᐋᐧᐢᑳᐦᐃᑲᓂᑫᐤ ᓂ ᑭ ᐅᔭᐢᒋᑳᐣ; ᐁᑯᓯ ᑯᑕᐠ ᑭ ᐊᑎ ᐋᐧᐢᑳᐦᐃᑲᓂᑫᐤ ᐁᑯᑕ. ᒫᑲ ᑭᔮᑦ ᑕᐦᑐ ᐊᔨᓯᔨᓂᐤ ᑭᑕ ᐊᔮᑳᐧᒥᓯᐤ ᑖᓂᓯ ᐁᓯ ᐋᐧᐢᑳᐦᐃᑲᓂᑫᐟ ᐁᑯᑕ.

[11] ᒋᑫᒫ ᑯᑕᐠ ᐅᔭᐢᒋᑫᐃᐧᐣ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑭ ᐅᔭᐢᑖᐤ ᐃᔨᑯᕽ ᐊᓂᒪ ᑳ ᑭ ᐅᔭᐢᑌᐠ, ᐁᐊᐧᑯ ᒋᓴᐢ ᙭.

[12] ᑭᐢᐱᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᐋᐧᐢᑳᐦᐃᑲᓂᑲᑫᒋ ᐁᑯᑖ ᐅᔭᐢᒋᑫᐃᐧᓂᕽ ᐅᓵᐃᐧᓱᓂᔮᐋᐧᐱᐢᑲᐧ, ᐋᐧᐱᐢᑭᓱᓂᔮᐋᐧᐱᐢᑲᐧ, ᑳ ᐋᑲᐧᑭᓱᔨᐟ ᐊᓯᓂᔭ, ᒥᐢᑎᐠ, ᒪᐢᑯᓯᔭ, ᐃᐢᑯᓵᐋᐧᒋᑲᓇ;

[13] ᑕᐦᑐ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ ᑭᑕ ᓄᑲᐧᓂᔨᐤ: ᒋᑫᒫ ᐊᓂᒪ ᑭᓯᑳᐤ ᑭᑕ ᐃᐧᑕᒧᒪᑲᐣ, ᐃᐧᔭ ᐃᐢᑯᑌᕽ ᑭᑕ ᐅᐦᒋ ᑭᐢᑫᔨᑖᑲᐧᐣ; ᐁᑯᓯ ᐃᐢᑯᑌᐤ ᑫᐦᒋᐋᐧᐠ ᑭᑕ ᑯᒋᐃᐧᑖᒪᑲᐣ ᑲᐦᑭᔭᐤ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ ᐁᓯ ᐊᔮᔨᑫᐧ.

[14] ᑭᐢᐱᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ ᐋᔮᑕᓂᔨᑭ ᐁᑯᑕ ᑳ ᑭ ᐋᐧᐢᑳᐃᑫᐟ, ᑭᑕ ᐅᐦᑎᓇᑦ ᑎᐸᐦᐊᒫᑯᐃᐧᐣ.

[15] ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ ᑭᓯᑌᔨᑭ, ᑭᑕ ᐊᐧᓂᒋᑫᐤ: ᒫᑲ ᐃᐧᔮ ᑭᑕ ᐱᒫᒋᐦᐋᐤ; ᒫᑲ ᑖᐱᐢᑯ ᐱᑯ ᐃᐢᑯᑌᕽ ᐅᐦᒋ.

[16] ᓇᒪ ᒋ ᑭ ᑭᐢᑫᔨᑌᓈᐋᐧᐤ ᑭᔭᐋᐧᐤ ᐁ ᐅᐟ ᐊᔭᒥᐦᐁᐃᐧᑲᒥᑯᐟ ᑭᓭᒪᓂᑐ, ᒥᓇ ᐅᐟ ᐊᐦᒑᐦᑲᐧ ᑭᓭᒪᓂᑐ ᐁ ᑭᑭᐢᑳᑯᔦᐠ?

[17] ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᓂᓯᐊᐧᓈᒋᑖᐋᐧᒋ ᐅᐟ ᐊᔭᒥᐦᐁᐃᐧᑲᒥᑯᔨᐤ ᑭᓭᒪᓂᑐᐊᐧ, ᑭᑕ ᓂᓯᐊᐧᓈᒋᐃᐠ ᐃᐧᔭ ᑭᓭᒪᓂᑐᐊᐧ; ᒋᑫᒫ ᑲᓇᑕᓂᔨᐤ ᐅᐟ ᐊᔭᒥᐦᐁᐃᐧᑲᒥᐠ ᑭᓭᒪᓂᑐ, ᐁᐊᐧᑯ ᒫᑲ ᑭᔭᐋᐧᐤ.

[18] ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᔦᓯᐃᓱ. ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐃᑕ ᑳ ᐊᔮᔦᐠ ᐃᔨᓂᓯᐊᐧᑫᔨᒥᓱᒋ ᐅᑕ ᐊᐢᑭᕽ, ᑭᔮᑦ ᒥᑐᓂ ᑭᑕ ᒧᐦᒍᐃᐧᐤ, ᑭᑕ ᑭ ᐃᔨᓂᓯᐟ.

[19] ᒋᑫᒫ ᐅᒪ ᐊᐢᑭᐃᐧ ᐃᔨᓂᓯᐃᐧᐣ ᒧᐦᒍᐃᐧᐃᐧᐣ ᐃᑕᑭᑕᑦ ᑭᓭᒪᓂᑐ. ᒋᑫᒫ ᐃᑕᓯᓇᐦᐃᑳᑌᐤ, ᐅᑎᓀᐤ ᑳ ᐃᔨᓂᓯᔨᐟ ᐅ ᒪᒥᔪᓂᑫᐃᐧᓂᔨᕽ:

[20] ᒥᓇ ᒫᑲ, ᑳ ᑎᐯᔨᐦᒋᑫᐟ ᑭᐢᑫᔨᑕᒣᐧᐤ ᐅ ᒫᒥᑐᓀᔨᒋᑲᓂᔨᐊᐧ ᑳ ᐃᔨᓂᓯᔨᐟ, ᐱᑯᓇᑕ ᐁ ᐃᑌᔨᑖᑲᐧᓂᔨᑭ

[21] ᐁᑳᐃᐧᔭ ᒫᑲ ᐊᐃᐧᔭᐠ ᐊᔨᓯᔨᓂᐤ ᑭᑕ ᒪᒥᐦᒋᒧ ᐊᔨᓯᔨᓂᓈᕽ ᐃᐧᔭ ᐃᓯ. ᒋᑫᒫ ᑲᐦᑭᔭᐤ ᑫᑲᐧᐩ ᑭᔭᐋᐧᐤ ᑭᐟ ᐊᔮᐃᐧᓂᐋᐧᐤ;

[22] ᑭᐢᐱᐣ ᐹᓬ, ᐊᐦᐳ ᐊᐹᓬᐊᐢ, ᐊᐦᐳ ᓯᐹᐢ, ᐊᐦᐳ ᐊᐢᑭ, ᐊᐦᐳ ᐱᒫᑎᓯᐃᐧᐣ, ᐊᐦᐳ ᓂᐱᐃᐧᐣ, ᐊᐦᐳ ᐊᓄᐦᐨ ᑳ ᐊᔮᑭ, ᐊᐦᐳ ᓂᑳᐣ ᑫ ᐊᔮᑭ; ᑲᐦᑭᔭᐤ ᑭᔭᐋᐧᐤ;

[23] ᐁᑯᓯ ᑭᔭᐋᐧᐤ ᙭ ᑭᐟ ᐊᔮᐃᐧᑯᐋᐧᐤ; ᒥᓇ ᙭ ᑭᓭᒪᓂᑐᐊᐧ ᐊᔮᐃᐧᐠ.