[1] Matigi, ko min kɛra an na, i hakili to o la. I ka an mafiɲɛyali cogo filɛ k'a kɔlɔsi.
[2] An ciyɛn kɛra dunanw ta ye, an ka sow kɛra siya wɛrɛ mɔgɔw ta ye.
[3] Fa tɛ an na, an kɛra falatɔw ye, an baw kɛra muso cɛ salenw ye.
[4] An bɛ an ka minni ji san ni wari ye, an bɛ an ka dɔgɔ bɛɛ san.
[5] U tugura an nɔ fɛ ka an tɔɔrɔ ka zu to an kan na. An barika banna, an tɛ lafiya si sɔrɔ.
[6] An ye an bolo jan Misirakaw ni Asirikaw ye walisa ka dumuni sɔrɔ.
[7] An bɛnbaw ye jurumu kɛ, u tɛ yen tun, olu ka tilenbaliya kow doni bɛ an kun.
[8] Jɔnw sigira an kun na, mɔgɔ si tɛ an tila ka bɔ u bolo.
[9] An faratilen bɛ dumuni ɲini, npan bɛ kungokolon kɔnɔ.
[10] An fari finna i n'a fɔ gwa so, katuguni kɔngɔ gwanna an na, a bɛ i n'a fɔ tasuma.
[11] U ye Sion dugu kɔnɔ musow ani Juda bɔnsɔn denmusow karaba ka u tiɲɛn.
[12] U ye kuntigiw dulon jiri la, u ma cɛkɔrɔbaw bonya.
[13] Kamalenw bɛ sili kɛ, denmisɛnw bɛ bi dɔgɔ doni kɔrɔ.
[14] Cɛkɔrɔbaw tɛ sigi dugu dondaw la tun, an ka kamalenw tɛ dɔnkili da ka u ɲɛnajɛ tun.
[15] Nisɔndiya ko bɛɛ banna an dusu la. An ka ɲɛnajɛ ni dɔnkɛ kow yɛlɛmana ka kɛ su kasi ye.
[16] Masafugula bira ka bɔ an kun na. Bɔnɛ bɛ an ye sabu an ye jurumu kɛ.
[17] An dusu kasilen don, an ɲɛnasisilen don,
[18] Sion kulu tiɲɛnnen kosɔn, kungo wuluw y'a kɛ u yaalayaala yɔrɔ ye.
[19] Nka e Matigi, e ka masaya tɛ ban abada, i ka masasigilan bɛ to badaa.
[20] Mun kosɔn i bɛ ɲinɛ an kɔ tuma bɛɛ? I na an bilalen to badaa wa?
[21] Matigi, i ka an lasegin i ma, walisa an ka kɔsegin i ma. I ka an ka tile tɛmɛnnen kɔrɔw hɛrɛ ɲɔgɔn di an ma.
[22] I na ban an na pewu wa? I na dimin an kɔrɔ ka dama tɛmɛn wa?