[1] او گونلرده گئنه بؤیوک بئر جاماعات ییغیلدی و یمک اوچون هچ شیلری یوخ ائدی. عئسا شاگئردلرئنی چاغیریب اونلارا ددی:
[2] «جاماعاتا یازیغیم گلئر، چونکی اوچ گوندور یانیمدادیرلار و یمک اوچون هچ بئر شیلری یوخدور.
[3] اگر اونلاری اِولرئنه آج یولا سالام، یولدا طاقتدن دوشرلر، چونکی بعضئلری اوزاقدان گلئبلر.»
[4] شاگئردلری جاواب وردئلر: «بو چؤللوکده بو قدر آدامی دویورماق اوچون کئم هارادان چؤرک تاپا بئلر؟»
[5] عئسا اونلاردان سوروشدو: «نچه چؤره‌یئنئز وار؟» شاگئردلر ددئلر: «یدّی چؤرک.»
[6] عئسا جاماعاتا امر اتدی کی، یره اوتورسون. و یدّی چؤره‌یی گؤتوروب شوکور اتدی و بؤلوب شاگئردلرئنه وردی کی، جاماعات آراسیندا پایلاسینلار. اونلار دا پایلادیلار.
[7] اونلارین بئر نچه کئچئک بالیغی دا وار ائدی. عئسا اونلاری دا برکتله‌یئب امر اتدی کی، جاماعات آراسیندا پایلاسینلار.
[8] جاماعات ییئب دویدولار و آرتیق قالان تئکه‌لردن یدّی زنبئل دولدو.
[9] اونلارین ساییسی دؤرد مئن اولاردی. عئسا اونلاری مورخّص اتدی.
[10] و شاگئردلری ائله آنَن قاییغا مئندی و دالمانوتا دئیارینا گلدی.
[11] فرئسئلر چیخیب اونونلا موباحئثه اتمه‌یه باشلادیلار و اونو ائمتاحان اتمک اوچون گؤیدن بئر علامت ائسته‌دئلر.
[12] عئسا اورَکدن درئن آه چکئب ددی: «بو نسئل نه اوچون علامت طلب ادئر؟ دوغروسونو سئزه دیئرم، بو نسئله هچ بئر علامت ورئلمه‌یه‌جک.»
[13] و اونلاری ترک ادئب، گئنه قاییغا مئندی و دهنزئن او تایینا کچدی.
[14] اونلار چؤرک گؤتورمه‌یی یاددان چیخارتدیلار و اؤزلری ائله بئر چؤرکدن باشقا هچ بئر شیلری یوخ ائدی.
[15] عئسا شاگئردلرئنه تاپشیریب ددی: «فرئسئلرئن مایاسیندان و هئرودون مایاسیندان اوزاق قالین.»
[16] شاگئردلر آرالاریندا بحث ادئب دیئردئلر: «چؤره‌یئمئز اولمادیغی اوچون بله دیئر.»
[17] عئسا بونو باشا دوشوب اونلارا ددی: «چؤره‌یئنئز اولمادیغی اوچون نئیه بحث ادئرسئنئز؟ حله ده باشا دوشمه‌یئبسئنئز؟ حله ده آنلاماییبسینیز؟ اوره‌یئنئز داشدیر؟
[18] آیا گؤزلرئنئز اولا-اولا گؤرمورسونوز؟ قولاقلارینیز اولا-اولا اشئتمئرسئنئز؟
[19] آیا خاطیرلامیرسینیز او زامانی کی، بش چؤره‌یی بش مئن نفرئن آراسیندا پایلادیم؟! آرتیق قالان تئکه‌لردن نچه سبد دولدوردونوز؟» شاگئردلر جاواب وردئلر: «اون‌ائکی سبد.»
[20] «یدّی چؤره‌یی دؤرد مئن نفرئن آراسیندا پایلادیغیم زامان، آرتیق قالان تئکه‌لردن نچه زنبئل دولدوردونوز؟» شاگئردلر جاواب وردئلر: «یدّی زنبئل.»
[21] عئسا اونلارا ددی: «حله ده آنلامیرسینیز؟!»
[22] اونلار بیت‌صیدایا گلدئلر. کور بئر آدامی اونون یانینا گتئرئب، عئسایا یالواردیلار کی، اونا ال قویسون.
[23] عئسا کورون الئندن توتوب اونو کنددن اشئیه چیخارتدی و گؤزلرئنه توپوروب اَللرئنی اونون اوستونه قویدو و اوندان سوروشدو: «بئر شی گؤرورسن؟»
[24] کور آدام یوخاری باخیب ددی: «آداملاری گؤرورم، اونلاری آغاجلار کئمی گؤرورم کی، یرئیئرلر.»
[25] او واخت عئسا اَللرئنی گئنه کورون گؤزلری اوستونه قویدو. کور آدام دئقّتله باخیب صاغالدی و بوتون شیلری سرراست گؤردو.
[26] عئسا اونو اِوئنه گؤندَ‌رئب ددی: «کنده اصلا گئرمیه‌سن.»
[27] عئسا شاگئردلری ائله فئلئپی قیصرئیّه‌سئنئن کندلری طرفئنه یولا دوشدو. یولدا شاگئردلردن سوروشوب اونلارا ددی: «خالق منئم کئم اولدوغومو دیئر؟»
[28] شاگئردلر جاواب وردئلر: «تعمئد ورن یحیا، بعضی آداملار ائلیا و اؤزگه‌لری ده پیغمبرلردن بئری.»
[29] عئسا اونلارین اؤزوندن سوروشدو: «سئز منئم کئم اولدوغومو دیئرسئنئز؟» پطروس اونا جاواب ورئب ددی: «سن مسئحسن.»
[30] عئسا اونلارا جئدّی تاپشیردی کی، اونون باره‌سئنده هچ کئمه بئر شی دمه‌سئنلر.
[31] و اونلارا تعلئم ورمه‌یه باشلادی کی، ائنسان اوغلو گرک چوخ عذاب چکسئن و آغ ساقّاللار، باش کاهئنلر و دئن عالئملری طرفئندن ردّ اولونوب اؤلدورولسون و اوچ گون سونرا دا دئرئلسئن.
[32] عئسا بو سؤزو اونلارا آچیقجا ددی. پطروس اونو بئر یانا چکئب دانلاماغا باشلادی.
[33] آمّا عئسا دؤنوب شاگئردلرئنه باخدی و پطروسا آجیقلانیب ددی: «ای شیطان، مندن ردّ اول. چونکی سن تارینین ائشلرئنی یوخ، ائنسانین ائشلرئنی دوشونورسن.»
[34] عئسا جاماعاتی شاگئردلری ائله یانینا چاغیریب ددی: «اگر کئمسه ائسته‌یئر منئم دالیمجا گلسئن، گرک اؤزونو ائنکار ادئب چارمیخینی گؤتورسون و منئم دالیمجا گلسئن.
[35] چونکی جانینی قورتارماق ائسته‌یَن هر کس، اونو هلاک اده‌جک. آمّا کئم جانینی مندن اؤتری و ائنجئلدن اؤتری اَلدن ورسه، اونو قورتاراجاقدیر.
[36] ائنسان اوچون نه خیئری وار کی، بوتون دونیانی قازانسین، لاکئن جانینی محو اتسئن.
[37] ائنسان اؤز جانی عوضئنه نه وره بئلر؟
[38] چونکی بو زئناکار و گوناهکار نسلئن ائچئنده، هر کس مندن و منئم سؤزلرئمدن اوتانسا، ائنسان اوغلو دا آتانین عئزّتئنده موقدّس ملکلر‌له گلدئیی واخت اوندان اوتاناجاق.»